14 აგვისტო 2020, 11:29 / სანდო წყარო

საქართველოს ბიზნეს ასოციაცია მეწარმეთა შესახებ ახალი კანონის პროექტს მნიშვნელოვან ნაბიჯად აფასებს

საქართველოს ბიზნეს ასოციაციაში აცხადებენ, რომ მიესალმებიან მეწარმეთა შესახებ ახალი კანონის პროექტის ინიცირებას და მას საინვესტიციო გარემოს გაუმჯობესების მიზნით მნიშვნელოვან წინ გადადგმულ ნაბიჯად მიიჩნევენ.

„უკვე არაერთი წელია, რაც პროფესიული წრეები, ბიზნესისა და აღმასრულებელი ხელისუფლების სხვადასხვა შტოს წარმომადგენლები თანხმდებიან, რომ დღეს მოქმედი, სამეწარმეო საქმიანობის მარეგულირებელი ძირითადი კანონი მოძველებულია. შესაბამისად, წლების განმავლობაში განხორციელებული უსისტემო ცვლილებების გამო ის შეუსაბამოა დღეს არსებულ რეალობასთან და გამოწვევებთან. საქართველოს იუსტიციის სამინისტროს ორგანიზებით მიმდინარე სამუშაო პროცესის შედეგად, რომელშიც საერთაშორისო დონორ ორგანიზაციებთან ერთად აკადემიური წრეების, ექსპერტებისა და ბიზნეს გაერთიანებების წარმომადგენლები მონაწილეობდნენ, დღეს ჩვენ უკვე შეგვიძლია ვისაუბროთ ახალი კანონის პროექტზე, რომელიც დიდწილად თანხვედრაშია როგორც ევროკავშირის შესაბამის კანონმდებლობასთან, ასევე პასუხობს თანამედროვე სტანდარტებსა და ჩვენი ქვეყნის თავისებურებების გათვალისწინებით არსებულ გამოწვევებს“ - აღნიშნულია ასოციაციის მიერ გავრცელებულ განცხადებაში.

BAG-ში მიაჩნიათ, რომ აღნიშნული პროექტი, ხელს შეუწყობს სამეწარმეო საქმიანობის ორგანიზაციული ფორმების უფრო მეტად დახვეწას, სამეწარმეო საქმიანობით დაინტერესებული პირებისათვის განჭვრეტადი გარემოს შექმნასა და შესაბამის ადმინისტრაციულ თუ სასამართლო ორგანოებში ერთიანი პრაქტიკის განვითარებას.

„მნიშვნელოვანია, რომ ახალი პროექტის შესაბამისობა ევროკავშირის კანონმდებლობასთან მნიშვნელოვნად შეუწყობს ხელს და პრაქტიკულად ახალ სივრცეს გაუხსნის ქართულ და ევროპული ბიზნეს ოპერატორების თანამშრომლობას. მათ შორის, გამარტივდება ერთობლივი საწარმოების შექმნის პროცესი და გაიზრდება საქართველოში ახალი ინვესტიციებისა და ტექნოლოგიების მოზიდვის შესაძლებლობა“ - აღნიშნულია განცხადებაში.

ასოციაციაში აღნიშნავენ, რომ მეწარმეთა შესახებ ახალი კანონის პროექტი ის ერთ-ერთი იშვიათი გამონაკლისია, რომელზედაც საუკეთესო პრაქტიკის შესაბამისად განხორციელდა რეგულირების ზეგავლენის შეფასება, რამაც საშუალება მისცა ყველა დაინტერესებულ მხარეს ნათლად და ცხადად წარმოედგინა რეფორმის შედეგად მოსალოდნელი სარგებელი.

„უნდა აღინიშნოს თავად კანონპროექტზე სამუშაო პროცესის მიმდინარეობა, დაინტერესებულ მხარეებთან კომუნიკაციის, ჩართულობის მაღალი ხარისხი, რამაც საბოლოო ჯამში შესაძლებელი გახადა ხარისხიანი და პროფესიული დოკუმენტის შექმნა. თუმცა ცხადია, რომ დოკუმენტზე მუშაობა მისი საქართველოს პარლამენტში ინიცირების შემდეგაც უნდა გაგრძელდეს. საქართველოს ბიზნეს ასოციაცია გამოხატავს მზაობას, რომ ანალოგიურად როგორც სხვა შემთხვევებში, აქტიურად ჩაერთოს საპარლამენტო განხილვების პროცესში და გაუზიაროს საკუთარი მოსაზრებები საქართველოს საკანონმდებლო ხელისუფლების წარმომადგენლებს“ - ვკითხულობთ განცხადებაში.

იუსტიციის სამინისტრომ მეწარმეთა შესახებ ახალ კანონზე მუშაობა დაასრულა. პარლამენტის მიერ პროექტის დამტკიცების შემთხვევაში, ახალი რეგულაციები ძალაში 2021 წლის 1-ლი იანვრიდან შევა.

დეტალურ ინფორმაციას იმის შესახებ, თუ რა სიახლეებს გულისხმობს მეწარმეთა შესახებ ახალი კანონპროექტი, გაეცანით ამ ბმულზე.

ყველა სიახლე

22 სექტემბერი 2020, 13:43

საზოგადოება

საზოგადოებრივი ცენტრის პროექტის ფარგლებში იუსტიციის სახლსა და „ლიბერთი ბანკს“ შორის ურთიერთთანამშრომლობის მემორანდუმი გაფორმდა

იუსტიციის სახლსა და „ლიბერთი ბანკს“ შორის ურთიერთთანამშრომლობის მემორანდუმი გაფორმდა. დოკუმენტს ხელი იუსტიციის სახლის აღმასრულებელმა დირექტორმა სოსო გიორგაძემ და„ლიბერთი ბანკის“გენერალურმა დირექტორმა ვასილ ხოდელმა მოაწერეს.

სალომე ზურაბიშვილი

22 სექტემბერი 2020, 13:27

საზოგადოება

პრეზიდენტი გაეროს სამიტზე საქართველოს უნიკალური ბიომრავალფეროვნების დაცვისა და შენარჩუნების საკითხებზე ისაუბრებს

საქართველოს პრეზიდენტის განცხადებით, საქართველოს ბიომრავალფეროვნება უნიკალურია და მისი დაცვა სასიცოცხლოდ მნიშვნელოვანია ეკონომიკური ზრდისა და სიღარიბის დაძლევისთვის. მნიშვნელოვანია ჩვენი ბუნებრივი კაპიტალის შენარჩუნება, როგორც დაზიანებული ეკოსისტემების აღდგენის, ასევე, საქართველოსთვის ენდემური სახეობების კონსერვაციის თვალსაზრისით.

ლევან გორგაძე

22 სექტემბერი 2020, 13:19

სპორტი

ტოჩინოშინი მეათე საშეჯიბრო დღეს დამარცხდა

ტოკიოში მიმდინარე აკი ბაშოს მეათე საშეჯიბრო დღე ლევან გორგაძისთვის წარუმატებელი აღმოჩნდა. ტოჩინოშინი სეკივაკე მიტაკეუმისთან იორიკირის ილეთით დამარცხდა.

22 სექტემბერი 2020, 13:16

საზოგადოება

„თბილისის მუნიციპალიტეტში მონაწილეობითი დემოკრატიის გაძლიერების პროექტის“ გაცნობითი შეხვედრა გაიმართა

„ახლა იქმნება მუდმივი პლატფორმა. ეს არის პირველი წინგადადგმული ნაბიჯი, რომელიც გარემოსდაცვითი დემოკრატიის გაძლიერებას უზრუნველყოფს მუნიციპალიტეტში. ვფიქრობ, ძალიან მნიშვნელოვანია ასეთი პლატფორმები, მითუმეტეს, რომ მას მხარს ევროსაბჭო უჭერს“, - განაცხადა მაია ბითაძემ.

22 სექტემბერი 2020, 13:15

საზოგადოება

საქართველოს საელჩო აშშ-ში მყოფი საქართველოს მოქალაქეებისთვის არჩევნებში მონაწილეობის პროცედურების შესახებ ინფორმაციას ავრცელებს

საქართველოს საელჩო აშშ-ში, საქართველოს მოქალაქეების საყურადღებოდ 2020 წლის საპარლამენტო არჩევნებში მონაწილეობის პროცედურებზე ინფორმაციას ავრცელებს. საელჩოს ინფორმაციით, საარჩევნო მიზნებისთვის საკონსულო აღრიცხვაზე შეიძლება დადგეს მხოლოდ საზღვარგარეთ მყოფი საქართველოს მოქალაქე, არაუგვიანეს მიმდინარე წლის 10 ოქტომბრისა.

22 სექტემბერი 2020, 13:15

COVID19

ზუგდიდში 2 ახალი კოვიდინფიცირებულიდან ერთი ოქროს ბირჟის თანამშრომელია

რეგიონის სახელმწიფო რწმუნებული მოვალეობის შემსრულებლის, მალხაზ თორიას ინფორმაციით, ოქროს ბირჟა დროებით დაიკეტა და ყველა თანამშრომლის ტესტირება მიმდინარეობს, ტერიტორიაზე ტარდება სადეზინფექციო სამუშაოები.

22 სექტემბერი 2020, 13:09

რეგიონი

რესან კონცელიძე მოსახლეობასთან შეხვედრებს განაგრძობს

წინასაარჩევნო კამპანიის ფარგლებში, „ქართული ოცნების“ ბათუმის მაჟორიტარი დეპუტატობის კანდიდატი, რესან კონცელიძე მოსახლეობასთან შეხვედრებს აგრძელებს. მორიგი შეხვედრა მაჟორიტარობის კანდიდატმა გენერალ აბაშიძის, კობალაძისა და ინასარიძის ქუჩის მაცხოვრებლებლებთან გამართა.

22 სექტემბერი 2020, 12:56

პოლიტიკა

საქართველში 2020 წლის საპარლამენტო არჩევნებს IRI-ის წარმომადგენლები დააკვირდებიან

საერთაშორისო რესპულიკური ინსტიტუტი (IRI) აცხადებს, რომ 2020 წლის საპარლამენტო არჩევნების შეფასების გუნდის საქართველოში ჩამოვა. ამასთან დაკავშირებით, ორგანიზაცია სპეციალურ განცხადებას ავრცელებს.

22 სექტემბერი 2020, 12:53

საზოგადოება

საქართველოში მიწისძვრა მოხდა

საქართველოში მიწისძვრა მოხდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისქვეშა ბიძგები ლაგოდეხთან დაფიქსირდა. 3,3 მაგნიტუდის სიმძლავრის მიწისძვრის ეპიცენტრი სოფელ ხიზაბავრასთან იყო.

ზაზა გაბუნია

22 სექტემბერი 2020, 12:43

პოლიტიკა

ზაზა გაბუნიამ ევროპის საბჭოს პროექტის ფარგლებში გამართული შეხვედრის მონაწილეებს სიტყვით მიმართა

საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, ზაზა გაბუნიამ ევროპის საბჭოს პროექტის „თბილისის მუნიციპალიტეტში მონაწილეობითი დემოკრატიის გაძლიერება“ ფარგლებში გამართული შეხვედრის მონაწილეებს სიტყვით მიმართა, - ამის შესახებ ინფორმაციას საქართველოს პარლამენტის პრესსამსახური ავრცელებს.

გიორგი ცუცქირიძე

22 სექტემბერი 2020, 12:30

საზოგადოება

გიორგი ცუცქირიძე: ეროვნული ბანკის ყოფილი პრეზიდენტის მიერ ციფრებით მანიპულირება და „ნაციონალური მოძრაობის“ მმართველობის ხანის „ოქროს ხანად“ წარმოჩენა, მის ნაციონალურ მრწამსზე კიდევ ერთხელ მიუთითებს

სააკაშვილის ახალი ვიდეო მიმართვიდან ელვისებურად, თითქოს დაწერილი სცენარიაო, ეროვნული ბანკის ყოფილმა პრეზიდენტმა გიორგი ქადაგიძემ, იგივე სტილში და ციფრების მანიპულაციაზე დაფუძნებული პოსტი დადო თავის კედელზე,- ამის შესახებ ექსპერტი საბანკო - საფინანსო საკითხებში გიორგი ცუცქირიძე სოციალურ ქსელში წერს.

22 სექტემბერი 2020, 12:22

სპორტი

იტალიის საფეხბურთო კლუბ „მილანის“ წაუგებელი სერია 15 თამაშამდე გაიზარდა

იტალიის ჩემპიონატის პირველ ტურში მილანელებმა საკუთარ მოედანზე „ბოლონია“ ზლატან იბრაჰიმოვიჩის დუბლით 2:0 დაამარცხეს.

22 სექტემბერი 2020, 12:19

სპორტი

ინგლისის პრემიერლიგის ისტორიაში შედეგიანობის რეკორდი დამყარდა

ინგლისის პრემიერლიგის ისტორიაში წლევანდელი სეზონის მეორე ტურში შედეგიანობის რეკორდი დამყარდა. 10 შეხვედრაში 44 ბურთი გავიდა, რაც აქამდე არასოდეს მომხდარა. მეორე ტურის უკანასკნელ თამაშში „მანჩესტერ სიტიმ“ სტუმრად „ვულვზი“ 3:1 დაამარცხა. მეოცე წუთზე ანგარიში კევინ დე ბრუინმა თავისივე გამომუშავებული თერთმეტმეტრიანით გახსნა, ზუსტად 12 წუთში კი ფილ ფოდენმა სტუმრები ორბურთიანი უპირატესობით დააწინაურა. 78-ე წუთზე რაულ ხიმენესმა ერთი ბურთი გაქვითა, საბოლოო ანგარიში კი დე ბრუინის გადაცემით შეხვედრის უკანასკნელ წუთზე გაბრიელ ჟეზუსმა დააფიქსირა.

22 სექტემბერი 2020, 12:14

COVID19

შუახევის მუნიციპალიტეტის მერიაში კორონავირუსი 4 თანამშრომელს დაუდასტურდა

შუახევის მუნიციპალიტეტის მერიაში კორონავირუსი 4 თანამშრომელს დაუდასტურდა, - ამის შესახებ ინფორმაციას შუახევის მუნიციპალიტეტის მერია ავრცელებს. მათივე ინფორმაციით, დაავადებათა კონტროლის ეროვნული ცენტრის რეკომენდაციის თანახმად, ყველა პირი, ვისაც ინფიცირებულებთან კონტაქტი ჰქონდა, თვითიზოლაციაში გადავიდა და ტესტირება ჩაუტარდა.

22 სექტემბერი 2020, 12:08

ეკონომიკა

EBRD: საქართველო „მწვანე“ წყალბადის წარმოების პროცესს შეუერთდება

„საქართველო დგამს ძალიან დროულ ნაბიჯს საკუთარი ჰიდროენერგეტიკული პოტენციალის გამოყენებისა და თავისი გაზის ინფრასტრუქტურის პერსპექტიულობის უზრუნველყოფის კუთხით, რათა ნაკლები ნახშირბადის მქონე საწვავზე გადავიდეს. ჩვენ მოხარულები ვართ მხარი დავუჭიროთ საქართველოს პირველ ნაბიჯებს“- აცხადებს EBRD-ის წარმომადგენელი აიდა სიტდიკოვა.

გიორგი შერმადინი

22 სექტემბერი 2020, 12:05

სპორტი

გიორგი შერმადინისთვის ესპანეთის საკალათბურთო ჩემპიონატი წარმატებულად დაიწყო

გიორგი შერმადინისთვის ესპანეთის საკალათბურთო ჩემპიონატი წარმატებულად დაიწყო. „იბეროსტარ ტენერიფემ“ მისი ყოფილი გუნდი „სარაგოსა“ ოვერტაიმში 91:86 დაამარცხა. 31 წლის ქართველმა ცენტრმა თამაში სასტარტო შემადგენლობაში დაიწყო და 32 წუთში 17 ქულა, 7 მოხსნა, 2 შედეგიანი გადაცემა, 2 ჩაჭრა და 1 დაფარება დააგროვა. შერმადინმა 11-დან 6 ორქულიანი და 5-დან 5 საჯარიმო გამოიყენა. ესპანეთის ჩემპიონატის მეორე ტურში „იბეროსტარ ტენერიფე“ 23 სექტემბერს „ბილბაო ბასკეტს“ შეხვდება.

ნონა ეფაძე

22 სექტემბერი 2020, 12:00

COVID19

ბოლო მონაცემებით, აჭარის კლინიკებში COVID-19-ზე 550 პაციენტი მკურნალობს

„სამწუხაროა გასული დღე-ღამის განმავლობაში აჭარაში გარდაცვალების შემთხვევა დაფიქსირდა. ეს გახლდათ 67 წლის კაცი დატვირთული ანამნეზით, ანუ თანმხლები დაავადებებით“, - ამის შესახებ აჭარის საზოგადოებრივი ჯანდაცვის ცენტრის დირექტორის მოადგილემ, ნონა ეფაძემ განაცხადა.

22 სექტემბერი 2020, 11:59

COVID19

ზუგდიდში კორონავირუსის ექვსი ახალი შემთხვევა დადასტურდა

ზუგდიდის ინფექციურ საავადმყოფოში აღებული 253 ნიმუშიდან, 6 კოვიდდადებითია. რეგიონის სახელმწიფო რწმუნებულის მოვალეობის შემსრულებლის, მალხაზ თორიას ინფორმაციით, კოვიდინფიცირებულებიდან, სამი პირი ფოთის მკვიდრია. ინფიცირებულთა შორის ერთი ქალი სენაკის მკვიდრია. ამ დროისთვის, მიმდინარეობს მისი კონტაქტების მოძიება. ორი ინფიცირებულული კი გალის რაიონის სოფელ საბერიოს კლასტერის კონტაქტია.

22 სექტემბერი 2020, 11:56

სპორტი

ევროპის 2022 წლის საკალათბურთო ჩემპიონატის შესარჩევი ეტაპის სისტემა შესაძლოა შეიცვალოს

კორონავირუსის პრევენციის მიზნით შესაძლოა ევროპის 2022 წლის საკალათბურთო ჩემპიონატის შესარჩევი ეტაპის სისტემა შეიცვალოს. ფიბა განიხილავს ვარიანტს, რომლის მიხედვითაც ნოემბერში საშინაო და საგარეო შეხვედრების ნაცვლად, გუნდებმა შესარჩევი თამაშები ერთ ქალაქში ჩაატარონ. დაცული უნდა იყოს ჯანდაცვის მსოფლიო ორგანიზაციის პროტოკოლი და ერთ ლოკაციაზე მაქსიმუმ რვა ქვეყნის ნაკრების ჩასვლაა შესაძლებელი, მასპინძელი ქვეყანა კი რეგიონალური პრინციპით შეირჩევა. კალენდრის მიხედვით საქართველოს ნაკრებმა 27 ნოემბერს ფინეთის გუნდთან, 30 ნოემბერს კი ასევე სტუმრად შვეიცარიის ნაკრებთან უნდა ითამაშოს.

22 სექტემბერი 2020, 11:48

COVID19

ქვეყანაში 16 კრიტიკულად მძიმე კოვიდინფიცირებულია

როგორც ენდელაძემ აღნიშნა, თბილისის ინფექციურ საავადმყოფოში ამ ეტაპზე სულ 33 კოვიდინფიცირებული მკურნალობს, მათგან ერთი კრიტიკული პაციენტია, კიდევ ერთის მდგომარეობა კი მძიმედ ფასდება. „ინფექციურ საავადმყოფოში ამჟამად 33 კოვიდინფიცირებული მკურნალობს, მათგან სამი ინტენსიურ თერაპიისა და რეანიმაციულ განყოფილებაშია მოთავსებული, ერთი პაციენტის მდგომარეობა კრიტიკული, ერთის კი მძიმეა“, – აღნიშნა მარინა ენდელაძემ.