ნავთობისა და გაზის სააგენტოსა და შავი ზღვის შელფზე ნავთობის და გაზის მომპოვებელ კომპანია OMV Petrol-ს შორის ხელშეკრულება უახლოეს დღეებში გაფორმდება

დღეს მთავრობის სხდომამ ჩვენი წარდგინებით განიხილა და მოიწონა პროდუქციის წილობრივი განაწილების ხელშეკრულება, რომელიც დაიდება ჩვენი ნავთობისა და გაზის სააგენტოსა და შავი ზღვის შელბზე ნავთობისა და გაზის მომპოვებელ კომპანია „ოემვი პეტრომს“ შორის, - ამის შესახებ მთავრობის ადმინისტრაციაში გამართულ ბრიფინგზე ეკონომიკისა და მდგრადი განვითარების მინისტრიმა, ნათია თურნავამ განაცხადა.

მინისტრის თქმით, ასეთი დიდი კომპანიის საქართველოში შემოსვლა დასტურია იმის, რომ ქვეყანას მდგრადი საინვესტიციო კლიმატი გააჩნია.

„OMV petrom“-მა გაიმარჯვა შავ ზღვაზე ნავთობის ძებნისა-ძიებისა და მოპოვების გამართულ ტენდერში 2020 წლის ზაფხულში. ეს იყო პანდემიის შუა პერიოდი, მაგრამ ძალიან მნიშვნელოვანი ფაქტი შედგა, რომ ასეთმა მსხვილმა კომპანიამ მიიღო მონაწილეობა ამ ტენდერში, გამოხატა საქართველში საქმიანობის სურვილი ნავთობისა და გაზის მოპოვების სფეროში. დღეს მთავრობამ მოიწონა ხელშეკრულება, რომელიც რამდენიმე დღეში დაიდება და ხელი მოეწერება. „OMV petrom​“ არის ერთ-ერთი უმსხვილესი ავსტრიული-რუმინული კომპანია, რომელის დამფუძნებლებიც არიან ერთობლივად „OMV group“-ი, ეს არის სიდიდთ ავსტრიის ნომერ მეორე და ევროპის ნომერ მეათე ნავთობისა და გაზის მომპოვებელი კომპანია, რომელსაც 50 მილიარდამდე აქტივი გააჩნია, ასევე რუმინული სახელმწიფო მხარე. შვილობილი კომპანია, რომელიც შემოდის ჩვენთან, „OMV petrom​“-მა ცნობილია სხვადასხვა მნიშვნელოვანი საბადოზე ჩატარებული კვლევებითა და ნავთობის მოპოვებით. მათ შორის ერთ-ერთი უმსხვილესი საბადო რუმინეთში, ე.წ. დომინო1 მან აღმოაჩინა 2012 წელს და ჩვენ დიდი იმედი გვაქვს, რომ ასევე წარიმართება მისი საქმიანობა საქართველოში, ბევრი ახალი აღმოჩენა იქნება და დიდი წვლილი იქნება ქვეყნის ეკონომიკის განვითარებაში იმიტომ, რომ ნავთობის მოპოვება არის პერსპექტიული დარგი, არის მაღალი ინტერესი და ჩვენც დიდ იმედებს ვამყარებთ ამ კომპანიაზე. ფაქტი, რომ ასეთი დიდი ჯგუფი, პანდემიისდა მიუხედავად, შემოდის საქართველოში იმაზე მეტყველებს, რომ ჩვენი საინვესტიციო კლიმატი იმდენად მდგრადია გარე შოკების მიმართ, რომ პანდემიამაც კი ვერაფერი დააკლო . პირიქით, ამ დროს ჩვენ გვაქვს რამდენიმე შემთხვევა ასეთი მსხვილი და თავის სფეროში ლიდერი კომპანიების შემოსვლისა, როგორც მრეწველობაშ, ასევე აიტი ინდუსტრიაში და ა.შ.“, - განაცხადა ნათია თურნავამ.