www.imedi.ge /  29 დეკემბერი 2021, 12:04 / სანდო წყარო

კახა კალაძე: მიწის ნაკვეთის ერთ ლარად პრივატიზაცია ტყუილია

კახა კალაძე

კახა კალაძე

თბილისის მერის კახა კალაძის განცხადებით, მიწის ნაკვეთის ერთ ლარად პრივატიზაცია ტყუილი და კონკრეტული მედიასაშუალების მიერ წარმოებული მიზანმიმართული ცილისმწამებლური კამპანიაა.

ამის შესახებ კალაძემ დედაქალაქის მთავრობის სხდომაზე განაცხადა, სადაც ერთ-ერთი მედიასაშუალების ეთერში გასულ სიუჟეტს გამოეხმაურა და აღნიშნა, რომ მიწის ნაკვეთები ინვესტორს კონკრეტული ვალდებულებით გადაეცემა და ამ ვალდებულებაში კოოპერატიული ბინათმშენებლობებით დაზარალებული მოსახლეობის ფართებით დაკმაყოფილება შედის.

„საქმე ეხება თემას, რომელიც ქვეყანაში 30 წელია არსებობს და დედაქალაქის ვერც ერთმა მთავრობამ ეს პრობლემა ვერ მოაგვარა. ეს არის კოოპერატიული ბინათმშენებლობებით დაზარალებული 3 000 ოჯახი. ნამდვილად მეამაყება, რომ მე, ჩემს თანაგუნდელებთან, მთავრობის წევრებთან ერთად, ვარ ის ადამიანი, რომლებმაც ამ პროცესის მოწესრიგება დავიწყეთ. ყველა ამ ოჯახს, ადამიანს დაუბრუნდება საკუთარი საცხოვრებელი ფართი. ესენი არიან ადამიანები, რომლებსაც თანხები აქვთ გადახდილი. 2016 წელს სახელმწიფომ ეს ვალი აღიარა და მოგვანიჭა უფლებამოსილება, რომ მოხდეს ამ ოჯახების საცხოვრებელი ფართებით უზრუნველყოფა. ჩვენ სწორედ ამ განკარგულებით ვხელმძღვანელობთ. ჩემამდე იყო რამდენიმე პრეცედენტი ამ პრობლემის მოგვარების, თუმცა, ასეთი მასშტაბური მიდგომა არასდროს ყოფილა. ჩვენ გადავდგით კონკრეტული ნაბიჯები, რათა მოვახერხოთ ამ ადამიანების ფართებით დაკმაყოფილება“, - განაცხადა კალაძემ.

მისივე თქმით, თბილისის მერია დედაქალაქში ეძებს თავისუფალ მიწის ნაკვეთებს, რომელიც აუქციონზე გააქვს და ბიზნესსექტორს კონკრეტულ წინადადებას სთავაზობს - ვინც კოოპერატიული ბინათმშენებლობებით დაზარალებულ მეტ ოჯახს დააკმაყოფილებს და მათთვის მეტი ფართის გადაცემას შეძლებს, ის იქნება გამარჯვებული.

„ჩვენ მოვისმინეთ, რომ თითქოს, ეს მიწები ერთ ლარად არის გადაცემული და ნაჩუქარი. ეს არის დიდი ტყუილი. არ შეგიყვანონ შეცდომაში. ათეულობით მილიონის ინვესტიცია უწევთ ამ კომპანიებს და მილიონობით ლარის ფართებია გადმოსაცემი მერიისთვის, რათა ეს კონკრეტული ოჯახები დაკმაყოფილდნენ. რა თქმა უნდა, საბანკო საგარანტიო უზრუნველყოფით, რათა ხვალ-ზეგ ვინმე არ გაიქცეს, ეს ნაკვეთები ისე არ დარჩეს და მისი დასრულება შევძლოთ“, - განაცხადა თბილისის მერმა.

მისივე თქმით, საცხოვრებელი ფართებით 1 500-მდე დაზარალებული ოჯახი უკვე დაკმაყოფილებულია.

„რაც შეეხება ამ 3 000 ოჯახს, მინდა, მათ კიდევ ერთხელ მივმართო: ჩემი, დედაქალაქის მუნიციპალიტეტის მხრიდან ყოველთვის იქნება თანადგომა. მაქსიმალურად დაგიდგებით გვერდით და ჩვენი დაპირებისამებრ, ფართებით ყველა ოჯახი დაკმაყოფილდება. ვერანაირი ბინძური სიუჟეტი, შეურაცხყოფა, ცილისწამება ვერ შეაჩერებს იმ კონკრეტულ ნაბიჯებს, რომელიც ამ ოჯახების საცხოვრებელი ფართებით დაკმაყოფილებისკენაა მიმართული. ვერაფერი შეგვაჩერებს, რადგან ეს არის სწორი საქმე - საქმე, რომლის მოგვარება 30 წელია ვერავინ შეძლო. ჩვენ ვართ ის ადამიანები, რომლებიც ამ ოჯახებს გავაბედნიერებთ“, - განაცხადა კალაძემ.

ყველა სიახლე

ვლადიმირ პუტინი

16 მაისი 2022, 16:55

მსოფლიო

პუტინი: ნატოს გაფართოება ფინეთისა და შვედეთის ხარჯზე რუსეთისთვის უშუალო საფრთხეს არ წარმოადგენს, თუმცა ახალი სამხედრო ინფრასტრუქტურის გაფართოება აუცილებლად გამოიწვევს ჩვენს პასუხს

რუსეთის პრეზიდენტმა, ვლადიმირ პუტინმა განაცხადა, რომ ნატოს გაფართოება ფინეთისა და შვედეთის ხარჯზე რუსეთისთვის უშუალო საფრთხეს არ წარმოადგენს, რადგან მოსკოვს ამ ქვეყნებთან არანაირი პრობლემა არ აქვს, თუმცა ფინეთსა და შვედეთში ახალი სამხედრო ინფრასტრუქტურა რუსეთისგან რეაგირებას მოითხოვს.

16 მაისი 2022, 16:47

რეგიონი

ბათუმის ცენტრალურ ნაწილში ახალი საჯარო სკოლა აშენდება

ქალაქ ბათუმის ცენტრალურ ნაწილში (დემეტრე თავდადებულის და ილია ჭავჭავაძის ქუჩების კვეთასთან) ახალი საჯარო სკოლის მშენებლობის სამუშაოებზე ტენდერი გამოცხადდა, - ამის შესახებ ინფორმაციას აჭარის მთავრობის ადმინისტრაცია ავრცელებს.

16 მაისი 2022, 16:36

რეგიონი

გურიაში ტურიზმის ეროვნული ადმინისტრაციის ინფო-ტური გაიმართა

ტურიზმის ეროვნული ადმინისტრაცია ტურისტული კომპანიებისა და მედიასაშუალებებისთვის ინფო-ტურებს აგრძელებს. ადმინისტრაციისა და გერმანიის საერთაშორისო თანამშრომლობის საზოგადოების (GIZ) ორგანიზებით გურიას ტურ-ოპერატორები, ჟურნალისტები, ფოტოგრაფები და ბლოგერები ეწვივნენ, - ამის შესახებ ინფორმაციას ტურიზმის ეროვნული ადმინისტრაცია ავრცელებს.

დავით ქართველიშვილი

16 მაისი 2022, 16:35

პოლიტიკა

დავით ქართველიშვილი: ქართული არასამთავრობოები პირდაპირ ახალისებდნენ გვარამიას, გაეგრძელებინა „რუსთავი 2“-ის ძარცვა და სტრასბურგის გადაწყვეტილების შემდეგ ხმა არ ამოუღიათ

კრიმინალი გვარამიას დაპატიმრების შემდეგ დაეწყვნენ რიგი არასამთავრობო ორგანიზაციები, რომლებსაც არაფერი სცხიათ ობიექტურობის და აპრიორი ლანძღავენ და აკრიტიკებენ სასამართლოს გადაწყვეტილებას, - წერს ექსპერტი დავით ქართველიშვილი სოციალურ ქსელში.

ირაკლი ჩიხლაძე

16 მაისი 2022, 16:31

საზოგადოება

ირაკლი ჩიხლაძე „ქრონიკის“ ჟურნალისტისთვის მუშაობაში ხელის შეშლასა და კვესიტაძის მოწოდებაზე: ერთი სული აქვთ, გაიმეორონ ის, რაც ერთხელ უკვე ჩაიდინეს - „იმედში“ შეჭრა, პირდაპირი ეთერის ჩაშლა, ჟურნალისტებზე თავდასხმა მათი ხელწერაა

ტელეკომანია „იმედის“ გენერალური დირექტორის მოადგილე, ირაკლი ჩიხლაძე Facebook-ის საკუთარ გვერდზე გამოეხმაურა „ქრონიკის“ პირდაპირ ეთერში მარიამ ქართველიშვილის ჩართვის დროს მომხდარ ინციდენტს, როდესაც ეკა კვესიტაძე, ლაშა ბუღაძე, ნინო ჯანგირაშვილი და ნინია კაკაბაძე ჩართვის დროს პირდაპირ ეთერში შეიჭრნენ.

16 მაისი 2022, 16:26

პოლიტიკა

დარგობრივი ეკონომიკისა და ეკონომიკური პოლიტიკის კომიტეტმა დასაქმების პოლიტიკის დაგეგმვისა და განხორციელების თაობაზე მთავრობის ანგარიში მოისმინა

დარგობრივი ეკონომიკისა და ეკონომიკური პოლიტიკის კომიტეტმა დღევანდელ სხდომაზე საქართველოს მთავრობის მიერ წარმოდგენილი „დასაქმების პოლიტიკის დაგეგმვისა და განხორციელების ანგარიში“ მოისმინა.

ლევან დავითაშვილი

16 მაისი 2022, 16:26

ეკონომიკა

ლევან დავითაშვილი: პურის ფასის გაზრდის წინაპირობა დღეს არ არის

პურის ფასის გაზრდის წინაპირობა დღეს არ არის, თუ გარემო ფაქტორები შეიცვლება, რა თქმა უნდა, ყველაფერი შეიძლება მოხდეს, თუმცა, ამ გარემო ფაქტორების გათვალისწინებით, დღევანდელ ვითარებაში ამას არ აქვს წინაპირობა, - განაცხადა ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ. მისივე თქმით, სასურსათო უსაფრთხოების კუთხით მოსახლეობას პრობლემა არ აქვს.

ზურაბ ქადაგიძე

16 მაისი 2022, 16:23

პოლიტიკა

ზურაბ ქადაგიძე: ჟიგიმანტას პავილიონისი რომ აქაურ „ნაცებზე“ უფრო დიდი „ნაცია“, ეს არახალია, მაგრამ ახლა ნამეტანი მოუვიდა. ანუ, გვარამია არა დამოუკიდებელი მედია, არამედ ხელისუფლების პოლიტიკური ოპონენტი და „ნაციონალური მოძრაობის“ წევრია?

ანუ გვარამია არა დამოუკიდებელი მედია, არამედ ხელისუფლების პოლიტიკური ოპონენტი და „ნაციონალური მოძრაობის“ წევრია? კი ბატონო, ვიცითმ, რომ ასეა და კარგია, რომ ყველაფერს თავისი სახელი თავად „ნაცებმაც“ დაარქვეს! - წერს ანალიტიკოსი, ზურაბ ქადაგიძე ჟიგიმანტას პავილიონისის განცხადების შესახებ.

ოთარ შამუგია

16 მაისი 2022, 16:18

ეკონომიკა

ოთარ შამუგია: ფქვილის მოწოდების და მარაგების მხრივ არანაირი შეფერხება არ არსებობს

მინდა, ხაზგასმით აღვნიშნო, რომ შეფერხება მომარაგებასთან დაკავშირებით არ არსებობს, არის რეალურად მოწოდებაში ცვლილება ფქვილის და ხორბლის ბალანსში, რაც გამოწვეულია ძირითადი ჩვენი იმპორტიორი ქვეყნის მიერ დაწესებული საექსპორტო გადასახადით ხორბალზე, - ამის შესახებ საქართველოს გარემოს დაცვისა და სოფლის მეურნეობის მინისტრმა ოთარ შამუგიამ მთავრობის სხდომაზე განაცხადა.

16 მაისი 2022, 16:16

პოლიტიკა

დარგობრივი ეკონომიკისა და ეკონომიკური პოლიტიკის კომიტეტმა „დაზღვევის შესახებ“ კანონში ცვლილების პროექტზე იმსჯელა

დარგობრივი ეკონომიკისა და ეკონომიკური პოლიტიკის კომიტეტის სხდომაზე ევროპასთან ინტეგრაციის კომიტეტის მიერ საკანონმდებლო ინიციატივის წესით წარდგენილ „დაზღვევის შესახებ“ კანონში ცვლილების შეტანის თაობაზე კანონპროექტზე იმსჯელეს.

ნანა კაკაბაძე

16 მაისი 2022, 16:15

პოლიტიკა

ნანა კაკაბაძე ნიკა გვარამიას შეწყალებაზე: იმედია სალომე ზურაბიშვილი გამოიჩენს ევროპულობას და პრინციპულობას, არ დაიზიანებს საკუთარ რეპუტაციას და სამართლებრივის ნაცვლად არ მიიღებს ბულინგზე დაქვემდებარებულ პოლიტიკურ გადაწყვეტილებას

თუ სალომე ზურაბიშვილი დაექვემდებარება პრიმიტიულ შეტევებს და ნებისმიერი თითიდან გამოწოვილი საფუძვლით მართლაც შეიწყალებს ნიკა გვარამიას, ამით მხოლოდ იმას დაამტკიცებს, რომ შეწყალება პოლიტიკურ ინსტრუმენტად არის გადაქცეული რომ პრეზიდენტის და ქვეყნის მხედართმთავრის ინსტიტუტი ფეხქვეშაა გათელილი, - ამის შესახებ არასამთავრობო ორგანიზაცია „ყოფილი პოლიტპატიმრები ადამიანის უფლებებისთვის“ თავმჯდომარე ნანა კაკაბაძე Facebook-ზე წერს.

16 მაისი 2022, 16:10

საზოგადოება

განაშენიანების ინტენსივობის კოეფიციენტის (K2) მაჩვენებლის შეცვლის მიზნით გასაცემი მოსაკრებლის გადახდის ვადა 2025 წლის 1-ელ იანვრამდე გადაიწევს

განაშენიანების ინტენსივობის კოეფიციენტის (K2) ზღვრული მაჩვენებლის შეცვლის მიზნით გასაცემი მოსაკრებლის გადახდის ვადა 2025 წლის 1 იანვრამდე გადაიწევს, ნაცვლად მოქმედი კანონმდებლობით განსზღვრული 2020 წლის 1 იანვრისა. ამას ითვალისწინებს „ადგილობრივი მოსაკრებლების შესახებ“ კანონში შესატანი ცვლილება, რომელზეც დარგობრივი ეკონომიკისა და ეკონომიკური პოლიტის კომიტეტმა მეორე მოსმენით იმსჯელა.

ავთანდილ თალაკვაძე

16 მაისი 2022, 16:10

რეგიონი

ავთანდილ თალაკვაძემ ახალი პროგრამები და პროექტები წარადგინა

„მთავრობასთან ჩვენი მუნიციპალიტეტიც აქტიურად მუშაობს პოსტპანდემიურ პერიოდში ეკონომიკის და განსაკუთრებით ტურიზმის აღდგენის მიმართულებით - წელს ტურისტების გაზრდილ რაოდენობას ველოდებით. დავიწყეთ მზადება სანაპირო ზოლის ინფრასტრუქტურის და უსაფრთხოების მოსაწესრიგებლად - შინაგან საქმეთა და ინფრასტრუქტურის სამინისტროებთან ერთად, ვმუშაობთ პროექტზე, რომლითაც ურეკი-შეკვეთილის მთელ სანაპირო ზოლზე 8 თანამედროვე სამეთვალყურეო-სამაშველო კოშკურა აიგება. ასევე უახლოეს პერიოდში დასრულდება ურეკში ბულვარის სამშენებლო სამუშაოები. კიდევ ერთი მნიშვნელოვანი თემა, რომელზეც ჩვენმა გუნდმა და ჩემმა მოადგილეებმა აქტიურად იმუშავეს - ეს არის მედიკამენტები. პრემიერ მინისტრის ინიციატივამ თურქეთთან იმპორტის დაშვებასთან დაკავშირებით, სერიოზული შეღავათი გაუკეთა ჩვენს მოქალაქეებს და ფასების არსებითი შემცირება გამოიწვია მედიკამენტებზე. როგორც დაგპირდით, ახლა ჩვენც ვასრულებთ პირობას და ხელი მოვაწერე მემორანდუმს სააფთიაქო ქსელებთან, რომელიც მედიკამენტებზე ფასდაკლებას ეხება - მუნიციპალური სოციალური პროგრამებით მოსარგებლე მოქალაქეები საჭირო მედიკამენტებს შეიძინენ კვირის ნებისმიერ დღეს, ფასდაკლების დღეებში არსებული ფასებით“, - განაცხადა თალაკვაძემ.

16 მაისი 2022, 16:09

საზოგადოება

დარგობრივი ეკონომიკისა და ეკონომიკური პოლიტიკის კომიტეტმა მეორე მოსმენით იმსჯელა „საავტომობილო ტრანსპორტის შესახებ“ საქართველოს კანონში ცვლილების შეტანის თაობაზე

დარგობრივი ეკონომიკისა და ეკონომიკური პოლიტიკის კომიტეტმა მეორე მოსმენით იმსჯელა „საავტომობილო ტრანსპორტის შესახებ“ საქართველოს კანონში ცვლილების შეტანის თაობაზე.

ირაკლი ღარიბაშვილი

16 მაისი 2022, 16:04

პოლიტიკა

ირაკლი ღარიბაშვილი ბრიუსელში გაემგზავრა

საქართველოს პრემიერ-მინისტრი ირაკლი ღარიბაშვილი ბელგიის სამეფოში გაემგზავრა. ორდღიანი ვიზიტის ფარგლებში საქართველოს მთავრობის მეთაური მაღალი დონის ორმხრივ შეხვედრებს გამართავს ევროპულ საბჭოში, ევროკომისიასა და ევროპარლამენტში, ასევე - ნატოში.

ლევან დავითაშვილი

16 მაისი 2022, 15:57

ეკონომიკა

ლევან დავითაშვილი: ჩვენი მოლოდინი არის, რომ საწვავის ფასი კიდევ უნდა შემცირდეს

ჩვენი მოლოდინი არის, რომ საწვავის ფასი კიდევ უნდა შემცირდეს. ამ კუთხით, დღესვე შევხვდებით ერთ ჯგუფს, რამდენიმე შეხვედრა გვექნება კვირის განმავლობაში და ვფიქრობთ, რომ გარკვეული შედეგის მომცემი იქნება, - ამის შესახებ მთავრობის სხდომის დასრულების შემდეგ ეკონომიკის მინისტრმა, ლევან დავითაშვილმა მთავრობის სხდომის დასრულების შემდეგ განაცხადა.

მელანი ჟოლი

16 მაისი 2022, 15:56

მსოფლიო

მელანი ჟოლი: კანადის მიზანია, რომ პირველი თუ არა, ერთ-ერთი პირველი ქვეყანა იყოს, რომელიც ფინეთისა და შვედეთის გასაწევრიანებლად რატიფიკაციას განახორციელებს

„ჩვენ უნდა რუსეთის პოლიტიკური და ეკონომიკური თვალსაზრისით იზოლირება მოვახდინოთ. სანქციებთან დაკავშირებით კანადა ევროკავშირთან აქტიურად თანამშრომლობს. ჩვენ ვართ ფინეთის და შვედეთის ნატოში გაწევრიანების მომხრე და უფრო მეტიც, მათი სწრაფად გაწევრიანება უნდა მოხდეს. კანადას ბევრი რამ აქვს საერთო ფინეთთან და შვედეთთან. ჩვენ ღირებულებები გვაკავშირებს. კანადის მიზანია, რომ პირველი თუ არა, ერთ-ერთი პირველი ქვეყანა იყოს, რომელიც ფინეთისა და შვედეთის გასაწევრიანებლად რატიფიკაციას განახორციელებს. ჩვენ ამის გაკეთება რამდენიმე დღეში შეგვიძლია. ვიმუშავებთ პარტნიორებთან, რათა მათაც სწრაფად შეძლონ პროცედურების წარმართვა“, - განაცხადა მელანი ჟოლიმ.

16 მაისი 2022, 15:53

საზოგადოება

ხვალიდან საქალაქთაშორისო მატარებლები შეცვლილი განრიგით იმოძრავებენ

საქართველოს რკინიგზის ინფორმაციით, 17 მაისიდან მატარებლების მოძრაობის განრიგი იცვლება.

თამარ გაბუნია

16 მაისი 2022, 15:38

საზოგადოება

სისხლის დონორობის უფლებასთან დაკავშირებული საკითხები ევროპული სტანდარტების შესაბამისად მოწესრიგდება

თავდაცვისა და უშიშროების და დარგობრივი ეკონომიკისა და ეკონომიკური პოლიტიკის კომიტეტების გაერთიანებულ სხდომაზე, პირველი მოსმენით, „ადამიანის სისხლის და მისი კომპონენტების ხარისხისა და უსაფრთხოების შესახებ“ და მისგან გამომდინარე კანონპროექტები განიხილეს. მთავრობის მიერ საკანონმდებლო ინიციატივის წესით მომზადებულ საკანონმდებლო პაკეტზე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ, თამარ გაბუნიამ ისაუბრა.

ირაკლი ღარიბაშვილი

16 მაისი 2022, 15:36

ეკონომიკა

ირაკლი ღარიბაშვილი ხორბლისა და ფქვილის მარაგზე: საკმარისზე მეტი მარაგი არსებობს - ეს საკითხი გარკვეული მცირე ჯგუფის მიერ იყო პოლიტიზირებული, აჟიოტაჟი ხელოვნურად შექმნეს

„ქვეყანაში ფქვილის, ხორბლის საკმარისზე მეტი მარაგი არსებობს და სულ რაღაც ერთ თვეში, თვე-ნახევარში, ჩვენც საკუთარ ხორბალს უკვე ავიღებთ, მოსავალს ავიღებთ. შესაბამისად არავითარი აჟიოტაჟის საფუძველი არ იყო“.