ლევან დავითაშვილმა პარლამენტარებს ქვეყნის მთავარი ეკონომიკური მაჩვენებლები, ზრდის დინამიკა და მნიშვნელოვანი რეფორმების და პროექტების მიმდინარეობა გააცნო

ფოტო: ეკონომიკისა და მდგრადი განვითარების სამინისტრო
ლევან დავითაშვილმა მე-11 მოწვევის პარლამენტის საფინანსო-საბიუჯეტო, დარგობრივი ეკონომიკისა და ეკონომიკური პოლიტიკის, აგრარულ საკითხთა, გარემოს დაცვისა და ბუნებრივი რესურსების და რეგიონული პოლიტიკისა და თვითმმართველობის კომიტეტების წევრებს ქვეყნის მთავარი ეკონომიკური ტენდენციები და პერსპექტივები გააცნო.
საპარლამენტო კომიტეტების ერთობლივ სხდომაზე მთავრობის შემადგენლობისთვის ნდობის გამოცხადების საკითხსა და სამთავრობო პროგრამაზე „2025–2028 მხოლოდ მშვიდობით, ღირსებით, კეთილდღეობით ევროპისკენ“ იმსჯელეს. როგორც ეკონომიკისა და მდგრადი განვითარების მინისტრობის კანდიდატმა სიტყვით გამოსვლისას აღნიშნა, ქვეყანაში კვლავ გრძელდება ბოლო რამდენიმე წლის განმავლობაში დაფიქსირებული პოზიტიური ეკონომიკური ტენდენციები.
„იანვარ-სექტემბრის მონაცემებით ეკონომიკურმა ზრდამ 9.9% შეადგინა. მაღალი ეკონომიკური ზრდის პარალელურად საქართველოში დაბალია ინფლაციის მაჩვენებელი - მიმდინარე წლის ოქტომბერში 0.3%. უმუშევრობის შემცირების ტენდენცია გაგრძელდა 2024 წლის სამ კვარტალში და საშუალოდ 13.8% შეადგინა. რაც შეეხება სიღარიბეს - გასულ წელს სიღარიბის აბსოლუტურ ზღვარს ქვევით მყოფი მოსახლეობის წილი ისტორიულ მინიმუმამდე, 11.8%-მდე შემცირდა და მხოლოდ სამი წლის განმავლობაში 350 ათასზე მეტმა ადამიანმა დააღწია თავი სიღარიბეს. თუმცა, აღნიშნული პოზიტიური დინამიკის მიუხედავად, სიღარიბე კვლავ მნიშვნელოვან გამოწვევად რჩება“, - განაცხადა ლევან დავითაშვილმა.
საპარლამენტო კომიტეტების ერთობლივ სხდომაზე გამოსვლისას ლევან დავითაშვილმა აქცენტები გააკეთა მიმდინარე და დაგეგმილ რეფორმებსა და მომავალი რამდენიმე წლის ეკონომიკური ზრდის პერსპექტივებსა და პროგნოზებზეც ისაუბრა. ლევან დავითაშვილის თქმით, 2028 წლისთვის მთლიანი შიდა პროდუქტი 130 მლრდ ლარს, მშპ ერთ სულზე კი 35 000 ლარს (13 000 აშშ დოლარს) გადააჭარბებს.
მინისტრობის კანდიდატის განცხადებით, დღეისთვის საქართველოს მსოფლიოში ერთ-ერთი ყველაზე თავისუფალი საგარეო სავაჭრო პოლიტიკა აქვს, 2023 წელს 2019 წელთან შედარებით საქონლის ექსპორტი 60%-ით, ხოლო სავაჭრო ბრუნვა 63%-ით გაიზარდა. მისი ინფორმაციით, მთავრობა განაგრძობს საექსპორტო ბაზრების დივერსიფიკაციას, რაც ხელს შეუწყობს საერთაშორისო ბაზრებზე ქართული პროდუქციის ხელმისაწვდომობას და ქვეყნის ეკონომიკური პოტენციალის ზრდას. როგორც ლევან დავითაშვილმა აღნიშნა, 2025 წელს ხელი მოეწერება სამხრეთ კორეასთან თავისუფალი ვაჭრობის შეთანხმებას, ასევე გაგრძელდება მოლაპარაკებები ინდოეთთან, ისრაელთან, ყურის არაბულ სახელმწიფოებთან და სერბეთთან.
რაც შეეხება მეწარმეობის განვითარების ხელშეწყობას - ლევან დავითაშვილის ინფორმაციით, სახელმწიფო პროგრამის „აწარმოე საქართველოში“ ფარგლებში 700 ახალი საწარმო შეიქმნა, ხოლო 800 საწარმო გაფართოვდა და გადაიარაღდა. მინისტრობის კანდიდატის ინფორმაციით, წარმოების ხელშეწყობის და განვითარების მიზნით, შემდგომ წლებში გაფართოვდება ბიზნესის მხარდაჭერის სახელმწიფო პროგრამები, მომდევნო 4 წელიწადში პროგრამების ჯამური დაფინანსება 1,5 მილიარდ ლარს გადააჭარბებს.
ინოვაციების და ტექნოლოგიების სექტორში არსებულ ზრდის დინამიკასთან დაკავშირებით, ლევან დავითაშვილის ინფორმაციით, სახელმწიფოს გრანტებით დაფინანსებულმა სტარტაპებმა უკვე დააგენერირეს 500 მილიონ ლარზე მეტი ფინანსური სარგებელი და შექმნეს 4 000-მდე ახალი მაღალტექნოლოგიური სამუშაო ადგილი.
„დღეის მდგომარეობით, ქვეყანაში 120-ზე მეტი საერთაშორისო IT კომპანია ფუნქციონირებს და 10 000-ზე მეტ ადამიანს ასაქმებს. 2025 წლიდან ამუშავდება სრულიად ახალი, სრულმასშტაბიანი აქსელერაციის პროგრამა, რომელიც უზრუნველყოფს წლიურად 160 სტარტაპის მომზადებას და დაფინანსებას“ - განაცხადა ლევან დავითაშვილმა.
ეკონომიკისა და მდგრადი განვითარების მინისტრობის კანდიდატმა საკომიტეტო მოსმენაზე ტურიზმის სექტორზეც ისაუბრა და აღნიშნა, რომ 2023 წლის ტურიზმიდან მიღებულმა შემოსავლებმა რეკორდულ მაჩვენებელს 4.1 მილიარდ აშშ. დოლარს მიაღწია. ლევან დავითაშვილის ინფორმაციით, 2024 წელს ტურიზმიდან მიღებული შემოსავლები კი 4.4 მილიარდი დოლარი იქნება. ამასთან, ქვეყნის კურორტების განვითარების მიზნით, შესწავლილია 200-ზე მეტი კურორტისა და საკურორტო ადგილის განვითარების პოტენციალი, შეირჩა 60-ზე მეტი ტურისტულად მიმზიდველი ადგილი.
„მთავრობის მიერ განსახორციელებელი აქტივობების შედეგად, 2028 წლისთვის ტურიზმიდან მიღებული შემოსავლები 6,4 მილიარდ დოლარს მიაღწევს, ხოლო საერთაშორისო მოგზაურების ვიზიტების რაოდენობა 11 მილიონამდე გაიზრდება“, - აღნიშნა მან.
რაც შეეხება ენერგეტიკის სექტორს, ლევან დავითაშვილმა მთავრობის ენერგეტიკული პოლიტიკის მთავარ მიზნებად ენერგოდამოუკიდებლობის და ენერგოუსაფრთხოების მაქსიმალური გაძლიერება დაასახელა. მინისტრობის კანდიდატის თქმით, აქტიურად მიმდინარეობს განახლებადი რესურსების ათვისებაზე მუშაობა, როგორც ჰიდრო, ასევე ქარის და მზის სადგურების მიმართულებით.
ქვეყნის რეგიონების გაზიფიცირება და ელექტრიფიცირება ლევან დავითაშვილის გამოსვლის კიდევ ერთი პრიორიტეტული მიმართულება იყო. მისი თქმით, გაგრძელდება საქართველოს სხვადასხვა რეგიონებში გაზისა და ელექტროენერგიის არმქონე სოფლების გაზიფიცირება და ელექტრიფიცირება და მომდევნო 4 წლის განმავლობაში გაზიფიცირების სამუშაოები 600-ზე მეტ დასახლებულ პუნქტში განხორციელდება. საბოლოოდ, 95%-მდე გაიზრდება შიდამეურნეობების წილი, რომელთაც გაზზე წვდომა ექნებათ.
მინისტრობის კანდიდატმა აქცენტი გააკეთა შავი ზღვის წყალქვეშა კაბელის პროექტზე, რომლის დასრულება 2030 წლისთვისაა დაგეგმილი და ის საქართველოს საშუალებას მისცემს, ევროპის ქვეყნებში ელექტროენერგიის პირდაპირი ექსპორტი განახორციელოს.
ქვეყნის სატრანსპორტო და ლოგისტიკური პოტენციალის სრულად გამოყენება - კიდევ ერთი საკითხი იყო, რომელზეც მინისტრობის კანდიდატმა ყურადღება გაამახვილა. ლევან დავითაშვილის ინფორმაციით, მომდევნო წლებში კიდევ მეტად გააქტიურდება საქართველოზე გამავალი სატრანსპორტო მარშრუტების, მათ შორის, „შუა დერეფნის“ მიმართულებით დამატებითი ტვირთების მოზიდვის კუთხით მუშაობა. საქართველოსა და ევროკავშირს შორის სატრანსპორტო კავშირების გაძლიერების მიზნით, გაგრძელდება მუშაობა შავ ზღვაზე ბულგარეთთან და რუმინეთთან პირდაპირი საბორნე ხაზების დამატების და მიმოსვლის ინტენსივობის გაზრდის მიმართულებით.
ლევან დავითაშვილმა განმარტა, რომ ფინალურ ეტაპზეა ქვეყნისთვის უმნიშვნელოვანესი ანაკლიის ღრმაწყლოვანი ნავსადგურის განვითარებისთვის კერძო პარტნიორის გამოვლენის პროცესი, პორტი კი ოპერირებას, ყველაზე გვიან, 2029 წელს დაიწყებს. პირველი ფაზის დასრულების შემდეგ პორტის გამტარობა იქნება 600 000 კონტეინერი (TEU) წელიწადში, ხოლო განხორციელებული ინვესტიცია 600 მლნ აშშ დოლარს გაუტოლდება.
მინისტრობის კანდიდატმა ასევე ისაუბრა რკინიგზის მოდერნიზაციის პროექტზე, რომლის დასრულების შემდეგაც რკინიგზის წლიური გამტარუნარიანობა 27 მილიონიდან 48 მილიონ ტონამდე, ხოლო, საჭიროების შემთხვევაში, ავტომატური ბლოკირების სისტემის დამონტაჟებით – 100 მილიონ ტონამდე გაიზრდება. დასკვნით ეტაპზეა ბაქო-თბილისი-ყარსის სარკინიგზო მონაკვეთის მშენებლობა, რომელიც „შუა დერეფნის“ განუყოფელი ნაწილია.
რაც შეეხება ტრანსპორტის კიდევ ერთ მნიშვნელოვან, ავიაციის სექტორს და მისი განვითარების დინამიკას - როგორც ლევან დავითაშვილმა აღნიშნა, 2024 წელი შემოსული ავიაკომპანიებისა და ახალი ავიამიმართულებების მხრივ რეკორდული იყო. ბოლო წლებში მნიშვნელოვნად გაიზარდა რეგულარული და არარეგულარული რეისებით გადაყვანილ მგზავრთა რაოდენობა და 2023 წლის მდგომარეობით 6 მილიონ მგზავრზე მეტი შეადგინა.
„2024 წელი რეკორდული იყო შემოსული ავიაკომპანიებისა და ახალი ავიამიმართულებების მხრივ. მრავალწლიანი პაუზის შემდეგ ბაზარზე დაბრუნდნენ ავიაკომპანია Austrian Airlines-ი და British Airways-ი. მგზავრთნაკადის ზრდის პარალელურად, მიმდინარეობს საქართველოს აეროპორტების განვითარების პროცესი,“ - აღნიშნა ლევან დავითაშვილმა.
ყველა სიახლე

15 თებერვალი 2025, 01:48
მსოფლიო
დონალდ ტრამპი: ჯეი დი ვენსს რეალურად ძალიან ბრწყინვალე გამოსვლა ჰქონდა - ევროპა ფრთხილად უნდა იყოს
აშშ-ის პრეზიდენტმა, დონალდ ტრამპმა შეაქო ვიცე-პრეზიდენტის, ჯეი დი ვენსის გამოსვლა მიუნხენის უსაფრთხოების კონფერენციაზე და აღნიშნა, რომ ევროპა ფრთხილად უნდა იყოს.

15 თებერვალი 2025, 01:23
მსოფლიო
თეთრმა სახლმა Associated Press-ის ჟურნალისტებს ოვალურ კაბინეტსა და პრეზიდენტის თვითმფრინავ Air Force One-ზე წვდომა აუკრძალა - მიზეზად კი სააგენტოს მიერ „ამერიკის ყურის“ ტერმინის გამოყენებაზე უარის თქმა დასახელდა
თეთრმა სახლმა Associated Press-ის ჟურნალისტებს ოვალურ კაბინეტსა და პრეზიდენტის თვითმფრინავ Air Force One-ზე წვდომა აუკრძალა, ამის მიზეზად კი სააგენტოს მიერ „ამერიკის ყურის“ ტერმინის გამოყენებაზე უარის თქმა დასახელდა. ინფორმაციას ამის შესახებ ტელეკომპანია CNN-ი ავრცელებს.

15 თებერვალი 2025, 01:01
მსოფლიო
Reuters: აშშ-ის ვიცე-პრეზიდენტი პარტია „ალტერნატივა გერმანიისთვის“ ლიდერს შეხვდა
აშშ-ის ვიცე-პრეზიდენტი, ჯეი დი ვენსი გერმანიაში ვიზიტის ფარგლებში შეხვდა პარტია „ალტერნატივა გერმანიისთვის“ (AfD) ლიდერს, ალის ვაიდელს. ინფორმაციას ამის შესახებ სააგენტო Reuters-ი ავრცელებს.

15 თებერვალი 2025, 00:46
მსოფლიო
ზელენსკიმ განაცხადა, რომ კარგი შეხვედრა გამართა აშშ-ის ვიცე-პრეზიდენტთან
უკრაინის პრეზიდენტმა, ვოლოდიმირ ზელენსკიმ განაცხადა, რომ კარგი შეხვედრა გამართა აშშ-ის ვიცე-პრეზიდენტთან, ჯეი დი ვენსთან მიუნხენის უსაფრთხოების კონფერენციის ფარგლებში.

15 თებერვალი 2025, 00:28
კულტურა
Guns N Roses შეკვეთილში - 30 მაისის გრანდიოზული შოუსთვის სამზადისი დაწყებულია. „ქრონიკის“ სიუჟეტი
Guns N Roses შეკვეთილში - ლეგენდარული როკ-ჯგუფის კონცერტამდე სამ თვეზე ცოტა მეტი რჩება. 30 მაისის გრანდიოზული შოუსთვის სამზადისი დაწყებულია. პარალელურად, „სტარინგ ჯორჯიას” ფარგლებში ახალი კამპანია მიმდინარეობს.

15 თებერვალი 2025, 00:15
მსოფლიო
აშშ-ის ვიცე-პრეზიდენტი: მნიშვნელოვანია, რომ უახლოეს წლებში ევროპამ დიდი ნაბიჯი გადადგას საკუთარი თავდაცვის უზრუნველყოფის მიზნით
ჩვენ მივიჩნევთ, რომ მნიშვნელოვანია, რომ უახლოეს წლებში ევროპამ დიდი ნაბიჯი გადადგას საკუთარი თავდაცვის უზრუნველყოფის მიზნით, - განაცხადა აშშ-ის ვიცე-პრეზიდენტმა, ჯეი დი ვენსმა მიუნხენის უსაფრთხოების კონფერენციაზე სიტყვით გამოსვლისას.

15 თებერვალი 2025, 00:04
საზოგადოება
დღეს მირქმაა
მირქმა, ღვთისადმი მიგებების დღესასწაული, უფლის 12 დღესასწაულთა შორის ერთ-ერთი უდიდესია. წმინდა სახარების მიხედვით, ამ დღეს ყრმა იესო ღვთისმშობელმა მარიამმა და მართალმა იოსებმა ტაძრად მიიყვანეს, რათა უფლისთვის ძღვენი შეეწირათ.

15 თებერვალი 2025, 00:03
კულტურა
„ოსკარის“ 97-ე ცერემონია 2 მარტს გაიმართება - ცერემონიას ტრადიციულად, „იმედის“ მაყურებელიც ნახავს
„ოსკარის“ 97-ე ცერემონიას წელს პირველად, ცნობილი ამერიკელი წამყვანი და კომიკოსი კონან ო’ბრაიენი წაიყვანს. ლოს-ანჯელესის ხანძრის გამო ორჯერ გადადებული ცერემონია, წელს 2 მარტს გაიმართება. 1968 წლის შემდეგ პირველად, საუკეთესო ფილმის კატეგორიაში ორი მიუზიკლია ნომინირებული - „ალქაჯი“ და „ემილია პერესი“, რომელმაც ყველაზე მეტი, 13 ნომინაცია მიიღო.

14 თებერვალი 2025, 23:35
კულტურა
საქართველოს მეცნიერებათა ეროვნულ აკადემიაში ანა კალანდაძის დაბადებიდან ასი წლისთავი აღინიშნა
საღამოზე ნაჩვენები იყო ანა კალანდაძისადმი მიძღვნილი დოკუმენტური ფილმის ფრაგმენტები. პოეტის ლექსები წაიკითხეს მე-20 საჯარო სკოლის მოსწავლეებმა.

14 თებერვალი 2025, 23:26
მსოფლიო
აშშ-ის თავდაცვის მდივანი: ევროპას არ შეუძლია ჩათვალოს, რომ აშშ-ის სამხედრო ყოფნა კონტინენტზე სამუდამოდ გაგრძელდება
აშშ-ის თავდაცვის მდივანმა, პიტ ჰეგსეტმა განაცხადა, რომ ევროპას არ შეუძლია ჩათვალოს, რომ აშშ-ის სამხედრო ყოფნა კონტინენტზე სამუდამოდ გაგრძელდება. ინფორმაციას ამის შესახებ ტელეკომპანია CNN-ი ავრცელებს.

14 თებერვალი 2025, 23:05
მსოფლიო
ზელენსკი: გულწრფელები ვიყოთ, აშშ არასდროს ხედავდა უკრაინას ნატოში - ისინი მხოლოდ ამაზე საუბრობდნენ
უკრაინის პრეზიდენტმა, ვოლოდიმირ ზელენსკიმ განაცხადა, რომ აშშ არასდროს ხედავდა უკრაინას ნატოს წევრად. ინფორმაციას ამის შესახებ უკრაინული მედია ავრცელებს.

14 თებერვალი 2025, 22:57
სამართალი
პენიტენციური სამსახური: გავრცელებული დეზინფორმაცია, თითქოს მსჯავრდებული კლინიკაში ნაცემ მდგომარეობაში მიიყვანეს, არის პენიტენციური სამსახურის დისკრედიტაციის მორიგი მცდელობა
სპეციალური პენიტენციური სამსახური ეხმიანება ცალკეული მიკერძოებული მედიასაშუალების მიერ გავრცელებულ მორიგ ცილისმწამებლურ ინფორმაციას, რომელიც მსჯავრდებულ დ.გ.-ს გარდაცვალებას უკავშირდება.

14 თებერვალი 2025, 22:45
საზოგადოება
„10 მიზეზი, თუ რატომ უნდა შეიყვარო თბილისი“ - რას წერენ საქართველოს დედაქალაქის შესახებ ავიაკომპანია „იზიჯეტის“ საბორტო ჟურნალში. „ქრონიკის“ რეპორტაჟი
,,10 მიზეზი, თუ რატომ უნდა შეიყვარო თბილისი“, - ბრიტანული დაბალბიუჯეტური ავიაკომპანია „იზიჯეტი“ საბორტო ჟურნალ „თრეველერში” საქართველოს დედაქალაქის შესახებ ვრცელ სტატიას აქვეყნებს.

14 თებერვალი 2025, 22:36
მსოფლიო
კაია კალასი მიუნხენის კონფერენციაზე აშშ-ის ვიცე-პრეზიდენტის სიტყვით გამოსვლაზე: ისეთი შეგრძნებაა, თითქოს ვაშინგტონი ევროპასთან წაჩხუბებას ცდილობს
ევროკავშირის საგარეო პოლიტიკის ხელმძღვანელმა, კაია კალასმა მიუნხენის უსაფრთხოების კონფერენციაზე აშშ-ის ვიცე-პრეზიდენტის, ჯეი დი ვენსის სიტყვით გამოსვლას უპასუხა და აღნიშნა, რომ ისეთი შეგრძნებაა, თითქოს ვაშინგტონი ევროპასთან წაჩხუბებას ცდილობს.

14 თებერვალი 2025, 22:11
სპორტი
ევროპის ოლიმპიური კომიტეტის საკოორდინაციო საბჭოს წევრი „ბაკურიანი 2025“-ზე: საქართველო არის ადგილი, სადაც მსგავსი დონის ტურნირების ჩატარება და ამ ქვეყნისთვის ნდობის გამოცხადება ნებისმიერ დროს შეიძლება
„პირადად ჩემთვის სიურპრიზი იყო ასეთი მაღალი დონის ორგანიზება. თითოეულ, მცირე ასპექტშიც კი იგრძნობა, რომ სამუშაოები ჩატარებულია ქვეყნის მთავრობისა და საორგანიზაციო კომიტეტის ხელმძღვანელობის მჭიდრო კოორდინაციის ფონზე“, - აღნიშნა ფლორინ მიშკამ.

14 თებერვალი 2025, 22:09
მსოფლიო
ჯეი დი ვენსი ზელენსკისთან შეხვედრის შემდეგ: ჩვენ გვინდა მდგრადი მშვიდობა, რომელიც არ მიგვიყვანს კონფლიქტამდე რამდენიმე წელიწადში
მიუნხენის უსაფრთხოების კონფერენციის ფარგლებში ვოლოდიმირ ზელენსკისთან შეხვედრის შემდეგ აშშ-ის ვიცე-პრეზიდენტმა, ჯეი დი ვენსმა განაცხადა, რომ ვაშინგტონი ცდილობს მიაღწიოს ომის გრძელვადიან დარეგულირებას. ინფორმაციას ამის შესახებ უკრაინული მედია ავრცელებს.

14 თებერვალი 2025, 21:56
პოლიტიკა
კარმა... კარმა... - შალვა პაპუაშვილი აშშ-ის ვიცე-პრეზიდენტის განცხადებაზე
პარლამენტის თავმჯდომარე, შალვა პაპუაშვილი სოციალურ ქსელში აშშ-ის ვიცე-პრეზიდენტის განცხადებას ეხმიანება. „კარმა... კარმა..“ - წერს შალვა პაპუაშვილი.

14 თებერვალი 2025, 21:42
საზოგადოება
საყოველთაო ნათლობის 71-ე ეტაპისთვის მსურველთა რეგისტრაცია იწყება
იწყება 71-ე ეტაპი სრულიად საქართველოს კათოლიკოს-პატრიარქ ილია II-ს მიერ ახალდაბადებული მესამე და შემდგომი ბავშვის მონათვლისა, - ინფორმაციას საპატრიარქო ავრცელებს. მათივე ცნობით, ნათლობის მსურველთა რეგისტრაცია იწარმოებს საქართველოს საპატრიარქოში ა.წ. 24 თებერვლიდან 28 თებერვლის ჩათვლით 12:00 საათიდან 16:00 საათამდე.

14 თებერვალი 2025, 21:05
მსოფლიო
ალექსეი გონჩარენკო: აშშ-ის ვიცე-პრეზიდენტმა მკაცრად გააკრიტიკა ევროპა და სიტყვაც არ უთქვამს რუსეთსა და მის ომზე უკრაინის წინააღმდეგ
აშშ-ის ვიცე-პრეზიდენტმა, ჯეი დი ვენსმა მკაცრად გააკრიტიკა ევროპა და სიტყვაც არ უთქვამს რუსეთსა და მის ომზე უკრაინის წინააღმდეგ, - განაცხადა უკრაინის უმაღლესი რადის დეპუტატმა, ალექსეი გონჩარენკომ.

14 თებერვალი 2025, 20:58
პოლიტიკა
„ნეიტრალური საქართველოს“ წარმომადგენელთა გამოკითხვა დასრულებულია - პროცესი შემდეგ ეტაპზე გადადის და არც ის გამოირიცხა, რომ საქმე დამძიმდეს. „ქრონიკის“ სიუჟეტი
საბოტაჟი და მტრულ საქმიანობაში დახმარება - სკანდალური საქმის ძიება გრძელდება, „ნეიტრალური საქართველოს“ წარმომადგენელთა გამოკითხვა დასრულებულია, პროცესი შემდეგ ეტაპზე გადადის და არც ის გამოირიცხა, რომ საქმე დამძიმდეს.