მმართველი გუნდი ასაჯაროებს იმ კომპანიების სიას, რომლებიც ხელისუფლების კრიტიკის პარალელურად, მილიონობით ლარის შემოსავალს რუსეთის ბაზარზე საკუთარი პროდუქციის ექსპორტ-იმპორტით იღებენ

მმართველი გუნდი ასაჯაროებს იმ კომპანიების სიას, რომლებიც რუსეთის ბაზარზე ოპერირებით მსხვილ შემოსავლებს იღებენ.

საუბარია კომპანიებზე, რომლებიც „ქართული ოცნების“ ხელისუფლებას მუდმივად აკრიტიკებენ იმის გამო, რომ რუსეთ-უკრაინის ომის პარალელურად, საქართველომ რუსეთის ბაზარი ქართველი მეწარმეებისთვის გახსნილი დატოვა.

ირკვევა, რომ თავად ამ კომპანიებს საკმაოდ მსხვილი შემოსავლები სწორედ რუსეთის ბაზრიდან აქვთ. რუსეთიდან იმპორტირებული პროდუქციით სარგებელი 2021-2024 წლებში შემდეგმა კომპანიებმა მიიღეს:

შპს „ლორგო“ - 60,461,894 ლარი
შპს „პსპ ფარმა“ - 49,611,158
შპს „ჯეო-კოოპ“ - 47,955,624
შპს „ნატურლენდი“ - 23,865,116
შპს „გორგია“ - 9,048257 ლარი
სს „კოკა-კოლა ბოთლერს ჯორჯია“ - 9,047,787 ლარი
შპს „ბეიბი ფუდი“ ჰიპი -9,002,725 ლარი
შპს „კავკას მეტალი“ - 4,102,068 ლარი
შპს „კორპორაცია ქართული ღვინო“ -3,437,984 ლარი
შპს „რითეილ ჯგუფი“ - მაგნიტი - 2,290,204 ლარი
შპს „გეო ორგანიკს“ -2,211,445 ლარი
შპს „თერმოინდუსტრია“ – 1,819,189 ლარი
შპს „ცელსიუსი“- 1,474036 ლარი
სს „წყალი მარგებელი“ - „ნაბეღლავი“ - 1,343,496
შპს „სუპერი“ - 858,476

რაც შეეხება ექსპორტს რუსეთის ფედერაციაში, 2021-2024 წლებში ექსპორტიდან მიღებული შემოსავალი კომპანიებისთვის ასეთია:

სს „წყალი მარგებელი“ - „ნაბეღლავი“ - 35,581,817 ლარი
შპს „კორპორაცია ქართული ღვინო“ - 31,069,380 ლარი
შპს „გეო ორგანიკს“ - 20,776,555 ლარი
შპს „NUTSGE“ - 19,727,332 ლარი
შპს „ვინივერია“ - 11,192,775 ლარი
სს „თბილღვინო“ - 9,674,708 ლარი
შპს „ხეთა“- 5,067,400 ლარი
შპს „ანგელ ლოჯისტიკს“ -3,606,959 ლარი
შპს „კამპა“ - 2,132,001 ლარი
შპს „გემუანი“ - 1,886,946
შპს „ჩირინა“ - 1,090,134 ლარი
შპს „გეოპლანტი“ - „გურიელი“ - 932,121 ლარი
შპს „ჯეო-კოოპ“ - 754,087 ლარი
სს „ენისელი - ბაგრატიონი“ - 255,012 ლარი
შპს „ბარამბო“ - 192,258 ლარი

ამ თემაზე გუშინ „იმედი LIVE“-ის ეთერში საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ ისაუბრა. „გაგულისებულები ინტერვიუებს იძლევიან და ამ დროს, რუსეთში ვაჭრობენ, ხვალვე მოგაწვდით ინფორმაციას იმ მსხვილი კომპანიებიდან რამდენიმეზე, რომლებიც რუსეთში გაცხოველებული ექსპორტ-იმპორტით არიან დაკავებულები“, - აღნიშნა მდინარაძემ.