ქვრივიშვილი: საერთაშორისო დისკუსიებზე ყოველთვის აღინიშნება, რომ საქართველო არის გამორჩეულად კარგი მაგალითი, თუ როგორ შეძლო ხელისუფლებამ დაბალანსებული საემიგრაციო პოლიტიკით ტურიზმის სექტორის ასეთი სწრაფი ზრდის უზრუნველყოფა მოეხდინა
მარიამ ქვრივიშვილი
ფოტო: IMEDI/ვიდეოკადრი
საერთაშორისო დისკუსიებზე, გამოსვლებზე ყოველთვის აღინიშნება, რომ საქართველო არის გამორჩეულად კარგი და წარმატებული მაგალითი, თუ როგორ შეძლო საქართველოს ხელისუფლებამ დაბალანსებული საემიგრაციო პოლიტიკით, უზრუნველყოფა მოეხდინა სექტორის ასეთი სწრაფი ზრდისთვის, - განაცხადა საქართველოს ეკონომიკის მინისტრმა, მარიამ ქვრივიშვილმა გადაცემაში „ღია ეთერი - დებატები“.
როგორც მინისტრმა აღნიშნა, საქართველოს პოლიტიკა სრულად მიმართულია ქვეყნის მოქალაქეების კეთილდღეობის ზრდაზე, ეკონომიკის მდგრად და დივერსიფიცირებულ განვითარებაზე, განჭვრეტადი გარემოს შექმნაზე იმისთვის, რომ ბიზნესმა განაგრძოს იმ სიკეთის შექმნა, რაც გულისხმობს ახალი სამუშაო ადგილების შექმნას და რაც ყველაზე მნიშვნელოვანია, ღირსეული ახალი სამუშაოს ადგილების შექმნა უპირობოდ ქვეყნის მოსახლეობისთვის.
„როდესაც ვსაუბრობთ უცხო ქვეყნის მოქალაქეების ჩვენს ქვეყანაში შემოდინებაზე, აქ სამი ძირითადი მიმართულებაა: პირველი - შეიძლება დავიწყოთ ტურიზმის ინდუსტრიით. ჩვენი ქვეყანა გამორჩეულად ძლიერია ამ მიმართულებით. ჩვენმა ხელისუფლებამ ბევრი რამ გააკეთა იმისთვის, რომ წლიდან წლამდე ტურიზმის სექტორი ასეთი დინამიკით იზრდებოდეს. შეგვიძლია ავიღოთ გასული წელი, როგორც ერთ-ერთი ნათელი მაგალითი. ისტორიული და რეკორდული იყო ის მონაცემები, რომელიც ტურიზმიდან მივიღეთ - 4 მილიარდ 700 მილიონ ამერიკულ დოლარზე მეტი შემოვიდა უშუალოდ ტურიზმიდან. ჩვენმა ქვეყანამ შეძლო და უმასპინძლა 7 მილიონ 800 ათასზე მეტ საერთაშორისო ვიზიტორს.
საერთაშორისო დისკუსიებზე, გამოსვლებზე ყოველთვის აღინიშნება, რომ საქართველო არის გამორჩეულად კარგი და წარმატებული მაგალითი, თუ როგორ შეძლო საქართველოს ხელისუფლებამ დაბალანსებული საემიგრაციო პოლიტიკით, უზრუნველყოფა მოეხდინა სექტორის ასეთი სწრაფი ზრდისთვის. ჩვენს ქვეყანაში 96 ქვეყნის მოქალაქე უვიზოდ შემოდის, თუმცა, დაახლოებით იგივე რაოდენობის, 97 ქვეყნის მოქალაქეს სჭირდება ვიზა. ჩვენ, ყოველდღიურ რეჟიმში ვაკვირდებით იმ დინამიკას, რომელიც ტურიზმის ზრდასთან ერთად შესაძლებელია ქვეყანაში ზრდიდეს იმიგრაციის დონეს, აქედან გამომდინარე გასული წლის ბოლოს საქართველოს მთავრობამ მიიღო გადაწყვეტილება, რის ფარგლებშიც, მათ შორის გამკაცრდა არსებული სავიზო რეგულაცია და დაახლოებით 17 ქვეყნისთვის დამატებითი შეზღუდვა შემოვიდა“, - აღნიშნა ეკონომიკის მინისტრმა.
ყველა სიახლე
07 მარტი 2026, 22:20
ეკონომიკა
მარიამ ქვრივიშვილი „იგლ ჰილსის” პროექტზე: გამჭვირვალედ ვსაუბრობთ, რომ არცერთი ფორმის გარანტია, არც ფინანსური, არც იურიდიული ინვესტორისთვის არ მიგვიცია
„ეს არის ორი უმაღლესი სტანდარტის კომპლექსი, სადაც უმაღლესი სტანდარტის განთავსების ობიექტები აშენდება, გონიოს ტერიტორიაზე მოეწყობა სრულიად ახალი ტურისტული პროდუქტი, რომელიც ასობით მილიონი დოლარის ინვესტიციას გულისხმობს იახტკლუბის სახით. ამავდროულად მოეწყობა უნიკალური სარეკრეაციო სივრცეები, რომელიც დღეს არცერთ ტერიტორიაზე არ არის, შეიქმნება ახალი სამუშაო ადგილები“.
07 მარტი 2026, 22:14
პოლიტიკა
პრემიერი: ჩაითვალა, რომ არ არის მიზანშეწონილი იმ სფეროებში უცხოელების შემოყვანა, სადაც ხელოვნურად ვუმცირებთ ხელფასებს საქართველოს მოქალაქებს, სწორედ ამის გამო განისაზღვრა შესაბამისი ჩამონათვალი მთავრობის სამართლებრივ აქტში
უცხოელები და უმეტესად, ეს იყვნენ უცხოელები, მუშაობდნენ ე.წ. დამდებებად, ნარკოტიკების რეალიზატორებად და ესეც იყო ერთ-ერთი მიზეზი, რატომაც მათ მოახერხეს ხელოვნურად ფასის დაგდება, - განაცხადა გადაცემაში “ღია ეთერი - დებატები” საქართველოს პრემიერ-მინისტრმა ირაკლი კობახიძემ. მთავრობის მეთაურის თქმით, კომპლექსური პრობლემა იყო და შესაბამისად, ჩაითვალა მიზანშეწონილად, უცხოელებისთვის მუშაობის შეზღუდვა.
07 მარტი 2026, 22:05
პოლიტიკა
ირაკლი კობახიძე: 2018 წლის შემდეგ ვერავითარი მიწა ვერ გაიყიდებოდა უცხოელებზე, რადგან ჩავკეტეთ სასოფლო-სამეურნეო დანიშნულების მიწის გასხვისება უცხოელებზე, რასაც ოპოზიციამ მხარი არ დაუჭირა
როდესაც საუბარია სასოფლო-სამეურნეო დანიშნულების მიწაზე, 2018 წლის შემდეგ ვერავითარი მიწა ვერ გაიყიდებოდა უცხოელებზე, რადგან მთლიანად ჩაკეტილია, - განაცხადა გადაცემაში “ღია ეთერი - დებატები” = საქართველოს პრემიერ-მინისტრმა ირაკლი კობახიძემ. როგორც მთავრობის მეთაურმა აღნიშნა, მიწებზე დანიშნულების შეცვლაც ძალიან მკაცრად კონტროლდება.
07 მარტი 2026, 21:55
ეკონომიკა
ზურაბ მახარაძე: ახლანდელი ჩვენი ბაზარი „იგლ ჰილსის” გარეშეც კი უკვე გაჯერებულია და ამას რომ დაემატება 16 ათასი ბინა, ჩემი მოლოდინი, რომ ეს ძირითადად გარემომხმარებელზეა გათვლილი, მაღალი ალბათობის მატარებელია
„საქართველოში, ახლა, ამ წუთას „იგლ ჰილსის” გარეშე რა ბაზარიც გვაქვს დეველოპერული ასეთი მონაცემებია, რომ წელიწადნახევრის წინ, ქართულმა ბანკებმა, რომ შეხედეს რამდენი შენდება და მოთხოვნა რა არის, მიხვდნენ, რომ უკვე, ახლა მოთხოვნას აჭარბებს მიწოდება ქართულ ბაზარზე, ანუ უფრო მეტი შენდება, ვიდრე მოთხოვნაა და რაღაც პერიოდი „თიბისის“ და საქართველოს ბანკსაც“ საერთოდ გაჩერებული ჰქონდა სესხების გაცემა დეველოპერულ სფეროზე, ახლა გახსნეს, მაგრამ მაინც დაბალზეა“, - აღნიშნა მახარაძემ.
07 მარტი 2026, 21:50
პოლიტიკა
იაგო ხვიჩია „იგლ ჰილსის” პროექტზე: თუ ჯერ ქართველები ყიდულობენ და მერე შენდება, სად არის 6 მლრდ დოლარი?
ვიცით ის, რომ დაიწყო წინასწარი გაყიდვები [„იგლ ჰილსის“ პროექტში] და ქართველებმა იყიდეს 60%-ზე მეტი, რა დასკვნა გამოდის აქედან? ჯერ ფული არ შემოუტანიათ არაბებს, ქართველებმა 60% იყიდეს უკვე, ანუ ქართველების მიერ შეტანილი ფულით შენდება პროექტი, - განაცხადა გადაცემაში „ღია ეთერი - დებატები“ „გირჩის“ ლიდერმა იაგო ხვიჩიამ. „იგლ ჰილსის“ პროექტი დგას ერთ დიდ ტყუილზე, სწორედ ამიტომ იმალება კონტრაქტი, რომ ვერ მიხვდეს ქართველი ხალხი რაში ატყუებენ. საუბარი იყო, რომ 16 000 ერთეული ფართი უნდა აშენებულიყო, როგორც არაბმა დამფუძნებელმა თქვა 60% უნდა გაყიდულიყო უცხოელზე. ჩვენ გვითხრეს, რომ 6 მლრდ-იანი ინვესტიცია შემოვიდოდა. ეს არის რაც ვიცით. ვიცით ის, რომ წინასწარი გაყიდვები დაიწყო და ქართველებმა იყიდეს 60%-ზე მეტი. კონტრაქტი არ მაქვს ნანახი. რა დასკვნა გამოდის აქედან? ჯერ ფული არ შემოუტანიათ არაბებს, ქართველებმა 60% იყიდეს უკვე, ანუ ქართველების მიერ შეტანილი ფულით შენდება პროექტი. ცხადია 16 000 ბინაზე 300 ბინით დასკვნების გაკეთება არ არის სწორი, მაგრამ ასე ხომ დაიწყეს? თუ ჯერ ქართველები ყიდულობენ და მერე შენდება, სად არის 6 მლრდ დოლარი?“, - განაცხადა იაგო ხვიჩიამ.
07 მარტი 2026, 21:49
პოლიტიკა
მარიამ ქვრივიშვილი ლორთქიფანიძეს: როგორ წარმოგიდგენიათ მრეწველობის ინდუსტრიის განვითარება იაფიანი ენერგორესურსების გარეშე? თქვენ ხართ ადამიანი, რომელიც წლების წინ აკრიტიკებდა უმნიშვნელოვანესი ჰესის პროექტის მშენებლობას
„როგორ წარმოგიდგენიათ მრეწველობის ინდუსტრიის განვითარება იაფიანი ენერგორესურსების გარეშე? თქვენ ხართ ადამიანი, რომელიც წლების წინ აკრიტიკებდა უმნიშვნელოვანესი ჰესის პროექტის მშენებლობას“, - მიმართა საქართველოს ეკონომიკის მინისტრმა, მარიამ ქვრივიშვილმა გადაცემაში „ღია ეთერი - დებატები“ მოძრაობა „სოციალური დემოკრატიისთვის“ წევრს ლევან ლორთქიფანიძეს.
07 მარტი 2026, 21:48
პოლიტიკა
ირაკლი კობახიძე: წელს სამიზნე მაჩვენებელი არის 4 000 არალეგალი მიგრანტის გაძევება, ასეთი ტემპით 4 წელიწადშიც შეგვიძლია ქვეყანაში არალეგალური მიგრაციის აღმოფხვრა
ჩვენი მოქალაქეების მფარველობა, ეს არის ჩვენი ვალდებულება, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 21:42
პოლიტიკა
პრემიერი: თუკი სადმე იყო ზეწოლა, ეს იყო ჰესების მშენებლობაზე, შეგვიძლია დავდოთ პირობა, მომავალში ჰესები აშენდება ისე, როგორც სჭირდება ქვეყანას, თუ ეს არ მოხდა, მრეწველობასაც მეტი პრობლემა შეექმნება და საერთოდ, ეკონომიკა ვერ განვითარდება
თუკი სადმე იყო ძალიან სერიოზული ზეწოლა, ეს იყო სწორედ ჰესების მშენებლობაზე, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 21:40
პოლიტიკა
თამარ ჩიბურდანიძე: ღრმად ვარ დარწმუნებული, არც ერთ ქართველ ებრაელს, ვისთვისაც საქართველო მეორე სამშობლოა, არ მოეწონებოდა ისრაელის საელჩოს განცხადება. მსგავსი განცხადებებით არ შენარჩუნებულა ჩვენი 26-საუკუნოვანი მეგობრობა
ისრაელის საელჩოს განცხადებას სოციალურ ქსელში გამოეხმაურა პარტია „ხალხის ძალის" წევრი თამარ ჩიბურდანიძე და აღნიშნა, რომ საელჩოს მსგავსი პოზიცია შეიძლება კრიტიკულად შეფასდეს როგორც ქართულ, ისე ებრაულ საზოგადოებაში.
07 მარტი 2026, 21:39
ეკონომიკა
მარიამ ქვრივიშვილი უცხოელ სტუდენტებზე: 37 ათასია ის რაოდენობა, რომელიც დღეს საქართველოში ფიქსირდება, ამ მიმართულებით ჭარბობენ ინდოეთის მოქალაქეები
„მინდა აღვნიშნო, რომ უცხოელი სტუდენტების ეფექტი ჩვენი ქვეყნის ეკონომიკაზე შეადგენს მილიარდ 200 მილიონ ლარს, ბიუჯეტი აღნიშნული მიმართულებიდან ყოველწლიურად 300 მილიონი ლარი შემოსავალს ნახულობს. ერთი უცხოელი სტუდენტი სწავლის გადასახადში დაახლოებით 15 500 ლარს იხდის და ამავდროულად სხვა დამატებით სექტორებში ხარჯავს 16 300 ლარს. არ უნდა დაგვავიწყდეს პირდაპირი შემოსავალი, რომელსაც საგანმანათლებლო დაწესებულებები იღებენ - 576 მილიონი ლარის მოცულობით და სხვა სექტორებში ასევე ეს დადებითი ეფექტი ნაწილდება დაახლოებით 605 მილიონი ლარით“, - აღნიშნა მინისტრმა.
07 მარტი 2026, 21:35
პოლიტიკა
ლევან ლორთქიფანიძე „იგლ ჰილსის” პროექტზე: ეს პროექტი დაასაქმებს ისევ მშენებლობის და მომსახურების სფეროში ადამიანებს და არა რომელიმე ახალ, სერიოზულ დარგებში
„იგლ ჰილსის” პროექტს უამრავი პრობლემა აქვს, ეს პროექტი დაასაქმებს ისევ მშენებლობის და მომსახურების სფეროში ადამიანებს და არა რომელიმე ახალ, სერიოზულ დარგებში, - განაცხადა გადაცემაში „ღია ეთერი - დებატები“ მოძრაობა „სოციალური დემოკრატიისთვის“ წევრმა ლევან ლორთქიფანიძემ. “იგლ ჰილსის” პროექტს უამრავი პრობლემა აქვს, ეს პროექტი დაასაქმებს ისევ მშენებლობის და მომსახურების სფეროში ადამიანებს და არა რომელიმე ახალ, სერიოზულ, მეცნიერებადტევად და ინდუსტრიულ დარგში, ეს პრობლემაა. არსებობს საფუძვლიანი ეჭვი, იმ ხელშეკრულებით სადაც გასაიდუმლოებული მუხლებია, რომ მთელი მოგება ინვესტორს, მთელი - რისკი სახელმწიფოს. დასცინიან ხოლმე მწვანე საკითხებს, სერიოზული ეკოლოგიური შედეგები ექნება ამ პროექტსაც”, - განაცხადა ლევან ლორთქიფანიძემ.
07 მარტი 2026, 21:34
ეკონომიკა
პრემიერი: 8 მილიარდამდე იყო და 25 მილიარდს გადასცდა მრეწველობის ბრუნვა, 2012 წელს განხორციელდა 646 მილიონი ლარის ინვესტიცია, 2024 წლის მაჩვენებელი იყო 1,9 მილიარდი - ეს ყველაფერი იქნებოდა შეუძლებელი სახელმწიფოს მხარდაჭერის გარეშე
დიდი მხარდაჭერაა მთავრობისგან, იმისათვის, რომ მრეწველობის დონე არ ჩამორჩეს ეკონომიკის განვითარებას, არ არსებობს საწარმო, სადაც სახელმწიფო არ ახდენს სუბსიდირებას, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 21:31
პოლიტიკა
პრემიერი: დღემდე გრძელდება ძალიან სერიოზული ზეწოლა იმ კანონთან დაკავშირებით, რომელიც ეხება არასრულწლოვანთა უფლებებს და ოჯახურ ფასეულობებს - იყო წლები, როდესაც ამას ვერ გარისკავდა ხელისუფლება, შეუძლებელი იყო ზეწოლის გაძლება
დღემდე გრძელდება ძალიან სერიოზული ზეწოლა იმ კანონთან დაკავშირებით, რომელიც ეხება არასრულწლოვანთა უფლებებს და ოჯახურ ფასეულობებს, არის სერიოზული ზეწოლა გენდერული თანასწორობის შესახებ კანონმდებლობის ცვლილებასთან დაკავშირებით, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემა „ღია ეთერი - დებატებში“.
07 მარტი 2026, 21:23
პოლიტიკა
იაგო ხვიჩია: პაკისტანელ და ინდოელ კურიერებს რომ ებრძვიან, ეს არის აბსურდის უკიდურესი შემთხვევა, ლეგალურად უნდა შემოვუშვათ, ყველას უნდა მიცეთ მუშაობის უფლება, რომ მოგვემსახუროს
პაკისტანელ და ინდოელ კურიერებს რომ ებრძვიან, ეს არის აბსურდის უკიდურესი შემთხვევა, ლეგალურად უნდა შემოვუშვათ, ყველას უნდა მიცეთ მუშაობის უფლება, რომ მოგვემსახუროს, - განაცხადა გადაცემაში „ღია ეთერი - დებატები“ „გირჩის“ ლიდერმა იაგო ხვიჩიამ. მისი თქმით, მისი სურვილია, რომ საქართველოში ხალხი შემოდიოდეს იაფფასიანი და მძიმე ფიზიკური სამუშაოსთვის.
07 მარტი 2026, 21:20
პოლიტიკა
პრემიერი: 2 272 ლარი არის დასავლეთ ევროპასთან შედარებით დაბალი ხელფასი, მაგრამ როცა 2020-ის შემდეგ 712,5 ლარიდან გაქვს მკვეთრი გაუმჯობესება, ეს არის მთავარი, რითაც შეიძლება, შეფასდეს, არის თუ არა წარმატებული ხელისუფლების საქმიანობა
დებატებში სტატისტიკის გარეშე საუბარი შეუძლებელია, რადგან საბოლოო ჯამში სტატისტიკა არის ის, რაც გარკვეულ ფაქტებს ადასტურებს, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემა „ღია ეთერში“. როგორც მთავრობის მეთაურმა აღნიშნა, სტატისტიკის გათვალისწინების გარეშე დებატებს აზრი არ ექნება.
07 მარტი 2026, 21:10
ეკონომიკა
მარიამ ქვრივიშვილი: ძალიან განვითარებული ორგანიზაცია, რომელიც „ქართული ოცნების“ ხელისუფლების მმართველობის დროს შეიქმნა, არის „აწარმოე საქართველო“ - 2013 წლიდან დღემდე, 6 მილიარდი ლარის მოცულობის დახმარება გაეწია ქართველ მეწარმეებს
ეკონომიკის სამინისტრო განსაკუთრებულ ყურადღებას უთმობს ჩვენს ქვეყანაში ყველა მიმართულების განვითარებას, მათ შორის მრეწველობის განვითარებასაც, - განაცხადა საქართველოს ეკონომიკის მინისტრმა, მარიამ ქვრივიშვილმა გადაცემაში „ღია ეთერი- დებატები“. მინისტრის თქმით, „აწარმოე საქართველოს“ უდიდესი ღირებულება აქვს ჩვენი ქვეყნის ეკონომიკაში შექმნილი.
07 მარტი 2026, 21:03
პოლიტიკა
პრემიერი: სხვადასხვა ქვეყანაში არიან ეთნიკური ქართველები, რომლებსაც არ აქვთ მოქალაქეობა, გვაქვს აქტიური კონსულტაციები და ვგეგმავთ, შევამსუბუქოთ მათთვის მოქალაქეობის მიღების პროცედურები
მოქალაქეობის მინიჭებასთან დაკავშირებით, უნდა გავმიჯნოთ ეთნიკური ქართველები და საქართველოს მოქალაქეები. თუ მშობლები არიან საქართველოს მოქალაქეები, ამ შემთხვევაში შვილს არავითარი პრობლემა არ ექმნება მოქალაქეობის მინიჭების თვალსაზრისით, თუ არ არიან საქართველოს მოქალაქეები, ამ შემთხვევაში მათი ოჯახის წევრი, მათ შორის შვილი, ექვემდებარება ნატურალიზაციის წესს, მოქალაქეობის პრინციპიდან გამომდინარე, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 21:00
პოლიტიკა
იაგო ხვიჩია ფერეიდნელ ქართველებზე: ჩვენმა ხელისუფლებამ სამძიმრის წერილს კი მოაწერა ხელი, მაგრამ მთავარი რაც უნდა გაეკეთებინა, რომ ამ ხალხისთვის საჯაროდ შეეთავაზებინა - მობრძანდით საქართველოში, თქვენთვის ღიაა საქართველოს კარი
ჩვენმა ხელისუფლებამ სამძიმრის წერილს კი მოაწერა ხელი, მაგრამ მთავარი რაც უნდა გაეკეთებინა, რომ ამ ხალხისთვის საჯაროდ შეეთავაზებინა, მობრძანდით საქართველოში, - განაცხადა ტელეკომპანია „იმედის“ ღია ეთერში პარტია „გირჩის“ ლიდერმა იაგო ხვიჩიამ.
07 მარტი 2026, 20:47
პოლიტიკა
იაგო ხვიჩია: ბევრი ქართველია, ვისაც შვილები შეეძინათ საზღვარგარეთ, ისინი სხვა ქვეყნის მოქალაქეები არიან. თუ ქართველების რაოდენობის ზრდა არის ამოცანა, ამ ხალხს პირდაპირ უნდა მისცეთ მოქალაქეობა
„ბევრი ქართველია, ვისაც შვილები შეეძინათ საზღვარგარეთ, ისინი სხვა ქვეყნის მოქალაქეები არიან. თუ ქართველების რაოდენობის ზრდა არის ამოცანა, ამ ხალხს პირდაპირ უნდა მისცეთ მოქალაქეობა“, - განაცხადა ტელეკომპანია „იმედის“ ღია ეთერში პარტია „გირჩის“ ლიდერმა იაგო ხვიჩიამ.
07 მარტი 2026, 20:45
პოლიტიკა
ლევან ლორთქიფანიძე: სტატისტიკა ისეთი რაღაცაა, რომელი მხრიდანაც გინდა, იქიდან მოაბამ ყურს, ასე რომ ამ სტატისტიკურ დებატებში მე არ შემოვდივარ
სტატისტიკა ისეთი რაღაცაა, რომელი მხრიდანაც გინდა, იქიდან მოაბამ ყურს, ასე რომ ამ სტატისტიკურ დებატებში მე არ შემოვდივარ, - განაცხადა გადაცემაში „ღია ეთერი - დებატები“ მოძრაობა „სოციალური დემოკრატიისთვის“ წევრმა ლევან ლორთქიფანიძემ. „მე მინდა ვისაუბრო იმაზე, რომ ამ ქვეყანაში არის უმძიმესი ეკონომიკური და სოციალური მდგომარეობა. რაც არ უნდა ღაზას სექტორის და გერმანიის მაგალითები მოვიყვანოთ, ჩვენი დემოგრაფიული მდგომარეობა განპირობებულია იმ ეკონომიკური და სოციალური ვითარებით, რომელიც ჩვენს ქვეყანაშია შექმნილი“, - განაცხადა ლორთქიფანიძემ.