ანაკლიაში ფსკერის დაღრმავებაზე მომუშავე გემი კვირის ბოლომდე შევა

კვირის ბოლოს ანაკლიაში Van Oord-ის უახლესი ტექნოლოგიებით აღჭურვილ გემ "ათენა" შევა, რომელიც პორტში ფსკერის დაღრმავებაზე დაიწყებს მუშაობს. ამით ინფორმაციას gbc.ge ავრცელებს.

პორტში გემის დასახვედრად ემზადებიან. ანაკლიის პორტის ინვესტორი კომპანიის ცნობით, მიმდინარეობს 2.5 კმ სიგრძის წყალზე მოტივტივე მილების განთავსება. 

„ანაკლიის განვითარების კონსორციუმის“ ცნობით, პირველი ფაზის ტერიტორიაზე, 10 მეტრის სიღრმეზე 3500 კილომეტრი სიგრძის სადრენაჟო მილები ჩალაგდება, ხოლო გემი „ათენა“ ზღვის ფსკერის დაღრმავებისა და ზღვიდან 5 მილიონ კუბურ მეტრამდე ქვიშის ამოღების, ამოტუმბვის და მისი ნაპირზე განთავსების სამუშაოებს შეასრულებს.

პირველი ფაზის მშენებლობა ჯამში 600 მლნ დოლარამდე დაჯდება.

ანაკლიის პორტის საზღვაო სამუშაოებისთვის მობილიზაციის ფარგლებში, ანაკლიის პორტის საინვესტიციო ტერიტორიის სრული საზღვაო არეალი სპეციალისტებმა შეისწავლეს და განაღმვითი სამუშაოები ჩაატარეს. შედეგად, ანაკლიის ღრმაწყლოვანი პორტის საზღვაო ტერიტორია მშენებლობისთვის უსაფრთხოდ გამოცხადდა. 

ანაკლიის პორტი გემების მიღების დაწყებას 2021 წლიდან გეგმავს.