„ნენსკრაჰესის“ მშენებლობა ნოემბრიდან განახლდება

„ნენსკრაჰესის“ მშენებლობა ნოემბრიდაან განახლდება და მომდევნო თვეში მდინარე ნენსკრაზე 100 ტონა ტვირთამწეობის მქონე ორი ხიდის მშენებლობა დაიწყება. ამის შესახებ ინფორმაცია კომპანია „ნენსკრა ჰიდრომ“ გაავრცელა.

კომპანიის ცნობით, პროექტის მოსამზადებელი სამუშაოები, რომლებიც ნენსკრასა და ნაკრას ხეობებში ხიდებისა და გზების მშენებლობა-რეკონსტრუქციას, სამშენებლო ბანაკებისა და ელექტროგადამცემი ხაზების მოწყობას მოიცავს, 2019 წლის ბოლოს დასრულდება.

სოფელ ჭუბერში ჰიდროელექტროსადგურის მშენებლობა 2018 წლის დასაწყისში შეჩერდა.

18 ოქტომბერს ცნობილი გახდა, რომ „ნენსკრაჰესის“ პროექტიდან იტალიური სამშენებლო კომპანია „სალინი იმპრეჯილო“ (Salini Impregilo) გავიდა, რომელსაც ინვესტორის დაკვეთით, ქართულ კონტრაქტორ კონსორციუმ GCC-სთან ერთად, ჰიდროელექტროსადგური უნდა აეშენებინა.  ახალი მშენებელი კი ახალი ტენდერით უნდა გამოვლინდეს. 

ევროპის საინვესტიციო ბანკმა (EIB) „ნენსკრაჰესის“ დაფინანსების გადაწყვეტილება თებერვლის დასაწყისში დაადასტურა. 2017 წლის 29 ნოემბერს თბილისში გამართული აბრეშუმის გზის ფორუმის ფარგლებში, ნენკრაჰესის გენერალური დირექტორის მოადგილემ ტაეკვონ სიომ განაცხადა რომ მომდევნო წლისთვის პროექტის ფინანსური სამუშაოები დასრულდება, ჰესის ნაწილობრივი გენერირება 2021 წელს დაიწყება, ხოლო სრული ამოქმედება - 2023 წელს იგეგმება. ამასთან, ტაეკვონ სიომ თქვა, რომ სამუსაოებზე სამი ათასზე მეტი მუშახელი დასაქმდება.