რა ეღირება წელს გუდაურში საბაგიროებით სარგებლობა

გუდაურში საბაგიროებით სარგებლობა ძვირდება. ახალი ფასების შესახებ ინფორმაცია მთის კურორტების განვითარების სააგენტომ Facebook-ზე გამოაქვეყნა.

1-დღიანი აბონიმენტის ღირებულება 50 ლარი იქნება, შარშან მისი ფასი 40 ლარი იყო. 2-დღიანი აბონიმეტი კი 80 ლარის ნაცვლად 100 ლარი ერიღება. 

10-დღიანი აბონიმეტის ფასი უფროსებისთვის 420 ლარი, ბავშვებისთვის კი 260 ლარი ეღირება. ამასთან, აღსანიშნავია, რომ ზრდასრულებისა და ბავშვებისთვის ფასი სხვადასხვაა.

რაც შეეხება საბაგიროთი ერთ ასვლას, ის წინა წლის მსგავსად, 10 ლარი ეღირება, ამდენივე ღირს კობი-გუდაურის საბაგირო გზით სარგლებლობაც. 

შეგახსენებთ, რომ ზამთრის კურორტებზე სეზონი 8 დეკემბრიდან გაიხსნება. 8 დეკემბერს სეზონი ოფიციალურად გაიხსნება კურორტ „გოდერძიზე“, ხოლო „გუდაურში“ - 15 დეკემბერს. ამასთან, დიდველის სათხილამურო ტრასა დამსვენებლებს 8 დეკემბრიდან მიიღებს, თეთნულდი-ჰაწვალის და კოხტა-მიტარბის ტრასები - 22 დეკემბერს.