imedi /  03 დეკემბერი 2018, 12:45 / სანდო წყარო

რა შეიცვალა და რის გაკეთებას აპირებს მერია სატრანსპორტო პოლიტიკის მიმართულებით

2020 წლიდან თბილისში დამატებით, 200 ახალი სტანდარტის, 18-მეტრიანი ელექტროავტობუსი შემოვა და მათთვის სპეციალური სწრაფი გადაადგილების დერეფნები შეიქმნება. ამის შესახებ თბილისის მერმა კახა კალაძემ საქმიანობის ერთი წლის ანგარიშის პრეზენტაციაზე განაცხადა. 

კალაძის განცხადებით, ბოლო ერთი წლის განმავლობაში, დედაქალაქის მერიამ სატრანსპორტო პოლიტიკის განვითარების მიმართულებით, რამდენიმე მნიშვნელოვანი პროექტის განხორციელება დაიწყო. მისი თქმით, ახალი სატრანსპორტო პოლიტიკის მთავარი მიზანი საზოგადოებრივი ტრანსპორტის განვითარება, ჰაერის დაბინძურების მკვეთრი შემცირება და ქალაქის საცობებისგან განტვირთვაა.

„საზოგადოებრივი ტრანსპორტის მოწესრიგება, მოგვარება, განახლება ძალიან მნიშვნელოვანია. ამ მიმართულებით კონკრეტული ნაბიჯები უკვე გვაქვს გადადგმული. არსებული ავტობუსების პარკი მძიმე მდგომარეობაშია, რომელიც 2019 წლის ბოლოსთვის სრულად ჩანაცვლდება. უკვე შეძენილია დიზელზე მომუშავე ევრო 6, MAN-ის ფირმის 10-მეტრიანი 90 ახალი ავტობუსი, რომელიც საქართველოში თებერვლიდან შემოვა. ასევე, დასრულდა 220 ერთეული დიზელისძრავიანი რვამეტრიანი ავტობუსის შესყიდვის სატენდერო პროცედურა და გამარჯვებული კომპანია მალე გამოვლინდება. 2019 წელს ვამზადებთ ტენდერს 240 ერთეული CNG და ელექტროძრავზე მომუშავე რვა და 10-მეტრიანი ავტობუსის შესაძენად. როგორც დაგპირდით, 2019 წლის ბოლოსთვის ავტობუსების შესყიდვის პროცესი სრულად იქნება დასრულებული“, - განაცხადა კახა კალაძემ. 

ავტობუსების ჩანაცვლების პროგრამის ფარგლებში, მერია, ჯამში, 750 ერთეულ ავტობუსს იყიდის, რომელიც არსებულ ძველ ავტობუსებს მთლიანად ჩაანაცვლებს და მათ რაოდენობას 200 ერთეულით გაზრდის. 

ასევე, თბილისის მერიის ინფორმაციით, 2019 წელს თბილისს ავტობუსების ქსელის მოწყობის დეტალური პროგრამა ექნება, რომელსაც ფრანგული კომპანია „სისტრა“ ამუშავებს; ეწყობა 11 ძირითადი სატრანზიტო დერეფანი, რომელიც დიდი ტევადობის კომფორტული საზოგადოებრივი ტრანსპორტით დაიტვირთება; სწრაფი გადაადგილებისთვის 11-ვე დერეფანზე გამოიყოფა ავტობუსის ზოლები, რაც კერძო ტრანსპორტთან შედარებით,  მგზავრობის დროს შეამცირებს.

რამდენიმე მნიშვნელოვანი ცვლილება თბილისის „მეტროპოლიტენსაც“ შეეხება. კერძოდ, მიმდინარეობს და დაგეგეგმილია, ჯამში, 22 მეტროსადგურის რეაბილიტაცია; სექტემბერში „მეტროპოლიტენს“ დაემატა ოთხი ახალი შემადგენლობა, ხოლო თებერვალში კიდევ ოთხი შემადგენლობა ემატება; 2018-2021 წლებში თბილისის „მეტროპოლიტენს“ ჯამში დაემატება 12 ახალი, თანამედროვე სტანდარტის შესაბამისი შემადგენლობა; მოცდის რეჟიმი შემცირდა; უკვე გაიზარდა მგზავრთა გადაყვანის მაჩვენებელი. 

თბილისის მერიის ინფორმაციით, საქართველოს მთავრობა და თბილისის მერია მიწისზედა მეტროს განვითარებას იწყებს; დედაქალაქს შვიდი ახალი მეტროსადგური დაემატება; დამოუკიდებელი მიწისზედა მეტროს ხაზი, მეტროსადგურ „სამგორიდან“ აეროპორტის ჩათვლით, ლილოს ბაზრობამდე რვა ახალ სადგურს დააკავშირებს; ხორციელდება თბილისის მეტროს რუსთავთან დაკავშირების ტექნიკურ-ეკონომიკური კვლევა; შეირჩევა მეტროს ხაზით რუსთავთან დაკავშირების ოპტიმალური მარშრუტი. 

„აღნიშნული პროექტის განხორციელება მნიშვნელოვანია იმ თვალსაზრისით, რომ ცენტრალური ხელისუფლების მხარდაჭერითა და თანადგომით, მეტროსადგურ „სამგორიდან“ ლილოს მიმართულებით, ახალი მიწისზედა მეტროს მშენებლობა იწყება. მინდა, მადლობა გადავუხადო პრემიერმინისტრს, რადგან მსგავსი პროექტების განხორციელება დედაქალაქის მოსახლეობისთვის სასიცოცხლოდ მნიშვნელოვანია. სწრაფი და იაფი ტრანსპორტის განვითარებით კი, ახალ მარშრუტებზე წვდომა 260 000 მოქალაქეებს გაუჩნდება“, - განაცხადა თბილისის მერმა. 

რაც შეეხება ამ მიმართულებით ბოლო ერთი წლის განმავლობაში განხორციელებულ სხვა სიახლეებს, კომპანია „სითი პარკთან“ ხელშეკრულება გაუქმდა და პარკირების მართვის სისტემა თბილისის სატრანსპორტო კომპანიას გადაეცა; ამოქმედდა თბილისის პარკინგის მომსახურების სერვის ცენტრი; გამოიცვალა პარკინგის 9000 ნიშანი; დაიხაზა და კეთილმოეწყო 8 000 მ2 პარკირების ადგილი.

მიმდინარე წელს, ასევე, ტაქსით მომსახურებაზე ნებართვის გაცემა დაიწყო; ეტაპობრივად მიმდინარეობს ტაქსების სტანდარტიზების პროცესი; ეკოლოგიური ტრანსპორტის განვითარების მიზნით დაწესდა შეღავათები - ჰიბრიდული ავტომანქანის შემთხვევაში, ნებართვის მოსაკრებელი ნახევრდება, ხოლო ელექტროტრანსპორტის შემთხვევაში,  სანებართვო მოსაკრებლისგან სრულად ათავისუფლებს.

„რეგისტრაციაგავლილი ტაქსებისთვის, უკვე გამოიყო სპეციალური, უფასო საპარკინგე ადგილები. ნებართვის მფლობელი ტაქსის მძღოლები გათავისუფლდნენ საშემოსავლო გადასახადისგან. ავტომანქანებზე ასევე, გამოიყოფა სარეკლამო ადგილები. მძღოლებს უფასოდ გადაეცემათ ტაქსის მანათობელი ნიშნები, ქიმწმენდისა და ღებვის ვაუჩერები“, - განაცხადა დედაქალაქის მერმა და აღნიშნა, რომ რეფორმის განხორციელების შედეგად, დედაქალაქში სუფთა და მოწესრიგებული ტაქსები იმოძრავებს.

კახა კალაძემ დღეს თბილისის მერიის მუშაობის 1-წლიანი ანგარიში წარადგინა. პრეზენტაციაზე ასევე ცნობილი გახდა, რომ დედაქალაქის ბიუჯეტი 2019 წელს მილიარდ ლარს გადააჭარბებს. 

ყველა სიახლე

ლევან ბეჟაშვილი

29 იანვარი 2022, 17:46

პოლიტიკა

ლევან ბეჟაშვილი: ცენტრალური საკითხია სააკაშვილის წამების ფაქტების დადგენა, საერთაშორისო სამედიცინო ექსპერტების ჩართვა და თუ საჭიროა, მისი საზღვარგარეთის კლინიკაში გადაყვანა

„ასევე მნიშვნელოვანია, ვადამდელი არჩევნების ჩატარების საკითხი და ამ მიმართულებით გასათვალისწინებელია საკონსტიტუციო ცვლილებების საკითხი, ასევე აქციების დაწყების საკითხი. ამიტომ ორშაბათს ჩვენ წარმოვადგენთ ერთიან გეგმას, მათ შორის საპარლამენტო მუშაობასთან დაკავშირებით რა ტაქტიკა გვექნება. ეს საკითხი აუცილებლად იქნება გათვალისწინებული სტრატეგიულ გეგმაში",- განაცხადა ლევან ბეჟაშვილმა.

ირაკლი კერვალიშვილი

29 იანვარი 2022, 17:45

ეკონომიკა

ირაკლი კერვალიშვილი: ფოთის ახალი ნავსადგური იძლევა საშუალებას, საქართველოს სატრანსპორტო ინფრასტრუქტურამ დამატებით 3,5 მლნ ტონა ტვირთი გაატაროს

„ეს პორტი ძალიან მნიშვნელოვანია ფოთისთვის, როგორც სანავსადგურე მნიშვნელობის ქალაქისთვის, ასევე მთლიანად მთელი ქვეყნისთვის. ახალი ნავსადგური იძლევა საშუალებას, საქართველოს სატრანსპორტო ინფრასტრუქტურამ დამატებით 3,5 მლნ ტონა ტვირთი გაატაროს. ამ პროექტმა საქართველო და ჩვენი კომპანია აქცია საიმედო პარტნიორად სხვადასხვა ინვესტიციისთვის, რომელსაც ველოდებით, რომ ჩვენი ქვეყანა უახლოეს მომავალში მიიღებს“, - განაცხადა კერვალიშვილმა.

ნიკოლოზ სამხარაძე

29 იანვარი 2022, 17:30

პოლიტიკა

ნიკოლოზ სამხარაძე ევროკავშირისა და ნატოს ელჩებთან შეხვედრის შემდეგ: ისინი კარგად ხვდებიან, რომ თუ არ გააჩერეს რუსეთი, შემდგომი სამიზნე იქნება თვითონ ევროკავშირის წევრები

„ისინი კარგად ხვდებიან, რომ თუ აქ არ გააჩერეს რუსეთი, შემდგომი სამიზნე იქნება თვითონ ევროკავშირის წევრები. არანაირი სცენარის გამორიცხვა არ შეიძლება, რადგან მათ არ იციან რა ნაბიჯი შეიძლება გადადგას რუსეთმა და შესაძლებელია როგორც სამხედრო ინტერვენცია, ასევე შესაძლებელია, რომ სხვა ნაბიჯები გადაიდგას. ისინი მზად არიან დიალოგისთვის, მოლაპარაკებებისთვის და მათი მთავარი პოლიტიკური ამოცანა ახლა არის, რომ როგორმე შეაჩერონ ეს დაძაბულობა“, - განაცხადა ნიკოლოზ სამხარაძემ.

ირაკლი ბერაია

29 იანვარი 2022, 17:25

პოლიტიკა

ირაკლი ბერაია: საფრთხეების საპასუხოდ, ევროკავშირი, ისევე, როგორც ნატო, არიან ერთიანები და მტკიცე თავიანთ სულისკვეთებაში, განზრახვებსა და გადაწყვეტილებებში

საფრთხეების საპასუხოდ, ევროკავშირი, ისევე, როგორც ნატო, არიან ერთიანები და მტკიცე თავიანთ სულისკვეთებაში, განზრახვებსა და გადაწყვეტილებებში. რა თქმა უნდა, ისინი ასევე ერთიანები არიან საქართველოს მხარდაჭერაში, - ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარემ ირაკლი ბერაიამ.

ლაშა დარსალია

29 იანვარი 2022, 17:22

პოლიტიკა

ლაშა დარსალია ბრიუსელის შეხვედრებში მონაწილეობს

ბრიუსელში იმყოფება ჟენევის საერთაშორისო დისკუსიებზე ქართული დელეგაციის ხელმძღანელი ლაშა დარსალია. დარსალია პარტნიორებთან რუსეთიდან მომავალ გაზრდილ საფრთხეებზე და საქართველოს ოკუპირებულ ტერიტორიებზე შექმნილ ვითარებაზე საუბრობს. მარტში ჟენევის საერთაშორისო დისკუსიების ამ წლის პირველი რაუნდია დანიშნული.

ირაკლი ღარიბაშვილი

29 იანვარი 2022, 17:05

რეგიონი

ირაკლი ღარიბაშვილი ფოთის ახალი საზღვაო ნავსადგურის გახსნაზე: ჩვენი მთავრობისთვის მთავარი მიზანი და ერთ-ერთი მთავარი პრიორიტეტი არის საქართველოს, როგორც რეგიონალური ჰაბის ფორმირება და ჩვენი მდებარეობის, ჩვენი პოტენციალის სრული რეალიზაცია

პრემიერ-მინისტრმა ეკონომიკისა და მდგრადი განვითარების მინისტრ ნათია თურნავასთან, აშშ-ის ელჩ კელი დეგნანთან და „პეის ჯგუფის“ პრეზიდენტ იოსებ დოლიძესთან ერთად, ახალი საზღვაო ნავსადგური დაათვალიერა, რომელიც „პეის ჯგუფისა“ და აშშ-ის საერთაშორისო განვითარების ფინანსური კორპორაციის(DFC) ერთობლივი ძალისხმევით აშენდა.

ნინო თანდილაშვილი

29 იანვარი 2022, 16:51

საზოგადოება

ნინო თანდილაშვილმა ბერლინის სოფლის მეურნეობის რიგით მე-14 ონლაინ მინისტერიალში მიიღო მონაწილეობა

მაღალი რანგის მონაწილეებმა ჩამოაყალიბეს საერთო პოლიტიკური პოზიცია იმ პრიორიტეტულ თემებზე, რომლებიც კონფერენციის თემას: „მიწის მდგრადი გამოყენება: სასურსათო უსაფრთხოება იწყება ნიადაგით“ ეხებოდა.

29 იანვარი 2022, 16:49

COVID19

ჯანდაცვის სამინისტროს ინიციატივით სოფლებში ვაქცინაციის კამპანიის ახალი ეტაპი დაიწყო

„კამპანიის ფარგლებში, 50 წლის და უფროსი ასაკის მოქალაქეებს შესაძლებლობა აქვთ აცრა, სოფლებში, სპეციალურად მოწყობილ სივრცეებში გაიკეთონ. მათ მეთვალყურეობას ჯანდაცვის დარგის სპეციალისტები გაუწევენ. აღნიშნული კამპანიის ფარგლებში, სოფელ ფარცხანაყანევსა და მაღლაკში ადგილობრივებმა უკვე ისარგებლეს, ნაწილმა კოვიდ-საწინააღმდეგო ვაქცინის პირველი დოზა, ნაწილმა კი „ბუსტერი“ გაიკეთა. კამპანია საქართველოს ყველა რეგიონს მოიცავს“

კელი დეგნანი

29 იანვარი 2022, 16:25

პოლიტიკა

კელი დეგნანი: ნებისმიერი ინიციატივა, რაც ხელს შეუწყობს პოლარიზაციის შემცირებას, მისასალმებელია, სწორედ ამას ემსახურება პრეზიდენტის ინიციატივაც

ნებისმიერი ინიციატივა, რაც ხელს შეუწყობს პოლარიზაციის შემცირებას, მისასალმებელია. სწორედ ამას ემსახურება პრეზიდენტის ინიციატივაც, - ამის შესახებ ამერიკის ელჩმა საქართველოში კელი დეგნანმა ფოთში, ახალი საზღვაო ნავსადგურის გახსნის ოფიციალურ ცერემონიის შემდეგ, ჟურნალისტებს განუცხადა.

29 იანვარი 2022, 16:03

რეგიონი

ნაქერალას უღელტეხილზე ავტოტრანსპორტის გადაადგილება თავისუფალია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ჩატარებული ინტენსიური გაწმენდითი სამუშაოების შედეგად, შიდასახელმწიფოებრივი მნიშვნელობის ქუთაისი-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, ყველა სახის ავტოტრანსპორტის მოძრაობა თავისუფალია.

კელი დეგნანი

29 იანვარი 2022, 16:00

პოლიტიკა

კელი დეგნანი მხარდამჭერ რეზოლუციაზე: მნიშვნელოვანია, რომ ეს იყოს ძალიან მკაფიო გზავნილი როგორც საქართველოს, ასევე უკრაინის უსაფრთხოებისთვის

საქართველო, უკრაინა, აშშ, ნატო, ყველანი ძალიან მკაფიოდ გამოთქვამენ თავის პოზიციას და ჩვენ ვამბობთ, რომ გადავლახავთ ამ კრიზისს, - ამის შესახებ ამერიკის ელჩმა საქართველოში კელი დეგნანმა ფოთში ახალი საზღვაო ნავსადგურის გახსნის ოფიციალურ ცერემონიის შემდეგ ჟურნალისტებს განუცხადა.

დავით საყვარელიძე

29 იანვარი 2022, 15:51

პოლიტიკა

დავით საყვარელიძე: ისეთი შთაბეჭდილება მრჩება, რომ ახლა უკრაინაში ომი ამერიკას უფრო უნდა, ვიდრე პუტინს

უკრაინის დაშინების კამპანია გრძელდება ყველა მხრიდან - ჩვენი მთავარი სტრატეგიული პარტნიორის, აშშ-ისა და მთავარი მტრის, რუსეთის ერთობლივი ძალებით! ისეთი შთაბეჭდილება მრჩება, რომ ახლა ამერიკას უფრო უნდა ომი, ვიდრე პუტინს, - ამის შესახებ საქართველოს გენპროკურორის ყოფილი პირველი მოადგილე, უკრაინაში მიხეილ სააკაშვილის თანამებრძოლი, უკრაინის გენპროკურორის ყოფილი მოადგილე დავით საყვარელიძე წერს.

ვიოლა ფონ კრამონი

29 იანვარი 2022, 15:33

პოლიტიკა

ვიოლა ფონ კრამონი დავით არახამიაზე: ამ უკრაინაში რამეს ეწევიან ყველანი, თუ რა ხდება?

ამ უკრაინაში რამეს ეწევიან ყველანი, თუ რა ხდება? - ასე ეხმაურება ევროპარლამენტარი ვიოლა ფონ კრამონი უკრაინის პარლამენტში ვოლოდიმირ ზელენსკის პარტია „ხალხის მსახურის“ ფრაქციის თავმჯდომარე, დავით არახამიას განცხადებას იმის თაობაზე, რომ აშშ და სხვა ქვეყნები უკრაინაზე რუსეთის თავდასხმასთან დაკავშირებით პანიკას თესავენ.

29 იანვარი 2022, 15:18

კულტურა

ტოკიოში ქართული ფილმების ფესტივალი გაიხსნა

საქართველოსა და იაპონიას შორის დიპლომატიური ურთიერთობების დამყარების 30 წლისთავისადმი მიძღვნილი ღონისძიებების ფარგლებში, ტოკიოს ერთ-ერთ უძველეს კინოთეატრ „Iwanami Hall“-ში დღეს ქართული ფილმების ფესტივალი გაიხსნა.

კელი დეგნანი

29 იანვარი 2022, 15:02

ეკონომიკა

კელი დეგნანი ფოთის ახალ საზღვაო ნავსადგურზე: მსგავსი პროექტები საქართველოში დიდ ეკონომიკურ განვითარებასა და ზრდას განაპირობებენ

„ძალიან დიდი პატივია, რომ ვიმყოფები აქ, ბატონო პრემიერ-მინისტრო, ქალბატონო ნათია, ბატონო სოსო, ასეთ ძალიან მნიშვნელოვან ღონისძიებაზე. მე მახსოვს, რომ ამ პროექტის ადგილას 2020 წელს ვიყავი, მშენებლობა მიმდინარეობდა და ძალიან მახარებს, რომ დღეს აქ ვარ და საბოლოო შედეგს ვხედავ. ნამდვილად შესანიშნავი დღეა და ეს ეტაპობრივი მოვლენაა, არა მარტო „პეის გრუპისთვის“, არამედ მთელი ქვეყნისთვის. ძალიან მიხარია, რომ შეერთებული შტატები საერთაშორისო განვითარების ფინანსურ კორპორაციასთან ერთად მნიშვნელოვან როლს თამაშობდა ამ პროექტის მშენებლობასა და განვითარებაში. ჩვენ ვისურვებდით, რომ ამ კომპანიის წარმომადგენლები ყოფილიყვნენ აქ, მაგრამ ვირტუალურად გვერთვებიან.

კელი დეგნანი

29 იანვარი 2022, 14:42

ეკონომიკა

კელი დეგნანი: ფოთის პორტი არის ინფრასტრუქტურის ნაწილი, რომელიც საქართველოს ევროპასთან აკავშირებს, სიმბოლოა ევროატლანტიკური მისწრაფებებისთვის

ჩვენ საერთო ინტერესები გვაქვს, პატივს ვცემთ თავისუფლებას, ნავიგაციას, წვდომას საზღვაო გზებზე და ეროვნულ უსაფრთხოებას. ეს პორტი არის ფიზიკური ინფრასტრუქტურის ნაწილი, რომელიც საქართველოს ევროპასთან აკავშირებს. ეს არის სიმბოლო ევროატლანტიკური მისწრაფებებისთვის, - ამის შესახებ ამერიკის ელჩმა საქართველოში კელი დეგნანმა ფოთში ახალი საზღვაო ნავსადგურის გახსნის ოფიციალურ ცერემონიაზე განაცხადა.

ირაკლი ღარიბაშვილი

29 იანვარი 2022, 14:37

ეკონომიკა

ირაკლი ღარიბაშვილი: ჩვენი მთავრობისთვის ერთ-ერთი მთავარი პრიორიტეტი საქართველოს, როგორც რეგიონული ჰაბის ფორმირება და ჩვენი პოტენციალის სრული რეალიზაციაა

ჩვენი მთავრობისთვის ერთ-ერთი მთავარი პრიორიტეტი საქართველოს, როგორც რეგიონული ჰაბის ფორმირება და ჩვენი პოტენციალის სრული რეალიზაციაა, ამიტომ ამ პროექტის დაწყების პირველივე დღიდან სრულ მხარდაჭერას ვუცხადებდით კომპანია “პეისს” და თითოეულ თანამშრომელს- ამის შესახებ საქართველოს პრემიერ-მინისტრმა ირაკლი ღარიბაშვილმა ფოთის ახალი საზღვაო ნავსადგურის გახსნის ცერემონიაზე სიტყვით გამოსვლისას განაცხადა.

ეშლი ბარტი

29 იანვარი 2022, 14:33

სპორტი

ეშლი ბარტი „ავსტრალიის ღია პირველობის“ გამარჯვებულია

ავსტრალიელი ჩოგბურთელი ეშლი ბარტი „ავსტრალიის ღია პირველობის“ გამარჯვებულია. ფინალურ მატჩში მან ამერიკელი დანიელ კოლინზი 6:3, 7:6 დაამარცხა.

ირაკლი ღარიბაშვილი

29 იანვარი 2022, 14:24

ეკონომიკა

პრემიერი ფოთის ახალი საზღვაო ნავსადგურის გახსნაზე: ჯამური ინვესტიცია შეადგენს $93 მილიონს, რომელიც ორივე ფაზის დასრულების შემდეგ $120 მილიონამდე გაიზრდება

დღეის მდგომარეობით, განხორციელებული ჯამური ინვესტიცია შეადგენს 93 მილიონ ამერიკულ დოლარს, რომელიც ორივე ფაზის დასრულების შემდეგ 120 მილიონ დოლარამდე გაიზრდება, - ამის შესახებ საქართველოს პრემიერ-მინისტრმა ირაკლი ღარიბაშვილმა ფოთის ახალი საზღვაო ნავსადგურის გახსნის ცერემონიაზე სიტყვით გამოსვლისას განაცხადა.

ირაკლი ღარიბაშვილი

29 იანვარი 2022, 14:19

ეკონომიკა

ირაკლი ღარიბაშვილი: ფოთის ახალი საზღვაო ნავსადგური უაღრესად მნიშვნელოვანი პროექტია რეგიონისთვის

„ფოთის ახალი ნავსადგურის“ მასშტაბური მშენებლობა 2020 წლიდან მიმდინარეობდა და ეს უაღრესად მნიშვნელოვანი პროექტია რეგიონისთვის. დღეის მდგომარეობით, განხორციელებული ჯამური ინვესტიცია შეადგენს 93 მილიონ დოლარს, რომელიც ორივე ფაზის დასრულების შემდეგ 120 მილიონ დოლარამდე გაიზრდება, - ამის შესახებ „ფოთის ახალი საზღვაო ნავსადგურის“ გახსნის ცერემონიაზე პრემიერ-მინისტრმა, ირაკლი ღარიბაშვილმა განაცხადა.