დღგ-ს ავტომატური დაბრუნების სისტემა თებერვლიდან ამოქმედდება

15 თებერვლიდან ბიზნესი დღგ-ს ზედმეტობას ავტომატურ რეჟიმში დაიბრუნებს, - ამის შესახებ ფინანსთა მინისტრმა თბილისში მიმდინარე ეკონომიკურ კონფერენციაზე „საქართველო და მსოფლიო 2019 წელს“ განაცხადა. ამის შესახებ ინფორმაციას gbc.ge ავრცელებს.

"2018 წელს, დღგ-ს ზედმეტობის სახით უპრეცედენტო - 521 მლნ ლარი დაუბრუნდა ბიზნესს. თუმცა, ეს შედეგი დაიდო, როცა ჯერ კიდევ ე.წ. ხელის რეჟიმში მიმდინარეობდა პროცესი - ანუ მოთხოვნა შემოდიოდა კომპანიებიდან, შემდეგ ამას ჩვენი უწყებები განიხილავდნენ, ხდებოდა რისკების შეფასება და ა.შ. ამჟამად, ჩვენ ყველაფერი გადაგვაქვს ავტომატურ რეჟიმში, სადაც გვჯერა, რომ 90 პროცენტი ყველა მოთხოვნილი თანხისა, 24 საათში დაუბრუნდება ბიზნესს. ჩვენ ისე ავაწყვეთ რისკების სისტემა, რომ პრაქტიკულად, როდესაც მოთხოვნა დაფიქსირდება, იგი მომენტალურად გადის რისკების პროგრამას . პროგრამა დავხვეწეთ ისე, რომ სრულად ვართ დარწმუნებული 90 % თუ არა მეტი კომპანიების, გაივლის ამ ბარიერს", - განაცხადა მაჭავარიანმა და აღნიშნა, რომ ეს არის სიახლეა არა მარტო რეგიონის, არამედ გლობალური მასშტაბითაც.

მინისტრის თქმით, სისტემის  ტესტირების რეჟიმი დამთავრებულია და იანვრის ოპერაციების შედეგად, ვისაც წარმოექმნება დღგ-ს ზედმეტობა, 15 თებერვალს თანხას ავტომატურ რეჟიმში დაიბრუნებს.

ავტომატური სისტემის სრულფასოვანი ამოქმედების შემდეგ, რაც სავარაუდოდ, ბიზნესს არ ექნება შეხება ბიუროკრატიასთან. სპეციალურად შექმნილი პროგრამული უზრუნველყოფა და ინფრასტრუქტურა, ავტომატურ რეჟიმში დააბრუნებს დღგ-ს ზედმეტობას. ეს ინიციატივა პრემიერმინისტრმა მამუკა ბახტაძემ ჯერ კიდევ ფინანსთა მინისტროსბი დროს გააჟღერა.