რუსეთის და თურქეთის ცენტრალურმა ბანკებმა ოქროს მაქსიმალური რაოდენობა შეისყიდეს

2018 წლის მონაცემებით, მსოფლიოს ცენტრალურმა ბანკებმა 1971 წლის შემდეგ ოქროს მაქსიმალური რაოდენობა შეისყიდეს. ჯამში შესყიდვამ 651,5 ტონა შეადგინა. ყველაზე მსხვილი შემსყიდველები თურქეთის და რუსეთის ცენტრალური ბანკები არიან. ანალიტიკოსების შეფასებით, 2019 წელს ოქროზე მოთხოვნა კიდევ გაიზრდება - ნათქვამია კვლევაში, რომელიც World Gold Council (WGC) -მა წარმოადგინა.

World Gold Council (WGC) - მთელ მსოფლიოში ოქროს მოხმარების მასშტაბებს იკვლევს. 

რაც შეეხება სამომხმარებლო ბაზარს, გასულ წელს ოქროს მოხმარება 4%-ით გაიზარდა და 4.35 ათას ტონას გაუტოლდა, რაც 2016 წლის შემდეგ მაქსიმალური მაჩვენებელია. 

2011 წელს ოქროს მოხმარება გაიზარდა 11%-ით და 4,7 ათასი ტონა შეადგინა. 

როგორც 7 წლის წინ, ახლაც მსოფლიო ბაზარზე ოქროზე მოთხოვნა ცენტრალური ბანკების გადაწყვეტილებამ გააჩინა. 

2018 წელს რუსეთის ცენტრალური ბანკის შემდეგ, ყველაზე მეტი ოქრო, თურქეთის მთავარმა ბანკმა (51,5 ტონა) შეისყიდა. 

ძვირფას მეტალზე მზარდი მოთხოვნა სხვა განვითარებული ქვეყნების ცენტრალურ ბანკებშიც დაფიქსირდა. ყაზახეთის ბანკმა 50 ტონა ოქრო შეისყიდა, ხოლო პოლობეთის ცენტრალურმა ბანკმა 25 ტონა. 

World Gold Council (WGC)-ს კვლევაში ნათქვამია, რომ ოქროს ძირითადად იმ ქვეყნის ცენტრალური ბანკები ყიდულობენ, სადაც ეროვნული ვალუტის კურსი აშშ დოლარზეა მიბმული. ასევე ოქროზე მზარდი მოთხოვნა აშშ და ჩინეთს შორის დაწყებულმა სავაჭრო ომმა გააჩინა. 

Bloomberg-ის ცნობით, წლის დასაწყისში საბირჟო ფონდების აქტივები, რომლებიც ოქროში ახდენენ ინვესტირებას, 52 ტონიდან 2,26 ათას ტონამდე გაიზარდა, რაც 2013 წლის შემდეგ მაქსიმალური მაჩვენებელია.  

2019 წლის იანვრის მონაცემებით, მსოფლიო ბირჟებზე ოქროს ფასი ბოლო 8 თვის მაქსიმუმზეა. „ტროიცკის უნციის“ (31,1035 გრამი) ფასი 1300 დოლარია. ანალიტიკოსების შეფასებით, ოქროს ფასზე გავლენა მსოფლიო ეკონომიკის ზრდის ტემპის შენელების პროგნოზმა იმოქმედა. ინვესტორებმა საკუთარი აქტივების დაცვა დაიწყეს.