თამარ გაბუნია: კოვიდსასტუმროებში თავსდებიან პაციენტები, რომელთაც ვირუსის კეთილსაიმედო მიმდინარეობა აქვთ

დღეს ჯანდაცვის სიტემის მზაობა განსაკუთრებით საყურადღებოა. შემთხვევების ახალი მატებისთვისა და ასევე, მოსალოდნელი მატებისთვის სისტემა იყოს მზად. საწოლფონდი, ასევე პირველადი ჯანდაცვა იყოს სრულიად მობილიზებული იმისთვის, რომ შემთხვევების ნაკადებს მართვა მოხდეს შესაფერისად, - ამის შესახებ ჯანდაცვის მინისტრის მოადგილემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

თამარ გაბუნიამ კოვიდის მკურნალობაში ახლადჩართულ კლინიკებზეც ისაუბრა და აღნიშნა, რომ სამედიცინო დაწესებულებებს კონსულტაციას უკვე გამოცდილი მედიკოსები გაუწევენ.

„განსაკუთრებული აქცენტი კეთდება ხარისხის მართვის პროცესზე. ახალი კლინიკები, რომლებიც ჩაერთვნენ პროგრამაში და დღეისთვის უკვე მობილიზებულია 2522 საწოლი 31 კლინიკაში. ახალ კლინიკებს აქვთ იმის საშუალება, რომ მიიღონ კონსულტაციები კოვიდის მართვაში მეტად გამოცდილი ექსპერტებისგან. ამისთვის სამინისიტრომ გამოიყენა კლინიკური კონსულტანტების მექანიზმი, რათა ყველა კლინიკას ჰქონდეს საშუალება მოიწვიოს მეტად გამოცდილი ექსპერტები ხარისხის უზრუნველყოფის ნაწილში“, - განაცხადა მინისტრის მოადგილემ.

თამარ გაბუნიამ ბინაზე მკურნალობაზეც ისაუბრა და აღნიშნა, სამინისტრო ამ მიმართულებით მაქსიმალურად უსაფრთხო მოდელს ამუშავებს.

„კარგად მიმდინარეობს პროცესების მართვა კოვიდსასტუმროებში. იქ გადაგვყავს პაციენტები, რომელთაც აქვთ კეთილსაიმედო მიმდიანრეობა. ასაკი არის 16-დან 56 წლამდე შუალედში. აჭარაში ინფიცირებულთა ნაწილს ოჯახის ექიმები უწევენ მეთვალყურეობას უკვე ბინაზე. ეს არის ბევრ ქვეყანაში აპრობირებული მოდელი. სამინსიტრო ამ მოდელს ამუშავებს ისე, რომ იყოს მაქსიმალურად უსაფრთხო. იყოს შესაფერისი პირობები და არ დადგეს ოჯახის წევრებს შორის ინფექციის გავრცელების რისკი“, - განაცხადა მინისტრის მოადგილემ.