იტალიელი რეჟისორი ფრანკო ძეფირელი გარდაიცვალა

იტალიელი რეჟისორი ფრანკო ძეფირელი 96 წლისა გარდაიცვალა. ამის შესახებ Twitter-ზე ფლორენციის მერმა დარიო ნარდელამ დაწერა.

„მინდოდა, რომ ეს დღე არასდროს დამდგარიყო. დღეს დილით ფრანკო ძეფირელიმ დაგვტოვა. oს მსოფლიო კულტურის ერთ-ერთი უდიდესი წარმომადგენელი იყო. ვიზიარებთ მისი ახლობლების მწუხარებას. ნახვადმის, ძვირფასო ოსტატო. ფლორენცია შენ არ დაგივიწყებს“, - წერს ნარდელა.

Non avrei mai voluto che arrivasse questo giorno. Franco #Zeffirelli se ne è andato questa mattina. Uno dei più grandi uomini della cultura mondiale. Ci uniamo al dolore dei suoi cari. Addio caro Maestro, Firenze non ti dimenticherà mai.🎈 pic.twitter.com/wAWq4YMQ5c

— Dario Nardella (@DarioNardella) 15 June 2019

ფრანკო ძეფირელი ფლორენციაში 1923 წელს დაიბადა.

ძეფირელიმ კარიერა 1940-ანი წლების ბოლოს მსახიობის და თეატრის მხატვრის რანგში დაიწყო. 1950-ან წლებში ის თეატრალური და საოპერო დადგმების რეჟისორი გახდა. პირველი ფილმი „კემპინგი“ კი 1957 წელს გადაიღო. 1968 წელს მისი გადაღებული „რომეო და ჯულიეტა“ შექსპირის ამ ნაწარმოების ყველაზე წარმატებულ კლასიკურ ეკრანიზებად არის აღიარებული. მის ცნობილ ფილმებს შორისაა ასევე „ჭირვეულის მორჯულება“ (1967), „ჰამლეტი“ (1990) და „ჯეინ ეარი“ (1996). მთლიანობაში ძეფირელიმ 20-მდე ფილმი გადაიღო.

1977 წელს მან მიიღო ორდენი „იტალიის რესპუბლიკის წინაშე დამსახურებებისთვის“. 2004 წელს ძეფირელის ბრიტანეთის იმპერიის ორდენის რაინდი კომანდორის წოდება და სერის ტიტული მიანიჭეს. 

ძეფირელი - „ემის“ ორგზის და BAFTA-ს მფლობელია. ის ორჯერ იყო „ოსკარზე“ წარდგენილი.

BREAKING Romeo and Juliet director Franco Zeffirelli has died aged 96 https://t.co/GBsbZ0kUWR pic.twitter.com/Y8PA3TzJGy

— Mirror Breaking News (@MirrorBreaking_) 15 June 2019