რომან პოლანსკი ვენეციის კინოფესტივალზე საკუთარი ფილმის ჩვენებას არ დაესწრება

ცნობილი რეჟისორი რომან პოლანსკი კანის ფესტივალზე საკუთარი ფილმის ჩვენებას სახელწოდებით „მე ვადანაშაულებ“ არ დაესწრება, ამის შესახებ Euronews წერს.  

ფილმში მთავარი როლი ფრანგმა მსახიობმა ჟან დიუჟერდენმა შეასრულა. მოვლენები მე-19 საუკუნეში დრეიფუსში ვითარდება. 

გამოცემის ცნობით, ჯერ კიდევ პრემიერამდე ფილმის გარშემო ცხარე კამათი გაიმართა პოლანსკის პერსონის გამო. ვენეციის კინოფესტივალის ჟიურის ხელმძღვანელმა ლუკრესია მარტელმა განაცხადა, რომ პოლანსკის ფილმის ჩვენებაზე არ მივა და რეჟისორს არც მიულოცავს. 

ვენეციის 76-ე საერთაშორისო კინოფესტივალი 29 აგვისტოს საზეიმოდ გაიხსნა. ცერემონია ფესტივალის მასპინძელმა ალესანდრა მასტრონარდიმ გახსნა, რომელმაც „სალა კაზინოს“ სცენაზე კინოფესტივალის მიმდინარეობის შესახებ ილაპარაკა.

ტრადიციულად, წელსაც იტალიის ქალაქ ვენეციას ცნობილი ადამიანები ესტუმრნენ. როგორ გამოიყურებოდნენ ვარსკვლავები, შეგიძლიათ ამ ბმულზე იხილოთ.  

კინოფესტივალზე ასევე ქართველი რეჟისორის დიმიტრი მამულიას ფილმის „ბოროტმოქმედი“ პრემიერა გაიმართება. ფილმს აჩვენებენ სექციაში „ჰორიზონტი“. ეს არის საკონკურსო სექცია, რომელშიც მთავარი პრიზის მოსაპოვებლად 20-მდე ფილმი იბრძოლებს.

ვენეციის კინოფესტივალი 7 სექტემბერს დაიხურება.

პოლანსკის არასრულწლოვანი მოდელის, 13 წლის სამანტა გეიმერის გაუპატიურებას ედავებიან. სავარაუდო დანაშაული 40 წლის წინ, 1977 წელს არის ჩადენილი. 

გაუპატიურებაში ბრალდების გამო რეჟისორი რომან პოლანსკი ამერიკის კინოაკადემიიდან 2018 წლის მაისში გარიცხეს.