imedi /  06 სექტემბერი 2017, 16:41 / სანდო წყარო

ბათუმის შესახებ ევრონიუსზე გადაცემა გადის

ბათუმი

ტელეკომპანია „ევრონიუსზე“ ბათუმის შესახებ ვრცელ რეპორტაჟი გადის. გადაცემა „მეტროპოლიტანის“ მეშვეობით ბათუმის ისტორიულ-კულტურულ მემკვიდრეობას, არქიტექტურას, გასტრონომიასა და ქალაქის თანამედროვე სახეს მილიონობით მაყურებელი გაეცნო.

„ევრონიუსის“ ეთერში ბათუმის შესახებ მომზადებული საინტერესო გადაცემა „ბათუმი - სტრატეგიული პორტიდან აქტიურ საზღვაო კურორტამდე“ აჭარის ტურიზმის დეპარტამენტის მიერ ორგანიზებული მედიატურის ფარგლებში გაკეთდა.

„ევრონიუსის“ გადამღები ჯგუფი პრესტურით რეგიონს ზაფხულის აქტიურ ტურისტულ სეზონზე სტუმრობდა, რომლის დროსაც ტელეკომპანიამ კიდევ ერთი გადაცემა შავი ზღვის ჯაზ ფესტივალის შესახებ მოამზადა.

წელს აჭარის ტურიზმის დეპარტამენტმა რეგიონის პოპულარიზაციის მიზნით, ჯამში, 4 საიმიჯო ვიდეორგოლი დაამზადა.

კომენტარები ()