imedi /  14 ნოემბერი 2017, 10:55 / სანდო წყარო

ეროვნული მუზეუმი: საქართველო უძველესი მეღვინეობის ქვეყანაა

საქართველოს ეროვნული მუზეუმი მსოფლიო სამეცნიერო წრეების დასკვნას ეხმაურება, რომელიც საქართველოს როგორც ღვინის უძველესი სამშობლოს აღიარებას ეხება. აშშ-ის მეცნიერებათა ეროვნული აკადემიის სამეცნიერო ჟურნალი PNAS (მსოფლიოში ერთ-ერთი ყველაზე მაღალრეიტინგული სამეცნიერო ჟურნალი) აქვეყნებს სტატიას სახელწოდებით „Early Neolithic wine of Georgia in the South Caucasus“ („საქართველოს ადრეული ნეოლითური ღვინო სამხრეთ კავკასიიდან“). ქართველებთან ერთად, სტატიის ავტორები არიან მეცნიერები აშშ-დან, საფრანგეთიდან, იტალიიდან, კანადიდან, დანიიდან და ისრაელიდან.

სტატიაში საუბარია საქართველოს ტერიტორიაზე აღმოჩენილი არქეოლოგიური მასალის ახლადჩატარებული მულტიდისციპლინური კვლევის შესახებ, რომელიც ადასტურებს, რომ აქ მოსახლე ტომები ღვინოს ჯერ კიდევ ძვ.წ. 6000-5800 წლებში, ე.ი. 8000 წლის წინ აყენებდნენ.

"2014 წლიდან, „ასოციაცია ქართული ღვინო“-ს ინიციატივით და საქართველოს მთავრობის მხარდაჭერით, ღვინის ეროვნული სააგენტო ხელმძღვანელობს საერთაშორისო მულტიდისციპლინურ პროექტს „ქართული ვაზისა და ღვინის კულტურის კვლევა“. მასში, ქართველ მეცნიერებთან ერთად, მონაწილეობენ პენსილვანიის, მონპელიეს, მილანის, კოპენჰაგენის, ტორონტოს უნივერსიტეტების, ისრაელის ვაისმანის ინსტიტუტისა და მონპელიეს აგრარული კვლევების ეროვნული ინსტიტუტის (INRA) თანამშრომლები. პროექტის სამეცნიერო ხელმძღვანელია საქართველოს მეცნიერებათა ეროვნული აკადემიის წევრ-კორესპონდენტი დავით ლორთქიფანიძე, ხოლო კოორდინატორი − ღვინის ეროვნული სააგენტოს მეცნიერი, დოქტორი დავით მაღრაძე.

საქართველოს მეცნიერებათა აკადემიის ს. ჯანაშიას სახელობის სახელმწიფო მუზეუმის ექსპედიციების მიერ საქართველოს ტერიტორიაზე ნეოლითური ხანის (ძვ.წ. VI ათასწლეული) ძეგლების კვლევა მე-20 საუკუნის 60-იან წლებში დაიწყო. სხვადასხვა დროს მას ხელმძღვანელობდნენ ალექსანდრე ჯავახიშვილი, ოთარ ჯაფარიძე და თამაზ კიღურაძე. ამჟამად გათხრებს ხელმძღვანელობს არქეოლოგი მინდია ჯალაბაძე. უკანასკნელ წლებში საქართველოს ეროვნული მუზეუმის არქეოლოგიური ექსპედიციების მხარდამჭერები არიან ღვინის ეროვნული სააგენტო, შოთა რუსთაველის ეროვნული სამეცნიერო ფონდი და ტორონტოს უნივერსიტეტი.

პროექტის ფარგლებში პენსილვანიის უნივერსიტეტის პროფესორის პატრიკ მაკგოვერნის ხელმძღვანელობით ჩატარებული ბიომოლეკულლური კვლევების შედეგად მარნეულის რაიონში მდებარე ნეოლითის პერიოდის „გადაჭრილი გორის“ და „შულავერის გორის“ არქეოლოგიურ ძეგლზე უკანასკნელი პერიოდის გათხრების დროს აღმოჩენილი თიხის ჭურჭლის კედლებზე ღვინისათვის დამახასიათებელი ორგანული მჟავების (ღვინის მჟავა, ვაშლმჟავა, ქარვამჟავა და ლიმონმჟავა) არსებობა დადასტურდა, რაც Vitis vinifera-ს ვაზის ჯიშისგან დამზადებული ღვინისთვისაა დამახასიათებელი. საქართველოს ეროვნული მუზეუმის მეცნიერების ელისო ყვავაძისა და ნანა რუსიშვილის მიერ მუზეუმში ჩატარებულმა პალეობოტანიკურმა კვლევებმა ცხადყო, რომ ადრეული ნეოლითის ხანაში ამ რეგიონში ვაზის კულტურა ფართოდ იყო გავრცელებული. მილანის უნივერსიტეტის მკვლევრებმა, ოსვალდო ფაილას ხელმძღვანელობით, აღადგინეს ძვ.წ. VI ათასწლეულის კლიმატი და დაადასტურეს, რომ ქვემო ქართლში 8000 წლის წინ ვაზის კულტივირებისთვის შესაბამისი პირობები იყო. ისრაელის ვაისმანის ინსტიტუტში ელიზაბეტა ბოარეტოს ხელმძღვანელობით განხორციელებული ლაბორატორიული კვლევების შედეგად C14-ის დათარიღების მეთოდით ნიმუშების ასაკი განისაზღვრა ძვ.წ. 6000-5800 წლებით, რაც 600 წლით უფრო ძველია, ვიდრე აქამდე უძველესად მიჩნეული ღვინის კვალი ზაგროსის მთიანეთიდან (ირანი)", - ნათქვამია ეროვნული მუზეუმის მიერ გავრცელებულ ინფორმაციაში. 

ეროვნული მუზეუმი აღნიშნავს, რომ მსოფლიო სამეცნიერო საზოგადოებამ აღიარა, რომ მეღვინეობის უძველესი კვალი სწორედ საქართველოს ტერიტორიაზეა აღმოჩენილი, საიდანაც ის შემდეგ გავრცელდა მთელ მსოფლიოში და უდიდესი გავლენა იქონია სოფლის მეურნეობის, ხალხთა კულტურის, ბიოლოგიის, მედიცინისა და, ზოგადად, ცივილიზაციების ჩამოყალიბებაზე.

კომენტარები ()

არქივი

19 იანვარი 2018, 15:37

საქართველო

მარტვილში საყოველთაო ნათლობა გაიმართა

ნათლობის ცერემონიის დაწყებამდე წირვა-ლოცვა მეუფე პეტრემ ღვთისმშობლის შობის სახელობის ტაძარში აღავლინა. ნათლობისა და განწმენდის ცერემონიალს სამეგრელო ზემო-სვანეთის სხვადასხვა მუნიციპალიტეტებიდან ჩამოსული მრევლი დაესწრო.

19 იანვარი 2018, 15:31

ძალოვნები

დაკავებულ მომღერალ საბა სამუშიას ბრალი დაუმძიმდა

გმირთა მოედანზე მდებარე რესტორან „აღაში“ 3 ადამიანის დაჭრისთვის დაკავებულ საბა სამუშიას ბრალი დაუმძიმდა. სისხლის სამართლის კოდექსის 120-ე მუხლი, რომელიც ჯანმრთელობის მსუბუქ დაზიანებას გულისხმობს გადაკვალიფიცირდა და ახლა დაკავებულს ჯანმრთელობის განზრახ მძიმე დაზიანება ედება ბრალად.

19 იანვარი 2018, 15:26

ძალოვნები

უკრაინაში ოქროს საბადო აღმოაჩინეს

უწყების ვარაუდით, ზაკარპატიაში, რახოვსკის რაიონში აღმოჩენილ საბადოზე 2,4 ტონა ოქროა. ობიექტს უახლოეს ხანებში ოქროს საბადოს კვალიფიკაციას ოფიციალურად მიანიჭებენ და ინვესტიციების მისაზიდად მოსამზადებელ სამუშაოებს ჩაატარებენ.

19 იანვარი 2018, 15:25

საქართველო

მარნეულში მატარებლის შეჯახების შედეგად 12 წლის მოზარდი გარდაიცვალა

აქმეზე გამოძიება სისხლის სამართლის კოდექსის 275-ე მუხლის მე-3 ნაწილით მიმდინარეობს, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

19 იანვარი 2018, 15:23

სპორტი

ავსტრალიის ღია პირველობას მეორე ქართველიც დაემშვიდობა

ქართულ ამერიკული წყვილი პირველ ნომრად განთესილ მოთამაშეებს ლატიშა ჩანსა და ანდრეა სესტინი ჰლავაცკოვას დაუპირისპორიდა და 2 სეტში ანგარიშით 6:0 7:5 დამარცხდა.

19 იანვარი 2018, 15:21

საქართველო

2017 წელს ე.წ. სამხრეთ ოსეთში საზღვრის დარღვევის ბრალდებით 514 ადამიანი დააკავეს

ოკუპირებული სამხრეთ ოსეთის ე.წ. მესაზღვრეებმა 2017 წლის განმავლობაში დეფაქტო საზღვრის დარღვევის ბრალდებით 514 ადამიანი დააკავეს. მაჩვენებელი შარშანდელს დაახლოებით 11%-ით ჩამოუვარდება. საერთო ჯამში, ე.წ. საზღვრის დამრღვევებმა 827 000 რუსული რუბლი გადაიხადეს, რის შემდეგაც ისინი გაათავისუფლეს.

19 იანვარი 2018, 15:19

საქართველო

ქუთაისის მერიის და საკრებულოს სახელფასო ფონდი 250 000 ლარით გაიზარდა

სახელფასო ფონდის ზრდა მერიის ადმინისტრაციულ ერთეულებში, მერის წარმომადგენლების შტატში გადაყვანამ გამოწვია, რომელთა ხელფასიც ამ დრომდე დაახლოებით 1 000 ლარი იყო.

19 იანვარი 2018, 15:11

საქართველო

პატრიარქმა მრევლს ნათლისღების დღესასწაული მიულოცა

"დღეს თქვენ წაიღებთ ნაკურთ წყალს სახლში, ასხურეთ ნაკურთი წყალი სახლში, თქვენს შვილებს, თქვენს კარ-მიდამოს და სულიწმინდა დაისადგურებს თქვენთან" -განაცხადა პატრიარქმა.

19 იანვარი 2018, 14:55

მსოფლიო

უკრაინაში მიხეილ სააკაშვილის პროცესი ისევ გადაიდო

სააკაშვილი დანაშაულებრივ ორგანიზაციასთან თანამშრომლობის გამო სისხლის სამართლის გამოძიების ფარგლებში კიევში, 2017 წლის 8 დეკემბერს დააკავეს. მან წინასწარი დაკავების იზოლატორში სამი დღე გაატარა.

19 იანვარი 2018, 14:53

საქართველო

კვლევა: საქართველოში დასაქმებულების ყველაზე დიდ ნაწილს პოსტსაბჭოთა განათლება აქვს

საქართველოში უმაღლესი განათლების მქონე დასაქმებულებს შორის ყველაზე დიდი წილი იმ ადამიანებზე მოდის, რომლებმაც უმაღლესი განათლება პოსტსაბჭოთა პერიოდში მიიღეს (44%). საბჭოთა უმაღლესი განათლების მქონე დასაქმებულების წილი 38%-ს აღწევს, ხოლო ბოლონიის სისტემის კურსდამთავრებულთა დასაქმების მაჩვენებელი - 18%-ს.

19 იანვარი 2018, 14:51

ვიდეო

გიორგი ჭანტურიას მამა განცხადებას გაავრცელებს

19 იანვარი 2018, 14:49

ვიდეო

ქრონიკა 14:00 საათზე - 19 იანვარი, 2018 წელი

19 იანვარი 2018, 14:48

ეკონომიკა

მამუკა ბახტაძის თქმით, სახელმწიფო ბიუჯეტი შესრულებულია

ფინანსთა მინისტრის განცხადებით, ყველა სამინისტროს შესრულების მაჩვენებელი 100%-თან ახლოსაა, თუმცა მამუკა ბახტაძემ ხაზი გაუსვა რეგიონული განვითარებისა და ინფრასტრუქტურის სამინისტროს ხარჯვითი ნაწილის 102%-იანი შესრულების მაჩვენებელს.

19 იანვარი 2018, 14:42

ტაბლოიდი

ალბინოსი ორანგუტანისთვის ხელოვნური კუნძული შექმნეს

ორანგუტანი ბრაკონიერის ტყვეობიდან 2017 წელს გამოიხსნეს. მას ალბა დაარქვეს. ლათინურად ეს სიტყვა თეთრს ნიშნავს. ეს ერთადერთი ალბინოსი-ორაგუტანია, რომელსაც მეცნიერები აკვირდებიან, თუამცა მათ ვარაუდით, შესაძლოა ბუნებაში იგივე სახეობის სხვა ალბინოსებიც ბინადრობდნენ.

19 იანვარი 2018, 14:34

საქართველო

გოგიჩაიშვილი: უნდა დასახელდნენ ის პირები, რომლებმაც საზოგადოება შეცდომაში შეიყვანეს

აუდიტის სამსახურმა მეტი სიცხადე უნდა შეიტანოს ამ პოზიციაში. უნდა გამოჩნდნენ ის ადამიანები, ვინც ეს პროცესი ასე წარმართეს. თუ მართლები იყვნენ, რატომ გადათქვეს ამბავი და თუ შეცდნენ, მაშინ პასუხისმგებლობა უნდა აიღონ.

19 იანვარი 2018, 14:30

ძალოვნები

გიორგი ჭანტურიას ოჯახის თქმით, მას უტყუარი ალიბი ჰქონდა

მარიამ ჭანტურიას განცხადებით, მის ძმას მოკლულ ქუთათელაძესთან ქონებრივი დავა არ ჰქონია და ჭანტურიები ე.წ სტამბოლის ბაზრის წილების დაბრუნებას არ ითხოვენ.

19 იანვარი 2018, 14:22

საქართველო

ქუთაისში 3 000 სტუდენტს სტატუსი შეუჩერდა

„ეს ის სტუდენტები არიან, რომლებსაც სტატუსი შეუჩერდათ ფინანსური ვალდებულების შეუსრულებლობის, სამხედრო სავალდებულო სამსახურში გაწვევის, უცხოეთში სწავლის, აკადემიური ჩამორჩენილობის, ჯანმრთელობის მდგომარეობის გამო და ა.შ. საკმაოდ ხშირია სტატუსის შეჩერება საკუთარი განცხადებების საფუძველზეც", - აცხადებს უნივერსიტეტის წარმომადგენელი.

19 იანვარი 2018, 14:19

საქართველო

ანჩისხატის ასლი იერუსალიმის ჯვრის მონასტერში დააბრძანეს

ქართველმა ემიგრანტებმა ხატთან ერთად სხვადასხვა სიწმინდეები მოილოცეს და ბოლოს ის მთავარ ტაძარში დაასვენეს. საქართველოდან ჩასულმა დეკანოზ მალხაზ ყიფიანმა პარაკლისი აღავლინა.

19 იანვარი 2018, 14:15

ვიდეო

სამი ადამიანის დაჭრაში ბრალდებული მომღერლის საქმეზე სასამართლო, სავარაუდოდ, დღეს იმსჯელებს

19 იანვარი 2018, 14:10

საქართველო

შრომის ინსპექცია: დაღუპულ მუშას დამცავი ღვედი არ ეკეთა

„27 წლის ახალგაზრდას, რომელიც თემქაზე მშენებარე ობიექტიდან გადმოვარდა არ ეკეთა დამცავი ღვედი და არ ეცვა სპეციალური ფეხსაცმელი“,- ასეთია შრომის ინსპექციის პირველადი დასკვნა. შემთხვევა გუშინ საღამოს მოხდა. დაშავებული სასწრაფო დახმარების ჯგუფმა საავადმყოფოში გადაიყვანა, თუმცა მისი გადარჩენა ვერ მოხერხდა.