ეროვნულ ბიბლიოთეკაში ფილმის "იოცნებე, გოგონა!" ჩვენება გაიმართება

დღეს, 18:15 საათზე, საქართველოს პარლამენტის ეროვნული ბიბლიოთეკის ანგლო-ამერიკულ სამკითხველო დარბაზში, ფილმის ჩვენება გაიმართება. ერთობლივი საგანმანათლებლო პროექტის „American Film Showcase“ ფარგლებში, წარდგენილი იქნება ერინ ბეგველის ფილმი "იოცნებე, გოგონა!” (2014, აშშ).

ერინ ბეგველი ამერიკის მსხვილი კორპორაციის დიზაინერად მუშაობდა. ერთხელაც მან ქალებისთვის ახალი ამბების გვერდი გახსნა. ამ გვერდზე, ყოველ ოთხშაბათს, ხელოვნებისა და ბიზნესის სფეროს წარმომადგენელი ქალები პირად გამოცდილებასა და პროფესიულ რჩევებს ერთმანეთსა და დამწყებ პროფესიონალებს უზიარებდნენ.

ერინმა, პოპულარობის ზრდასთან ერთად, მონაწილე ქალების ისტორიების მიხედვით ფილმის გადაღება გადაწყვიტა და სოციალური ქსელიდან დახმარებაც მიიღო. 2016 წელს, „იოცნებე, გოგონა!“ თეთრ სახლში,აშშ-ის ქალთა სამიტისადმი მიძღვნილ შეკრებაზე და ნიუ-იორკის ცნობილ „პარიზულ თეატრში“ აჩვენეს. ფილმს დიდი გამოხმაურება მოყვა „ფორბსის“, „ვოგის“, „ვაშინგტონ პოსტის“ რედაქციებიდან,

ფილმის ჩვენება საქართველოში ამერიკის შეერთებული შტატების საელჩოსა და საქართველოს პარლამენტის ეროვნული ბიბლიოთეკის ორგანიზატორობით გაიმართება.

დასწრება თავისუფალია.