რა მიღწევები ჰქონდა დემნა გვასალიას 2018 წელს

ქართველი დიზაინერი დემნა გვასალია 2018 წლის განმავლობაში ერთ-ერთი ყველაზე გამორჩეული ადამიანი იყო როგორც საქართველოში, ისე მის საზღვრებს მიღმა.

Facebook-გვერდი Demna Gvasalia Daily აქვეყნებს ინფორმაციას, რომელშიც 2018 წელს მისი მიღწევებია ჩამოთვლილი. კერძოდ:

დემნა გვასალიამ წელს წარადგინა 6 კოლექცია. ბალენსიაგას 100-წლიან ისტორიაში პირველად გააკეთა ქალის და კაცის გაერთიანებული ჩვენება. ვეტმანში ფესვებს დაუბრუნდა. 2018 წლის შემოდგომა/ზამთარი მარტინ მარჯიელას მიუძღვნა, 2019 წლის გაზაფხული/ზაფხული - საქართველოს.

მან გახსნა ბალენსიაგას რამდენიმე ახალი მაღაზია, მათ შორის : ჰავაიში, მაიამიში და მილანში. იანვრიდან აპრილის ჩათვლით ბალენსიაგას გაყიდვები 460 მილიონ ევრომდე გაზარდა.

მარტში დემნა გვასალიამ 225.000 დოლარი გადაურიცხა მსოფლიოს სასურსათო პროგრამას. ნოემბერში ბალენსიაგას ტყავის ჩანთებიდან შემოსული თანხის 10% ქალთა მიმართ ძალადობის პრევენციულ კამპანიაში გადარიცხა. 

დემნა გვასალიამ თრიფლ ბოტასი მსოფლიოში ყველაზე მოთხოვნად პროდუქტად აქცია, რომლის საერთო ღირებულება ახლა ასობით მილიონი დოლარია. 

მან კრიტიკას და ჭორებს პირველად გასცა საჯარო პასუხი, რომლის შედეგადაც გაირკვა, რომ ვეტმანის ღირებულება მილიარდისკენ უფრო არის, ვიდრე მილიონისკენ.

გვასალიამ რამდენჯერმე დაიპყრო ინტერნეტი: ერთი მეორეზე გადაკერებული მაისურით, მიშელ ობამას ჩექმებით და 9 ფენიანი ქურთუკით.

ის ორივე ბრენდით მოხვდა მსოფლიოს 10 ყველაზე განხილვად ბრენდში, HB-ს ასეულში, BOF 500-ში, ბრიტანული GQ-ს ტოპ ხუთეულში და მოიგო წლის აქსესუარების ჯილდო მოდის 2018 წლის დაჯილდოებაზე ლონდონში.

მან ბალენსიაგას სტუდია ციურიხში გადაიტანა.

დემნა გვასალიამ 40-მდე ქართველი ჩაიყვანა პარიზში თავისი ჩვენებისთვის. ციურიხში სოხუმელი ხელოვანის, ანდრო ვეკუას პირველ სოლო გამოფენაზე იყო. ბალენსიაგაში დანიშვნის შემდეგ ჰქონდა პირველი ქართული ინტერვიუ "რადიო თავისუფლებასთან".

ის წელს პარიზში გუჩის პირველ ჩვენებას დაესწრო.

მისი სამოსი წელს არაერთ ცნობილ ადამიანს ეცვა, რომლებიც სხვადასხვა უცხოური ჟურნალების მთავარ გვერდებს ამშვენებდნენ. კერძოდ: ქარდი ბის I like It, პრიანკა ჩოპრა ბალენსიაგას წითელ კაბაში, ტილდა სუინტონი ვეტმანის წითელ კაბაში, ფრანგული ვოგის ყდაზე იმანი ბალენსიაგას სამოსში, ირინა შეიკი თურქული ვოგის ყდაზე ბალენსიაგას სამოსში, ნაომი ქემბელი არაბული ვოგის ყდაზე ბალენსიაგას სამოსში, კორეული ბენდები საქართველოს დროშებით, კიმ კარდაშიანი შვილთან ერთად დემნას სახელობის კაბაში, ვიქტორია სიკრეტის ანგელოზები ქასტინგებზე ბალენსიაგას ზედებში, პამელა ანდერსონი რიედიშენის ყდაზე დემნას კაბაში, დოუცენ კრუსი და ნატალია ვოდიანოვა ვეტმანის კაბებში, აიდის ქავერსთორი, ჰედლაინით: როგორ ცვლის დემნა გვასალია სამყაროს, The Wall Street Journal-ის ყდა, Times-ის სტატია: 800 დოლარიანი ბოტასის ძიებაში, Financial Times-ის სტატია: ბალენსიაგას მილიარდი ევროს გეგმა.

მან წელს მორიგებით დაასრულა სასამართლო დავა ნიუ-იორკის სუვენირების კომპანიასთან. 

მარტში დემნა გვასალია ანტვერპენის ხელოვნების აკადემიაში ჟიურის წევრად დასახელდა. დეკემბერში ჟიურის წევრად - შვეიცარიის დიზაინის ინსტიტუტში.

დემნა გვასალიამ კონტრაქტი გააფორმა JD-ის Toplife-თან. ტოფლაიფი, ლაგჟერი ონლაინ პლატფორმა, რომელიც ჩინეთს დაფარავს, ჩინურმა ონლაინ გიგანტმა გასულ წელს შექმნა. 

და ბოლოს, დემნა გვასალიამ 2019 წლის იანვრისთვის სათვალეების ხაზის დააანონსა, რომლებიც ექსკლუზიურად დავერ სთრით მარკეტის ნიუ-იორკის, ჰონგ-კონგის და ლონდონის სავაჭრო ცენტრებში გაიყიდება.