ბაიდენი ტრამპის იმპიჩმენტს ითხოვს

აშშ-ის ყოფილი ვიცეპრეზიდენტი ჯო ბაიდენი პრეზიდენტ დონალდ ტრამპის იმპიჩმენტის ინიციატივას ეთანხმება, წერს CNN. 

მისი განცხადებით, აშშ-ის ლიდერს არ სურს კონგრესის მოთხოვნების შესრულება: „ტრამპი თავისი მოქმედებებით გახდა აშშ-ის საზოგადოების და მსოფლიოს გაკიცხვის საგანი“. 

ბაიდენის კომენტარს აშშ-ის პრეზიდენტი Twitter-ზე გამოეხმაურა. ტრამპი აცხადებს, რომ ბაიდენი ეცოდება:

„რა საცოდავი საყურებელია მძინარე ბაიდენი, შვილთან ჰანტერთან ერთად რომელმაც აშშ-ის გადასახადის გადამხდელებს ზარალი მიაყენა. ისინი ბედავენ რომ ჩემს წინააღმდეგ იმპიჩმენტისკენ მოუწოდონ. მე ცუდი არაფერი ჩამიდენია“, - წერს ტრამპი. 

So pathetic to see Sleepy Joe Biden, who with his son, Hunter, and to the detriment of the American Taxpayer, has ripped off at least two countries for millions of dollars, calling for my impeachment - and I did nothing wrong. Joe’s Failing Campaign gave him no other choice!

— Donald J. Trump (@realDonaldTrump) October 9, 2019

 

თეთრმა სახლმა დონალდ ტრამპის იმპიჩმენტის საქმეზე „დემოკრატებთან“ თანამშრომლობაზე უარი განაცხადა. 

როგორც BBC წერს, ამის შესახებ აშშ-ის პრეზიდენტის თანაშემწის პეტ ჩიპოლინეს წერილშია ნათქვამი, რომელიც მან წარმომადგენელთა პალატაში „დემოკრატების“ ლიდერებს გაუგზავნა.

სექტემბერში აშშ-ის დაზვერვის თანამშრომელმა დონალდ ტრამპის წინააღმდეგ საჩივარი დაწერა, რომელიც მისი და ერთ-ერთი უცხოელი ლიდერის საუბარს ეხებოდა. მოგვიანებით აღმოჩნდა, რომ ეს ლიდერი უკრაინის პრეზიდენტი ვოლოდიმირ ზელენსკი იყო.

ჩანაწერის თანახმად, ტრამპმა სატელეფონო საუბრის დროს აშშ-ის ყოფილი ვიცეპრეზიდენტის, ჯო ბაიდენისა და მისი შვილის საკითხი განიხილა. აშშ-ის კონგრესის დემოკრატმა წევრებმა კი გამოთქვეს ვარაუდი, რომ კორუფციასთან ბრძოლის საფარქვეშ ტრამპი უკრაინის ხელისუფლებას თავისი ოპონენტების წინააღმდეგ სისხლის სამართლებრივი დევნის დაწყებას აიძულებდა.

ამის შემდეგ თეთრმა სახლმა პრეზიდენტ დონალდ ტრამპსა და უკრაინის ლიდერ ვოლოდიმირ ზელენსკის შორის 25 სექტემბერს შემდგარი სატელეფონო საუბრის სტენოგრამა (.pdf) გამოქვეყნა. მანამდე კი თავად ზელენსკიმაც დაადასტურა, რომ სატელეფონო საუბრისას ტრამპი მას ბაიდენზე ზემოქმედებისკენ არ უბიძგებდა.

მიუხედავად ამისა, აშშ-ის წარმომადგენელთა პალატის ნაწილმა დონალდ ტრამპის წინააღმდეგ იმპიჩმენტის ფორმალური პროცედურა დაიწყო. აშშ-ის წარმომადგენელთა პალატის გადაწყვეტილებას იმპიჩმენტის შესახებ ამერიკელების 47% მხარს უჭერს.