ტრამპი კლინტონის მიერ გაკრიტიკებულ დემოკრატებს გამოესარჩლა

აშშ-ის პრეზიდენტი დონალდ ტრამპი მიიჩნევს, რომ ქვეყნის ყოფილი სახელმწიფო მდივანი ჰილარი კლინტონი შეიშალა. ამის შესახებ ტრამპმა Twitter-ზე დაწერა. 

უ„ჰილარი კონგრესმენ ტალსი გაბარდს „რუსეთის ფავორიტს“ უწოდებს, ჯილ სტაინს კი „რუსეთის აქტივს“. ალბათ გაგიგონიათ, რომ მეც რუსეთის მოყვარულს მეძახდნენ (მართლაც მიყვარს რუსი ხალხი, ყველა მიყვარს). ჰილარი შეიშალა“, - წერს ტრამპი. 

— Donald J. Trump (@realDonaldTrump) 20 октября 2019 г.

ტრამპმა განცხადება მას შემდეგ გააკეთა, რაც ჰილარი კლინტონმა ერთ-ერთი თანაპარტიელი რუსეთთან თანამშრომლობაში დაადანაშაულა. კლინტონის თქმით, კრემლს აშშ-ის წინასაარჩევნო კამპანიაში მესამე სერიოზული კანდიდატის გამოჩენა სურს, რაც ლიბერალთა ხმებს გაყოფს და დონალდ ტრამპს პოსტის შენარჩუნებაში დაეხმარება. კლინტონმა ამ კანდიდატის ვინაობა არ დაასახელა, თუმცა ჟურნალისტები ვარაუდობენ, რომ საუბარი ჰავაის კონგრესმენ ტულსი გაბარდზეა.

ჯილ სტაინი, რომელიც 2016 წლის აშშ-ის საპრეზიდენტო არჩევნებზე მწვანეთა პარტიის სახელით ასპარეზობდა კლინტონმა რუსეთთან თანამშრომლობაში მანამდე დაადანაშაულა. 

საპრეზიდენტო არჩევნები აშშ-ში 2020 წელს გაიმართება. დემოკრატიული პარტია საპრეზიდენტო არჩევნებისთვის თავის კანდიდატს 2020 წლის თებერვლიდან ივნისამდე აირჩევს.