ემანუელ მაკრონმა პირბადეების მარაგის გამოყენების განკარგულება გასცა

საფრანგეთის პრეზიდენტმა, ემანუელ მაკრონმა განაცხადა, რომ ქვეყანაში არსებული პირბადეების მარაგი სამედიცინო პერსონალზე და კორონავირუსით ინფიცირებულებზე უნდა გადანაწილდეს. ამის შესახებ მაკრონი Twitter-ზე წერს.

„სამედიცინო ნიღბების მარაგის და რეკვიზირების განკარგულება გავეცი. პირბადეები სამედიცინო პერსონალს და კორონავირუსით ინფიცირებულ ფრანგებს დაურიგდება“, - წერს მაკრონი.

საფრანგეთში კორონავირუსს 4 ადამიანი ემსხვერპლა, ინფიცირებულთა საერთო რაოდენობამ კი 200-ს გადააჭარბა.

ბოლო მონაცემებით, მსოფლიოში კორონავირუსით ინფიცირებულთა რიცხვმა 90 932 შეადგინა, გარდაცვლილთა რიცხვი კი 3 119-ს აღწევს, გამოჯანმრთელებულია 48 163 პაციენტი.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთში საქართველოს საელჩოში კი ცხელი ხაზი მოქმედებს.

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.