ჯორჯ კლუნიმ რასიზმი პანდემიას შეადარა

ცნობილი ამერიკელი მსახიობი ჯორჯ კლუნი აშშ-ში ჯორჯ ფლოიდის მკვლელობის ფაქტს და საპროტესტო აქციებს გამოეხმაურა.

მსახიობმა ჯერ 1992 წელს მომხდარი ფაქტი გაიხსენა, როცა ნაფიც მსაჯულთა სასამართლომ ოთხი თეთრკანიანი ოფიცერი გაამართლა, რომელთაც აფროამერიკელი როდნი კინგი სასტიკად სცემეს.

„ჩვენ გვჭირდება სისტემური ცვლილებები სამართალდამცველ ორგანოებში და სასამართლო სისტემაში. არ არსებობს ეჭვის საფუძველი, რომ ჯორჯ ფლოიდი მოკლულია. ეს არის ჩვენი საკუთარი პანდემია. ის მოქმედებს ყველა ჩვენგანზე და 400 წელია ამისთვის ვაქცინა ვერ ვიპოვეთ. როგორც ჩანს ჩვენ ძებნაც შევწყვიტეთ და მკურნალობაც. ინდივიდუალურად ვაწყდებით ამ ტრავმას და ვერ ვართმევთ თავს. და როცა დაიწყებთ ფიქრს, რატომ ხდება ასე, მიხვდებით ვინ შექმნა პრობლემები. ერთად-ერთი გამოსავალია არჩევნები“, - აცხადებს მსახიობი.

აშშ-ში საპროტესტო აქციები ჯორჯ ფლოიდის მკვლელობას მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს. 30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს. საპროტესტო აქციების გამო 25-ზე მეტ ქალაქში კომენდანტის საათი გამოცხადდა. 2 ივნისს დამოუკიდებელმა ექსპერტიზამ დაადგინა, რომ ფლოიდის გარდაცვალების მიზეზი ასფიქსია გახდა.