აშშ-ში კაპიტოლიუმის შტურმის საქმეზე სასამართლომ პირველი განაჩენი გამოიტანა
ანა მორგან ლოიდი
ფოტო: Facebook
ამერიკულმა სასამართლომ ინდიანის შტატის 49 წლის მკვიდრს, ანა მორგან ლოიდს კაპიტოლიუმის შტურმის საქმეზე 3-წლიანი პირობითი სასჯელი, საზოგადოებისათვის სასარგებლო შრომის 120 საათი და 500-დოლარიანი ჯარიმა დააკისრა.
Associated Press-ის ინფორმაციით, ბრალდებულმა გამოძიებასთან შეთანხმება გააფორმა და ბრალი აღიარა. სასამართლო სხდომაზე ანა მორგან ლოიდმა ბოდიში მოუხადა სასამართლოს, საკუთარ ოჯახსა და ამერიკელ ხალხს იმის გამო, რომ შტურმის დღეს ვაშინგტონში ჩავიდა, რათა მშვიდობიან დემონსტრაციაზე მხარი დონალდ ტრამპისთვის დაეჭირა.
პროკურატურის მტკიცებით, ანა მორგან ლოიდი შტურმის დროს არ იჩენდა აგრესიას, წინასწარ არ გეგმავდა არეულობებში მონაწილეობას, კაპიტოლიუმის შენობაში მხოლოდ 10 წუთი დაჰყო, გამომძიებლებს საკუთარი მობილური ტელეფონის შესწავლის საშუალება მისცა, აქამდე არ ყოფილა პასუხისგებაში მიცემული და კაპიტოლიუმის შტურმის საქმეზე საკუთარი ბრალი აღიარა, რაც, საერთო ჯამში, იძლევა იმის საფუძველს, რომ სასჯელი პირობითი იყოს.
სულ კაპიტოლიუმის შტურმის საქმეზე ბრალი 500-მდე ადამიანს აქვს წარდგენილი.
6 იანვარს ვაშინგტონში ვითარება მას შემდეგ დაიძაბა, რაც დონალდ ტრამპის მხარდამჭერები კაპიტოლიუმის შენობაში შეიჭრნენ, სადაც საპრეზიდენტო არჩევნების შედეგებს ამტკიცებდნენ. დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა. არეულობის შედეგად 4 ადამიანი დაიღუპა. ვითარების კონტროლქვეშ აყვანას რამდენიმე საათი დასჭირდა, რის შემდეგაც კონგრესმა მუშაობა განაახლა და ჯო ბაიდენის პრეზიდენტის პოსტზე არჩევა დაამტკიცა. აშშ-ის გამოძიების ფედერალური ბიუროს (FBI) დირექტორმა, კრისტოფერ რეიმ განაცხადა, რომ მისი უწყება კაპიტოლიუმზე შტურმს ტერორიზმის აქტად განიხილავს.
ყველა სიახლე
28 ივლისი 2021, 15:40
მსოფლიო
ენტონი ბლინკენი: ავღანეთი გარიყული სახელმწიფო გახდება, თუ თალიბები ძალაუფლებას ძალის გამოყენებით ჩაიგდებენ ხელში
აშშ-ის სახელმწიფო მდივანმა, ენტონი ბლინკენმა განაცხადა, რომ ავღანეთი გარიყული სახელმწიფო გახდება, თუ თალიბები ძალაუფლებას ძალის გამოყენებით ჩაიგდებენ ხელში.
28 ივლისი 2021, 15:37
სპორტი
საქართველოს პრემიერ-მინისტრი ირაკლი ღარიბაშვილი ლაშა ბექაურს ტოკიოს ოლიმპიადაზე გამარჯვებას ულოცავს
„პირველი ოქრო! ლაშა ბექაური ტოკიოს ოლიმპიური თამაშების გამარჯვებულია! ქართველმა ძიუდოისტმა ფინალში გერმანელი ედუარდ ტრიპელი დაამარცხა! ვულოცავ ლაშას და მთელ საქართველოს!“, - წერს ღარიბაშვილი სოციალურ ქსელში.
28 ივლისი 2021, 15:31
COVID19
ვაქცინირებულების საზღვარგარეთ გამგზავრებისთვის საჭირო ცნობის მისაღებად ჯანდაცვის სამინისტრო ინფორმაციას აქვეყნებს
ვაქცინირებულ პირებს საზღვარგარეთ გამგზავრებისთვის საჭირო ცნობის მიღება იმუნიზაციის სერვისის მიმწოდებელ სამედიცინო დაწესებულებაში შეუძლიათ, - ამის შესახებ ინფორმაციას ჯანდაცვის სამინისტრო ავრცელებს. „ვაქცინაციის პროვაიდერი დაწესებულება დოკუმენტს ადასტურებს ამავე დაწესებულების ბეჭდით და/ან შტამპით და უფლებამოსილი პირის ხელმოწერით.
28 ივლისი 2021, 15:23
სპორტი
ძიუდოისტი ლაშა ბექაური ოლიმპიური ჩემპიონია
ძიუდოისტი ლაშა ბექაური ტოკიოს ოლიმპიური თამაშების გამარჯვებულია. ფინალურ ბრძოლაში ქართველმა სპორტსმენმა გერმანელი ედუარდ ტრიპელი დაამარცხა.
28 ივლისი 2021, 15:18
პოლიტიკა
ზურაბ ჯაფარიძე პარლამენტს ტოვებს
„ეს შეთანხმება არ დადებულა ნაციონალური მოძრაობისთვის. ამ შეთანხმების შესრულება ქვეყნისთვის იყო მნიშვნელოვანი - ნუ, ასე თვლიდნენ ამერიკელები და ევროპელები. ამ შეთანხმებიდან გასვლა ნიშნავს უარს ამ ქვეყნის ევრო-ატლანტიურ მომავალზე. კიდევ ერთხელ დადასტურდა რომ ესენი არიან მატყუარები. ესენი არიან გადამგდებები. მათთან რამეზე შეთანხმებას არ გააჩნია რაიმე ფასი. ზუსტად ისე როგორც კრემლთან. მე ვტოვებ პარლამენტს - პარლამენტში ყოფნა იყო 19 აპრილის შეთანხმებაზე ხელმოწერით ჩემ მიერ აღებული ვალდებულება“, - წერს ჯაფარიძე.
28 ივლისი 2021, 15:15
პოლიტიკა
მამუკა მდინარაძე: თუ ოპოზიციის წარმომადგენელი კომიტეტის თავმჯდომარის ფუნქციას ვერ შეასრულებას და ამ პოზიციას მაგიდაზე შეხტომისთვის გამოიყენებს, მათთან თანამდებობების განაწილებაზე კონსულტაცია ვერ გვექნება
თუ ოპოზიციის წარმომადგენელი ვერ შეძლებს მაგალითად კომიტეტიეს თავმჯდომარის ფუნქციის შესრულებას და ამ პოზიციას მაგიდაზე შეხტომისთვის და სპიკერთან ავარდნისთვის გამოიყენებს, მათთან თანამდებობების განაწილებებზე კონსულტაცია ვერ გვექნება, - ამის შესახებ, საპარლამენტო უმრავლესობის წევრმა მამუკა მდინარაძემ "ქართული ოცნების" ოფისში გამართულ ბრიფინგზე განაცხადა.
28 ივლისი 2021, 15:06
პოლიტიკა
სალომე სამადაშვილი ფიქრობს, რომ მიშელის დოკუმენტის ანულირებაში წვლილი „ნაცმოძრაობას“ მიუძღვის
ფრაქცია „ლელო“ - პარტნიორობა საქართველოსთვის“ წევრი, დეპუტატი სალომე სამადაშვილი ფიქრობს, რომ შარლ მიშელის დოკუმენტის ანულირებაში წვლილი „ნაციონალურ მოძრაობას“ მიუძღვის. ამის შესახებ მან „ტვ პირველის“ ეთერში განაცხადა.
28 ივლისი 2021, 14:59
COVID19
იტალიის მარეგულირებელმა 12-17 წლის პირებში Moderna-ს ვაქცინის გამოყენება დაუშვა
იტალიის მარეგულირებელმა 12-17 წლის პირებში Moderna-ს ვაქცინის გამოყენება დაუშვა. ინფორმაციას ამის შესახებ სააგენტო Reuters-ი ავრცელებს.
28 ივლისი 2021, 14:57
პოლიტიკა
მამუკა მდინარაძე: ეჭვი უსაფუძვლოა, ჩვენ გაცილებით მეტ ხმას ავიღებთ
გაძლევთ გარანტიას, რომ არჩევნების მეორე დღესვე თქვენი ეს კითხვა ძალიან არააქტუალური იქნება, - ამის შესახებ „ქართული ოცნების“ ოფისში გამართულ ბრიფინგზე პარტიის აღმასრულებელმა მდივანმა, მამუკა მდინარაძემ განაცხადა. კითხვაზე, 19 აპრილის შეთანხმების ანულირება ხომ არ არის მიზეზი იმისა, რომ „ქართული ოცნება“ თვითმმართველობის არჩევნებში 43%-ის მოპოვებას ვერ შეძლებს, მდინარაძემ აღნიშნა, რომ ეს ეჭვი უსაფუძვლოა და ამას არჩევნების შედეგები აჩვენებს.
28 ივლისი 2021, 14:42
პოლიტიკა
რიკ დემსი: საქართველო მყარად მიჰყვება ევროპული ოჯახის სრულფასოვანი წევრობისკენ მიმავალ გზას
საქართველო მყარად მიჰყვება ევროპული ოჯახის სრულფასოვანი წევრობისკენ მიმავალ გზას, – ეს განცხადება ევროპის საბჭოს საპარლამენტო ასამბლეის პრეზიდენტმა, რიკ დემსმა საქართველოს იუსტიციის მინისტრთან შეხვედრის შემდეგ გააკეთა.
28 ივლისი 2021, 14:40
პოლიტიკა
„ქართული ოცნების“ პოლიტიკური საბჭოს განცხადება
„წინ გველის ძალზე საინტერესო ადგილობრივი თვითმმართველობის არჩევნები, სადაც საქართველოს მოსახლეობა მუნიციპალურ მერებსა და საკრებულოებს აირჩევს. ქვეყანას ჭირდება დამშვიდება. მოვუწოდებთ ოპოზიციურ პოლიტიკურ პარტიებს, ხელი შეუწყონ არჩევნების ჯანსაღ და ნაკლებად პოლარიზებულ გარემოში ჩატარებას, თავი შეიკავონ საბოტაჟისგან და მიიღონ ადგილობრივი თვითმმართველობის არჩევნების შედეგი, რამდენად უსიამოვნოც არ უნდა იყოს ის მათთვის“, - ნათქვამია განცხადებაში.
28 ივლისი 2021, 14:34
რეგიონი
ჟინვალი-ბარისახო-შატილის გზაზე ავტოტრანსპორტის მოძრაობა თავისუფალია
ჟინვალი-ბარისახო-შატილის გზაზე ავტოტრანსპორტის მოძრაობა თავისუფალია. ინფორმაციას ამის შესახებ საქართველოს საავტომობილო გზების დეპარტამენტი ავრცელებს.
28 ივლისი 2021, 14:33
პოლიტიკა
ირაკლი კობახიძე: მზად ვართ, ჩვენი კეთილი ნებით, რიგგარეშე არჩევნები არათუ ხმების 43%-ის, არამედ 53%-ის შემთხვევაშიც კი დავნიშნოთ
მზად ვართ, ჩვენი კეთილი ნებით, რიგგარეშე არჩევნები არათუ ხმების 43%-ის, არამედ 53%-ის შემთხვევაშიც კი დავნიშნოთ, თუკი ოპოზიციური პოლიტიკური პარტიების ქცევიდან ამოვიკითხავთ, რომ ჩვენი პოლიტიკური სისტემა ეფექტიანი კოალიციური მმართველობისთვის მომწიფებულია, - ამის შესახებ „ქართული ოცნების“ ოფისში გამართულ ბრიფინგზე პარტიის თავმჯდომარემ, ირაკლი კობახიძემ განაცხადა.
28 ივლისი 2021, 14:21
საზოგადოება
თეა წულუკიანმა საზოგადოებას კულტურის, სპორტისა და ახალგაზრდობის სამინისტროს ათწლიანი სამოქმედო გეგმა გააცნო
საქართველოს კულტურის, სპორტისა და ახალგაზრდობის მინისტრმა თეა წულუკიანმა საზოგადოებას სამინისტროს ათწლიანი სამოქმედო გეგმა წარუდგინა. ღონისძიებას დიპლომატიური კორპუსის, საერთაშორისო ორგანიზაციების, საქართველოს საკანონმდებლო ხელისუფლების წარმომადგენლები, სპორტსმენები, ახალგაზრდები და სამინისტროს მიერ კულტურის ხელშეწყობის პროგრამის ფარგლებში გამოცხადებული კონკურსების გამარჯვებულები ესწრებოდნენ.
28 ივლისი 2021, 14:16
პოლიტიკა
„ქართული ოცნება“ 19 აპრილის შეთანხმებას ანულირებულად აცხადებს
პარტია „ქართული ოცნება“ 19 აპრილის შეთანხმებას ანულირებულად აცხადებს. ეს განცხადება პარტიის ლიდერებთან ერთად გამართულ ბრიფინგზე „ქართული ოცნების“ თავმჯდომარემ ირაკლი კობახიძემ გააკეთა. მისი თქმით, რადიკალური ოპოზიცია ყველაფერს აკეთებს იმისთვის, რომ არჩევნების წინ პოლიტიკური პოლარიზაცია არა თუ შემცირდეს, არამედ პირიქით, უკიდურესად გაღრმავდეს.
28 ივლისი 2021, 14:07
მსოფლიო
თურქეთის პარლამენტის სპიკერი: აზერბაიჯანის საზღვართან სომხეთის აგრესიული ქმედებები ცხადყოფს, რომ სომხეთს რეგიონში ახალი ომის გაჩაღების პოტენციალი აქვს
თურქეთის დიდი ეროვნული მეჯლისის თავმჯდომარემ, მუსტაფა შენთოფმა განაცხადა, რომ აზერბაიჯანის საზღვართან სომხეთის აგრესიული ქმედებები ცხადყოფს, რომ სომხეთს რეგიონში ახალი ომის გაჩაღების პოტენციალი აქვს.
28 ივლისი 2021, 14:02
სპორტი
ძიუდოისტი ლაშა ბექაური ტოკიოს ოლიმპიური თამაშების ფინალშია
ქართველი ძიუდოისტი ლაშა ბექაური ტოკიოს ოლიმპიური თამაშების ფინალში გავიდა. ნახევარფინალში ქართველმა სპორტსმენმა რუსეთის წარმომადგენელი მიხაილ იგოლნიკოვი დაამარცხა.
28 ივლისი 2021, 13:34
სამართალი
ფინანსთა სამინისტროს შემოსავლების სამსახური ,,მთავარი არხის“ განცხადებას ეხმაურება
ფინანსთა სამინისტროს შემოსავლების სამსახური ტელეკომპანია ,,მთავარი არხის“ დამფუძნებლის მიერ გავრცელებულ განცხადებას ეხმაურება. უწყებაში განმარტავენ, რომ შემოსავლების სამსახური გადამხდელთა გეგმურ შემოწმებას მუდმივად ახორციელებს.
28 ივლისი 2021, 13:29
კულტურა
აშშ-ის ხელისუფლებამ Wu-Tang Clan-ის ალბომის ერთადერთი ეგზემპლარი გაყიდა
აშშ-ის ხელისუფლებამ რეპ ჯგუფის Wu-Tang Clan-ის ალბომ Once Upon a Time in Shaolin-ის ერთადერთი ეგზემპლარი გაყიდა. ამის შესახებ ინფორმაციას ნიუ-იორკის აღმოსავლეთ ოლქის პროკურორის ოფისი ავრცელებს.
28 ივლისი 2021, 13:28
რეგიონი
გარემოს ეროვნული სააგენტოს ლაბორატორიებს თანამედროვე ხელსაწყოები გადაეცა
ხელსაწყოს გამოყენებასთან დაკავშირებით, სპეციალისტებისთვის ტრენინგები გაიმართა. აღნიშნული დანადგარებით ლაბორატორიებში სხვადასხვა ქიმიური პარამეტრის ანალიზები უახლესი მეთოდების გამოყენებით განხორციელდება, რაც შესაძლებლობას იძლევა, გაიზარდოს წყლის ხარისხის კვლევის კომპონენტები და თანამედროვე მეთოდებით განხორციელდეს სამეცნიერო-კვლევითი ანალიზები. ქართველი სპეციალისტები ქიმიურ კვლევებს ევროკავშირის წყლის ჩარჩო დირექტივის მეთოდოლოგიის გათვალისწინებით განახორციელებენ.