აშშ-ის მოქმედი მაღალჩინოსნის შვილმა ტრამპი გააკრიტიკა

აშშ-ის შინაგან საქმეთა მინისტრის ქალიშვილმა ჯენიფერ ზინკემ პრეზიდენტი დონალდ ტრამპი მის მიერ არმიაში ტრანსგენდერებთან დაკავშირებით მიღებული გადაწყვეტილების გამო გააკრიტიკა. ინფორმაციას გაზეთი Washington Examiner-ი ავრცელებს.

„ეს ადამიანი სირცხვილია. მე მინდოდა პოლიტიკისგან შორს ვმდგარიყავი ჩემს შეფასებებში, მაგრამ ეს უპატიებელი შეცდომაა. როგორც ვეტერანი მე მას ვეუბნები: დაჯექი და მოკეტე, იმიტომ, რომ შენ არაფერი იცი და არასოდეს გიმსახურია“, - დაწერა Instagram-ზე მოქმედი მაღალჩინოსნის შვილმა.

გამოცემის ცნობით, ზინკე აშშ-ის შეირაღებულ ძალებში მსახურობდა.

მინისტრის ქალიშვილის განცხადებას შინაგან საქმეთა სამინისტროს პრესსამსახური გამოეხმაურა. „მინისტრის ოჯახის წევრები არ არიან არჩეული პირები, რომლებსაც გარკვეული ვალდებულელები გააჩნიათ. ისინი თავისუფლები არიან თავიანთ კომენტარებსა და შეხედულებში. ჩვენ პატივი უნდა ვცეთ მათი აზრის გამოხატვის თავისუფლების საზღვრებს“, - განაცხადა აშშ-ის შინაგან საქმეთა სამინისტროს პრესმდივანმა ჰეზერ სვიფტმა.

აშშ-ს პრეზიდენტმა დონალდ ტრამპმა გამოსცა განკაურგულება, რომლის მიხედვითაც ობამას ადმინისტრაციის დროს გაუქმებული აკრძალვა ტრანსგენდერების სამხედრო სამსახურთან დაკავშირებით, ისევ ძალაში  შევა.

თეთრი სახლის ლიდერმა ხელი მოაწერა დოკუმენტს, რომლითაც ტრანსგენდერებს  ამერიკის შეერთებული შტატების არმიაში მსახურება აეკრძალებათ. ამის შესახებ ინფორმაციას თეთრი სახლი ავრცელებს. ტრანსგენდერებისთვის ჯარში მსახურების აკრძალვაზე  განცხადება  პრეზიდენტმა 2 კვირის წინ სოციალური ქსელით გაავრცელა. ტრამპმა აღნიშნა, რომ აკრძალვის გადაწყვეტილება გენერლებთან და სამხედრო ექსპერტებთან კონსულტაციების შემდეგ მიიღო.