ოლაფ შოლცი: ევროკავშირის გაფართოება საბოლოოდ უნდა მოიცავდეს უკრაინას, მოლდოვასა და საქართველოს

გერმანიის კანცლერმა, ოლაფ შოლცმა განაცხადა, რომ ევროკავშირის გაფართოება საბოლოოდ უნდა მოიცავდეს უკრაინას, მოლდოვასა და საქართველოს.

ოლაფ შოლცმა შოლცმა ხაზი გაუსვა გერმანიის ერთგულებას ევროკავშირის გაფართოებისადმი და აღნიშნა, რომ დასავლეთ ბალკანეთის ქვეყნები, უკრაინა, მოლდოვა და საქართველო ბლოკში უნდა გაერთიანდნენ.

„თუმცა,ამ გაფართოებულ კავშირში წევრ ქვეყნებს შორის განსხვავებები გაიზრდება პოლიტიკური ინტერესების, ეკონომიკური გავლენისა და სოციალური უსაფრთხოების სისტემების თვალსაზრისით. იქ, სადაც დღეს ერთსულოვნებაა საჭირო, ცალკეული ქვეყნის მხრიდან ვეტოს უფლების გამოყენების და დანარჩენი წევრი ქვეყნების წინსვლისთვის ხელის შეშლის რისკი იზრდება ყოველი დამატებითი წევრი ქვეყნის მიღებისას. ამიტომ შევთავაზე საერთო საგარეო პოლიტიკაში უმრავლესობის კენჭისყრაზე ეტაპობრივი გადასვლა, ისევე როგორც სხვა სფეროებში, როგორიცაა გადასახადების პოლიტიკა“, - აღნიშნა გერმანიის კანცლერმა.