ჩინეთი ფხენიანთან სავაჭრო ურთიერთობას ამცირებს

ჩინეთი ჩრდილოეთ კორეასთან ნავთობის სფეროში სავაჭრო ურთიერთობებს ამცირებს, ხოლო ტექსტილის შეძენაზე უარს აცხადებს. ინფორმაციას ამის შესახებ BBC-ი ავრცელებს.

როგორც  BBC-ი წერს პოლიტიკურად იზოლაციაში მყოფი ჩრდილოეთ კორეისთვის ეს სერიოზული დარტყმა იქნება და ქვეყნის ეკონომიკაზე უარყოფითად აისახება. ვარაუდობენ, რომ ჩინეთი, რომელიც ფხენიანისთვის რიგით მეორე უდიდესი ექსპორტიორია, ტექსტილის შეძენაზე ბოიკოტით, ჩრდილოეთ კორეას წელიწადში 700 მილიონი დოლარის ზარალს მიაყენებს.

რადიკალური გადაწყვეტილება ოფიციალურმა პეკინმა გაეროს უშიშროების საბჭოს მიერ ჩრდილოეთ კორეის წინააღმდეგ დაწესებული სანქციების ფარგლებში მიიღო. 

12 სექტემბერს ჩინეთმა და რუსეთმა ჩრდილოეთ კორეის წინააღმდეგ გაეროს ახალ სანქციებს მხარი დაუჭირეს. დოკუმენტის თანახმად, შეზღუდვები ჩრდილოეთ კორეისთვის ნავთობპროდუქტების მიწოდებაზე დაწესდა. განსაზღვრულია ასევე ლიმიტი ფხენიანისთვის ნედლი ნავთობის მიწოდებაზე, კერძოდ მოცულობამ, არ უნდა გადააჭარბოს გასული 12 თვის მაჩვენებლებს. ჩრდილოეთ კორეა ვერ იყიდის ასევე კონდენსატებს და აირისკონდენსატურ სითხეს და ვერ შეძლებს ტექსტილის პროდუქციის გაყიდვას.  

3 სექტემბერს, ჩრდილოეთ კორეამ განაცხადა, რომ წარმატებით გამოსცადა წყალბადის ბომბი, რომლის დამაგრებაც შორ მანძილზე მოქმედ კონტინენტთაშორის ბალისტიკურ რაკეტაზე შეიძლება. იაპონელი სეისმოლოგების ინფორმაციით, მიწისქვეშა აფეთქების სიმძლავრე 160 კილოტონა იყო. კიმ ჩენ ინის თქმით, მეექსვსე ბირთვული ცდა ჩრდილოკორეელი ხალხის დიდი გამარჯვებაა.

ფხენიანი წყნარ ოკეანეში ახალი წყალბადის ბომბის გამოცდას არ გამორიცხავს. ამის შესახებ ქვეყნის საგარეო საქმეთა მინისტრმა ლი იენ ხომ 22 სექტმბერს განაცხადა. ეს განცხადება საგარეო მინისტრმა კიმ ჩენ ინის განცხადების შემდეგ გააკეთა, რომელმაც, დონალდ ტრამპის მუქარის საპასუხოდ, უმკაცრესი საპასუხო ზომების მიღების პირობა დადო. 

„ეს შეიძლება იყოს წყალბადის ბომბის ყველაზე მძლავრი აფეთქება წყნარ ოკეანეში. ჩვენ არ ვიცით, რა ზომებს იქნება, გადაწყვეტილებებს კიმ ჩენ ინი მიიღებს“, - განაცხადა ლი იენ ხომ.