ბრიტანეთის მოსახლეობა მიგრანტების ხარჯზე იზრდება

ბრიტანული გაზეთები ბრიტანეთის მოსახლეობის ზრდასთან დაკავშირებით, სტატისტიკის ნაციონალური ოფისის ახალი პროგნოზების შესახებ წერენ. ანგარიშის მიხედვით, ბრიტანეთის მოსახლეობა, რომლის რაოდენობაც ამჟამად 65,6 მილიონია 2029 წლისთვის 70 მილიონს გადააჭარბებს.

ეს იმას ნიშნავს, რომ წინა საუკუნის მონაცემებთან შედარებით, მოსახლეობის რაოდენობა 50%-ით მეტი იქნება, XIX საუკენასთან შედარებით კი - გაორმაგდება. 

ვარაუდობენ, რომ უახლოეს 25 წელიწადში 54%-იანი ზრდა პირდაპირი მიგრაციის ხარჯზე მოხდება და თუ ამ მონაცემებში არაპირდაპირ მიგრანტებსაც (ანუ მათ შვილებს) ჩათვლიან, ამ შემთხვევაში ქვეყანაში მცხოვრებთა რიცხვი 77%-ით გაიზრდება.

ამ მონაცემების შეფასებისას, მთავრობას და მედაის განსხვავებული მოსაზრებები აქვთ. პრემიერმინისტრ ტერეზა მეის წარმომადგენლის განცხადებით, ეს ციფრები, მიგრაციის შემცირებასთან დაკავშირებით, ხელისუფლების სწორ სტრატეგიაზე მიუთითებს. მაგალითად, Guardian-ი კი თვლის, რომ სიცოცხლის ხანგრძლივობის გაზრდა არანაკლები ფაქტორია.

ამასთან, მოსახლეობა უფრო ნელა იზრდება, ვიდრე ვარაუდობდნენ, თუმცა, უფრო სწრაფად ვიდრე საფრანგეთსა და გერმანიაში. ამას თითქმის ყველა მედიასაშუალება დადებითად აფასებს და მიიჩნევს, რომ ეს ქვეყნის განვითარებას შეუწყობს ხელს.