Politico: ნატოს საწარმოო პოტენციალი, უკრაინის მხარდაჭერის თვალსაზრისით, სირთულეებს განიცდის

გამოცემა Politico-ს ინფორმაციით, როცა გასული წლის ზაფხულში ნატომ უკრაინისთვის სამხედრო დახმარების მიწოდების დაჩქარებული პროცედურა აამოქმედა, ეს ქვეყნისთვის მნიშვნელოვანი მხარდაჭერა იყო, რადგან აშშ კიევისთვის შეიარაღების მიწოდებას ამცირებდა.

მაგრამ შვიდი თვის შემდეგ უკრაინა იმავე პრობლემების წინაშე აღმოჩნდა, როგორც აშშ და მისი პარტნიორები ოთხი წლის წინ, როცა რუსეთი უკრაინაში შეიჭრა: მრეწველობამ სათანადოდ ვერ ააჩქარა სამხედრო წარმოება, რათა კიევის ჰაერსაწინააღმდეგო თავდაცვის საჭიროებები დაეკმაყოფილებინა.

უკრაინის მოკავშირეებმა PURL-ის მექანიზმი აამუშავეს, რომლის მეშვეობითაც ევროპელები კიევისთვის ამერიკულ იარაღს ყიდულობენ. თეორიულად, როგორც Politico წერს, ამ მექანიზმმა უკრაინას საშუალება უნდა მისცეს ამერიკული იარაღი დაუბრკოლებლად მიიღოს.

თუმცა, მაგალითად, Patriot-ის ტიპის ჰაერსაწინააღმდეგო სისტემები, რომლებიც სასიცოცხლოდ მნიშვნელოვანია უკრაინისთვის, კვლავ დეფიციტშია. ჩინოვნიკები ევროპიდან და უკრაინიდან შექმნილ ვითარებაში ბრალს სდებენ იმ გარემოებას, რომ ამერიკული მრეწველობა ნელა მუშაობს.

„ეს ყველაში იმედგაცრუებას იწვევს. მაკროეკონომიკური თვალსაზრისით, ეს ამერიკას კარგს არაფერს უქადის, რადგან, როგორც ჩანს, რამის შეცვლა არ შეგვიძლია. უნდა გავიღვიძოთ“, - ციტირებს Politico ერთ-ერთი „რესპუბლიკელი“ კონგრესმენის თანაშემწეს.

იმ დროს, როცა ევროპა აშშ-ის გარეშე ახალი ცხოვრების დაწყებაზე ფიქრობს, უახლოეს მომავალში უკრაინის საჭიროებების თვალსაზრისით ის მაინც ვაშინგტონზე არის დამოკიდებული, წერს გამოცემა.

„დღეს სამხედრო წარმოებას სწრაფი და ეკონომიური წარმადობის ამოცანა აქვს მოსაგვარებელი. არავის სურს ტყუილად ფულის ფლანგვა ან კიდევ 10 წელი ელოდოს. ჩვენ არ გვაქვს 10 წელი“, - ციტირებს Politico ფინეთის თავდაცვის მინისტრს, ანტი ჰაკიანენს.