სლოვაკეთის საგარეო საქმეთა მინისტრის განცხადებით, ნავთობსადენ „დრუჟბას“ აღდგენის შემდეგ, ბრატისლავა რუსეთის სანქციების მე-20 პაკეტს აღარ დაბლოკავს

სლოვაკეთის საგარეო საქმეთა მინისტრმა, იურაი ბლანარმა სოციალურ ქსელში დაწერა, რომ მისი ქვეყანა რუსეთის წინააღმდეგ ევროკავშირის სანქციების მე-20 პაკეტს აღარ დაბლოკავს.

მისი თქმით, ოფიციალურმა ბრატისლავამ აღნიშნული გადაწყვეტილება მას შემდეგ მიიღო, რაც დღეს თითქმის სამთვიანი წყვეტის შემდეგ ნავთობსადენ „დრუჟბას“ მეშვეობით უკრაინის გავლით რუსული ნავთობის მიღება დაიწყო.

„დადასტურებულია, რომ ნავთობი „დრუჟბას“ მეშვეობით სლოვაკეთში მოედინება და ეს არის მიზანმიმართული წნეხის შედეგი, რომელსაც სლოვაკური დიპლომატია ენერგეტიკის სამინისტროსთან ერთად ახორციელებდა უკრაინულ მხარეზე და აგრეთვე ევროკომისიაზე“, - დაწერა ბლანარმა.

როგორც ბლანარმა დასძინა, მან ევროკავშირში სლოვაკეთის წარმომადგენელს წერილობით აცნობა და უთხრა, რომ, თუ ნავთობის მიწოდება უწყვეტად, შეთანხმებული გრაფიკის მიხედვით განხორციელდებდა, ევროკავშირის მიერ მომზადებული სანქციების მე-20 პაკეტი აღარ დაბლოკოს.