ტრამპის სიტყვების გამო ჰაიტიში აშშ-ის წარმომადგენელი ახსნა-განმარტებისთვის დაიბარეს

ამერიკული ტელეკომპანია NBC News-ის ინფორმაციით, ჰაიტის ხელისუფლებამ აშშ-ის წარმომადგენელი დაიბარა პრეზიდენტ ტრამპის განცხადების გამო, რომელიც მესამე სამყაროს ქვეყნებს ეხებოდა და ჰაიტიც იყო ნახსენები. 

მანამდე ცნობილი გახდა, რომ ტრამპმა კონგრესმენებთან დახურულ შეხვედრაზე მესამე სამყაროს ქვეყნები გააკრიტიკა და განაცხადა, რომ ამ „ბინძური ხვრელებიდან“ ამერიკაში მიგრანტები არ უნდა ჩადიოდნენ. Washington Post-ის ცნობით, კონგრესმენების ნაწილმა თეთრ სახლში პრეზიდენტს მიგრანტებთან დაკავშირებით ახალი კომპრომოსული ვარიანტი შესთავაზა, რომელიც ჰაიტის, სალვადორის და აფრიკის ქვეყნების წარმომადგენლებს ეხებათ. 

„მე ველაპარაკე აშშ-ში ჰაიტის ელჩს პოლ ალტიდორომს და მან განაცხადა, რომ ჰაიტის ხელისუფლება პრეზიდენტ ტრამპის განცხადებას გმობს. ალტიმორის თქმით, ჰაიტიში აშშ-ის წარმომადგენელი დაიბარეს ახსნა-განმარტებისთვის,“- დაწერა Twitter-ზე NBC News-ის ჟურნალისტმა. 

ელჩმა ასევე დასძინა, რომ დონალდ ტრამპი ან არასწორადაა ინფორმირებული ან ცუდად აღზარდეს. 

Ambassador Paul Altidor also said Haiti’s embassy in DC has heard from many US citizens of Haitian ancestry who are demanding an apology. He called President Trump’s comments an “assault” on Haitian people and the country’s history. https://t.co/K7c4j0GhBr

— Yamiche Alcindor (@Yamiche) 12 January 2018

აშშ-ის პრეზიდენტი დონალდ ტრამპი იმ ქვეყნებს, რომლიდანაც ამერიკაში მიგრანტები ჩადიან „ბინძური ხვრელები უწოდა.“ „რატომ ვიღებთ ამ ხალხს ბინძური ხვრელებიდან? რაში გვჭირდება ჰაიტელები ან აფრიკიდან ჩამოსულები? აშშ-მ უნდა მიიღოს ხალხი ისეთი ქვეყნებიდან, როგორიცაა ნორვეგია,“- განაცხადა პრეზიდენტმა. 

2017 წლის 7 ნოემბერს დონალდ ტრამპი აშშ-ის მოქალაქეობის მიღებაზე (green card) ლატარიის დახურვით დაიმუქრა. ეს განცხადება მან 31 ოქტომბერს ნიუ-იორკში მომხდარი ტერაქტის შემდეგ გააკეთა. ტერაქტი უზბეკეთის მოქალაქემ მოაწყო, რომელიც აშშ-ში სწორედ green card-ით ჩავიდა.