კაია კალასმა აბას არაღჩისთან სპარსეთის ყურეში შექმნილი ვითარება და უკრაინაში რუსეთის ომი განიხილა

ევროკომისიის ვიცე-პრეზიდენტი, კომისარი საგარეო ურთიერთობათა საკითხებში კაია კალასი ირანის საგარეო საქმეთა მინისტრს აბას არაღჩის ტელეფონით ესაუბრა.

კალასმა სოციალურ ქსელ X-ში დაწერა, რომ არაღჩისთან სპარსეთის ყურეში შექმნილი ვითარება და უკრაინაში რუსეთის ომი განიხილა.

ევროპელმა დიპლომატმა აღნიშნა, რომ ბრიუსელი ახლო აღმოსავლეთში ვითარების დიპლომატიური გზით მოგვარების მომხრეა. კალასმა ასევე დაწერა, რომ ირანს რუსეთის სამხედრო მხარდაჭერის შეწყვეტისკენ მოუწოდა.

„კვლავ მოვუწოდე ირანს შეწყვიტოს რუსეთის სამხედრო მხარდაჭერა. მოსკოვი სულ უფრო მეტ ზიანს აყენებს უკრაინის მშვიდობიან მოსახლეობას და მისთვის მიწოდებული ნებისმიერი რესურსი სულ უფრო მეტი მშვიდობიანია ადამიანის მკვლელობას უწყობს ხელს. უკრაინას საკუთარი თავის დაცვის უფლება აქვს“, - დაწერა კალასმა.

I spoke by phone today with Iranian Foreign Minister Araghchi about the situation in the Gulf, as well as Russia's war against Ukraine, which Moscow has further intensified in recent days.

In the Gulf, the reprieve from fighting can buy mediators time to find a way back to…

— Kaja Kallas (@kajakallas) July 28, 2026