ტრამპი: არასდროს მითქვამს, რომ რუსეთი აშშ-ის არჩევნებში არ ჩარეულა

"არასდროს მითქვამს, რომ რუსეთი აშშ-ის არჩევნებში არ ჩარეულა. მე ვთქვი ეს შესაძლოა რუსეთი იყოს", ამის შესახებ დონალდ ტრამპმა მიკრობლოგ Twitter-ში დაწერა. ამის შესახებ Washington Post-ი წერს. 

მიკრობლოგზე გამოქვეყნებულ განცხადებაში თეთრი სახლის ლიდერმა განმარტა, რომ მისი გუნდისა და რუსეთის მთავრობის შესაძლო კავშირის შესახებ გავრცელებული ინფორმაცია ჭორი იყო. 

"არასდროს მითქვამს, რომ რუსეთი აშშ-ის არჩევნებში არ ჩარეულა. მე ვთქვი ეს შესაძლოა რუსეთი ან სულაც ჩინეთი ყოფილიყო. ან უბრალოდ 400 კილოგრამიანი გენიოსი, რომელიც საწოლში კომპიუტერთან ერთობა", - წერს ტრამპი Twitter-ზე. 

I never said Russia did not meddle in the election, I said “it may be Russia, or China or another country or group, or it may be a 400 pound genius sitting in bed and playing with his computer.” The Russian “hoax” was that the Trump campaign colluded with Russia - it never did!

— Donald J. Trump (@realDonaldTrump) February 18, 2018

დონალდ ტრამპმა განმარტა, რომ შესაძლოა რუსეთის ინტერესებშია გამოძიების პროცესში განხეთქილება შეიტანოს და აშშ-ის კეთილგონიერებისკენ მოუწოდა. 

If it was the GOAL of Russia to create discord, disruption and chaos within the U.S. then, with all of the Committee Hearings, Investigations and Party hatred, they have succeeded beyond their wildest dreams. They are laughing their asses off in Moscow. Get smart America!

— Donald J. Trump (@realDonaldTrump) February 18, 2018

მანამდე ჰერბერტ მაკმასტერმა მიუნხენის უსაფრთხოების კონფერენციაზე განმარტა, რომ რობერტ მიულერის მტკიცებულებები აშშ-ის საპრეზიდენტო არჩევნებში რუსეთის ჩარევის თაობაზე უდავოა.

აშშ-ის საპრეზიდენტო არჩევნებში რუსეთის ჩარევის შესახებ საქმის გამოძიების ფარგლებში რუსეთის 13 მოქალაქეს ბრალი წაუყენეს. ბრლდებულებს შორისაა რუსი ბიზნესმენი ევგენი პრიგოჟინი, რომელსაც რუსეთის პრეზიდენტ ვლადიმერ პუტინთან დაახლოებულ ადამიანად მიიჩნევენ. პრიგოჟინს უკავშირებენ "ინტერნეტ-გამოძიებების სააგენტოს" - "ტროლების ფაბრიკას", რომლის თანამშრომლებიც ანაზღაურების სანაცვლოდ რუსეთის ხელისუფლების მხარდამჭერ კომენტარებს წერენ.

დოკუმენტში ნათქვამია, რომ ამერიკულ არჩევნებში ჩარევა 2014 წლიდან დაიწყო. ამისთვის, ბრალდებულები, ყალბი სახელებით სოციალურ ქსელში პოლიტიკურ დავებს აწყობდნენ. გარდა ამისა, ბრალდებულთაგან ზოგიერთი აშშ-ის კომპიუტერულ სისტემებს იყენებდა იმისთვის, რომ პოსტების რუსული კვალი წაეშალა.

2016 წლის დეკემბერში, აშშ-ის სპეცსამსახურებმა მომზადეს სპეციალური ანგარიში ამერიკულ არჩევნებში რუსეთის ჩარევის შესახებ. რის შემდეგაც, კონგრესის სამმა კომიტეტმა და სპეციალურმა პროკურორმა, FBI-ის ყოფილმა დირექტორმა რობერტ მიულერმა საქმის გამოძიება დაიწყეს. გამოძიების ფარგლებში ამოწმებენ ინფორმაციას დონალდ ტრამპის და მისი გარემოცვის რუსეთის ხელისუფლებასთან კავშირებზე. ამ საქმის ფიგურანტები არიან ტრამპის წინასაარჩევნო შტაბის ყოფილი უფროსი პოლ მანაფორტი და ტრამპის ყოფილი მრჩეველი მაიკლ ფლინი.