ემუქრება თუ არა ევროპას გამყინვარება. სტატისტიკა

მოულოდნელმა თოვამ და ძლიერმა ყინვებმა ევროპა გამოწვევების წინაშე დააყენა. კერძოდ შეაფერხა საჰაერო მიმოსვლა. ამის შესახებ BBC წერს. 

მოყინულია ქუჩები, რაც მოსახლეობას გადაადგილებაში უშლის ხელს. 

ძლიერი ყინვის გამო რამდენიმე საათით დაიკეტა ჟენევის აეროპორტი. გადაიდო და შეფერხდა რამდენიმე რეისი, რამაც მგზავრების უკმაყოფილება გამოიწვია. 

ევროპას მსგავსი სიძლიერის ყინვა ბოლო რამდენიმე წელია არ ახსოვს. მაგალითად, 1991 წლის შემდეგ დიდ ბრიტანეთში ყველაზე ცუდი ამინდია. დახურულია საგანმანათლებლო დაწესებულებების ნაწილი. ტემპერატურა ქვეყანაში -20 გრადუს ცელსიუსამდე დაეცა. 

შეფერხებულია სატრანსპორტო და საჰაერო მიმოსვლა ირლანდიაშიც. ათასობით ადამიანს ელექტროენერგია ამ დრომდე არ აქვს.

ქვეყანაში ანომალურ ყინვას მეტსახელიც შეარქვეს. "პირუტყვი აღმოსავლეთიდან" (ინგლისურად ფრაზა სიტყვების ერთგვარი გადათამაშებაა) - სწორედ ასე უწოდებენ ბრიტანელები უამინდობას. 

ყინვისა და ძლიერი თოვის გამო ევროპაში დახურულია უამრავი ავტობანი. უამინდობამ რამდენიმე ათეული ადამიანი იმსხვერპლა.

მოთოვა ხმელთაშუა ზღვის ზოგიერთ ქვეყანაშიც. მაგალითად ესპანეთისა და იტალიიის ზოგიერთ ქალაქში, სადაც თოვლი ჯერ არ უნახავთ ამინდი იქაც გაუარესდა. 

_{ფლორენცია, იტალია}

_{დუნესი, ქალაქი სამხრეთ-დასავლეთ საფრანგეთში}

კლიმატის გლობალური ორგანიზაციების განმარტებით, დედამიწაზე საშუალო ტემპერატურა მე-20 საუკუნის მეორე ნახევრიდან ნელ-ნელა იზრდება. 

მაგალითად, როგორც NASA ამბობს, 2017 წელს დედამიწაზე ტემპერატურა საშუალო ნიშნულზე 0.9 გრადუსით (1951-1980) მეტი იყო. ბოლო 27 წლის განმავლობაში დედამიწაზე ყველაზე დაბალი ტემპერატურა 1961-1990 წლებში დაფიქსირდა. 

ზოგადად ცნობილია, რომ მე-20 საუკუნის დასაწყისიდან საშუალო ტემპერატურა დედამიწაზე 0.74 ცელსიუსით გაიზრდა. 

როგორც სინოპტიკოსები ამბობენ, ნაკლები თოვლი ნაკლებ პრობლემას არ ნიშნავს გზებზე, სარკინიგზო სადგურებსა და აეროპორტებში. კლიმატის ცვლილების გამო დედამიწა სულ უფრო მეტი გამოწვევის წინაშე დადგება.