ტრამპის მთავარმა ეკონომიკურმა მრჩეველმა თანამდებობა დატოვა

აშშ-ის პრეზიდენტის ერთ-ერთმა მთავარმა ეკონომიკურმა მრჩეველმა გარი კონმა თანამდებობა დატოვა. ეს ინფორმაცია თეთრმა სახლმა დაადასტურა. ამის შესახებ BBC წერს.

გარი კონი ჯერ კიდევ გუშინ, 6 მარტს აცხადებდა, რომ თუ აშშ ფოლადის და ალუმინის იმპორტზე გადასახადებს შემოიღებს, ის გადადგებოდა. მართალია შტატებს ჯერ გადასახადი არ დაუწესებია, მაგრამ დღეს უკვე ტრამპის მთავარმა ეკონომიკურმა მრჩეველმა თეთრი სახლი დატოვა.

კონის გუშინდელ განცხადებას, პრეზიდენტი ტრამპი Twitter-ზე მალევე გამოეხმაურა: “ადამიანები მოვლენ და წავლენ. მე კი სერიოზული დიალოგი მჭირდება, სანამ საბოლოო გადაწყვეტილებას მივიღებ“-  დაწერა ტრამპმა.

გასულ კვირას დონალდ ტრამპმა ფოლადისა და ალუმინის იმპორტზე, 25 % და 10 %-იანი საბაჟო გადასახადის დაწესება დაანონსა.

თეთრი სახლის ლიდერი განმარტავს, რომ ათწლეულების განმავლობაში აშშ-ის მიმართ არასამართლიანი სავაჭრო გარიგებები მოქმედებდა და ვითარება დროულად უნდა შეიცვალოს.

ოფიციალური ვაშინგტონის თქმით, ამ გზით შტატებში იაფი  ფოლადის შედინება შეწყდება, რაც ადგილობრივი ფოლადის მწარმოებლებს შეუწყობს ხელს. მანამდე თეთრი სახლის ლიდერმა კიდევ ერთი განკარგულება გამოსცა, რომლის მიხედვითაც, სახელმწიფო პროექტებისთვის ადგილობრივი წარმოების ფოლადი უნდა იყიდონ.

თეთრი სახლის მიერ გავრცელებულ პრესრელიზში, გარი კონი ამბობს, რომ მისთვის "ქვეყნისთვის მსახურება პატივი იყო". 

57 წლის მრჩეველი ტრამს საგადასახადო რეფორმის გატარებაში დაეხმარა.