კიმ ჩენ ინი ისევ გაბრაზდა

ჩრდილოეთ კორეის ლიდერმა, კიმ ჩენ ინმა სამხრეთ კორეის პრეზიდენტთან, მუნ ჩჟე ინთან შეხვედრა გააუქმა. ამის შესახებ BBC წერს. 

ლიდერები ერთმანეთს მიმდინარე კვირაში უნდა შეხვედროდნენ.

გადაწყვეტილება აშშ-სა და სამხრეთ კორეის ერთობლივ სამხედრო წვრთნას უკავშირდება. 

100-მდე საბრძოლო თვითმფრინავით, მათ შორის, B-52 ტიპის ბომბდამშენებითა და F-15K თვითმფრინავების მონაწილეობით ორ ქვეყანას შორის წვრთნები პარასკევს დაიწყო.

ჩრდილოეთ კორეის მედიამ წვრთნები სამხრეთის მხრიდან პროვოკაციად და მათ ქვეყანაზე თავდასხმისთვის მზადებად შეაფასა.

კიმ შენ ინმა აშშ-ს პრეზიდენტი, დონალდ ტრამპი გააფრთხილა, რომ მასთან დაგეგმილ შეხვედრაზეც უარს იტყვის, თუ წვრთნები არ შეწყდება.

12 ივნისს დონალდ ტრამპისა და კიმ ჩენ ინის სინგაპურში პირისპირ შეხვედრაა ჩანიშნული.

27 აპრილს ჩრდილოეთ და სამხრეთ კორეის ლიდერების შეხვედრის შედეგად ხელი მოეწერა დეკლარაციას მშვიდობაზე და კორეის ნახევარკუნძულის ერთობაზე. დოკუმენტში ნათქვამია, რომ ამ წელს კორეის ომის დასრულებას გამოაცხადებენ.

ჩრდილოეთ კორეამ ცოტა ხნის წინ გადაწვიტა, ბირთვული პოლიგონი თვის ბოლომდე დახუროს.