მოკლული პოლიტიკოსის ცოლი მექსიკის არჩევნებში მონაწილეობს

ლათინური ამერიკის მეორე ყველაზე მსხვილი ეკონომიკის მქონე ქვეყანა კვირას, 1 ივლისს პრეზიდენტსა და კონგრესს აირჩევს. ქვეყანაში გამეფებულმა კორუფციამ, სიღარიბემ და დანაშაულებრივი აქტების ზრდამ 2007 წლის შემდეგ სულ მცირე 200,000 ადამიანის სიცოცხლე შეიწირა. ამის შესახებ BBC წერს. 

მექსიკაში წინასაარჩევნო კამპანიის დროს 130-ზე მეტი პოლიტიკოსი მოკლეს. მათ შორის ერთ-ერთი იყო 35 წლის ხოსე რემედიოსი, რომელიც კენჭს მისი ქალაქის მერად იყრიდა. ექვსი კვირის წინ ის წინასაარჩევნო მსვლელობისას მოკლეს. რამდენიმე დღის წინ დაიღუპა ქალაქ ფერნანდოს მერობის კანდიდატი ანხელეს ხუარესიც. 

„პირველი 2 დღე საწოლიდან ადგომა არ მინდოდა. ბავშვები მეუბნებოდნენ, რომ შიოდათ და სწორედ ამან მაიძულა გონს მოვსულიყავი“, - განაცხადა ხოსე რემედიოსის ცოლმა კარმენ ორტიზმა. 

კარმენი სკოლაში 3 ბავშვთან ერთად დაცვით გადაადგილდება. სკოლის შემდეგ კი მისი ქმრის საფლავს სტუმრობს. 

„მე კვლავ ვერ ვიჯერებ რაც მოხდა. უბრალოდ ვერ ვეგუები ამას. მინდა მჯეროდეს, რომ ის კვლავ დაბრუნდება. ეს ძალიან რთულია, რადგან ის ბავშვი იყო, როდესაც ხოსეს მამა გარდაიცვალა. ის ყოველთვის ამბობდა, რომ მამის გარეშე ბავშვობა ძალიან რთული იყო. ახლა კი ამ ისტორიის გამეორება ჩემ ბავშვებთან მიწევს. ყველაზე ძალიან რაც მტკივა არის ის, რომ მათ მამა აღარ ჰყავთ. ეს ყველაფერი მაძლიერებს და მაიძულებს, რომ მისი საქმე განვაგრძო“, - განმარტავს კარმენ ორტიზი. 

კარმენ ორტიზი განმარტავს, რომ ქალაქში მშვიდობას დააბრუნებს. როგორც ქალი და დედა ის მისი ქმრის მიერ დაწყებული საქმის დასრულებას გეგმავს. 

საპრეზიდენტო არჩევნები მექსიკაში 1 ივლისს გაიმართება.