თურქეთში საკონსულოდან გაუჩინარებული ჟურნალისტის შესახებ გამოძიება დაიწყო

ოფიციალურმა ანკარამ დაიწყო გამოძიება ამერიკული გამოცემა The Washington Post-ის მიმომხილველის, ჯამალ ჰაშაღის შესახებ, რომელიც რამდენიმე დღის წინ საუდის არაბეთის გენერალურ საკონსულოში შესვლის შემდეგ გაუჩინარდა. ამის შესახებ Reuters-ი წერს. 

საუდის არაბეთის პრინცმა, მოჰამედ ბენ სალმან ალ საუდმა თქვა, რომ საუდის არაბეთი მზადაა, თურქეთს მისცეს ნებართვა, გაჩხრიკონ გენერალური საკონსულო და გამოიკვლიონ, სად გაუჩინარდა ჟურნალისტი. 

2 ოქტომბერს ჯამალ ჰაშაღი სტამბოლში საუდის არაბეთის გენერალურ საკონსულოში მივიდა, მას შემდეგ, რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს. ამის შემდეგ მისი კვალი იკარგება. ჟურნალისტის ცოლი ამბობს, რომ ის მეუღლეს საკონსულოსთან ელოდა, თუმცა ის შენობიდან აღარ გამოსულა. 

ჰაშაღის წარმოშობით საუდის არაბეთიდანაა. ჟურნალისტი ერ-რიადის მიმართ კრიტიკული განცხადებებით არის ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა.