BBC /  29 მარტი 2017, 09:00 / სანდო წყარო

Brexit-ი ამოქმედდა

ტერეზა მეი

BBC-ის ცნობით, დიდი ბრიტანეთის პრემიერმა, ტერეზა მეიმ ხელი მოაწერა წერილს, რომლითაც ქვეყნის ევროკავშირიდან გასვლის პროცედურა - Brexit-ი ოფიციალურად დაიწყო.

ოფიციალური შეტყობინება ლისაბონის შეთანხმების 50-ე მუხლის მიხედვითაა შედგენილი. დოკუმენტი ევროკავშირის პრეზიდენტ დონალდ ტუსკს 29 მარტს წარედგინება.

გეგმის მიხედვით, გაერთიანებული სამეფო ევროკავშირს საბოლოოდ 2019 წლის მარტში დატოვებს.

ლორდთა პალატამ Brexit-ის კანონი 14 მარტს დაამტკიცა. დედოფალმა ელისაბედ II-მ დოკუმენტს ხელი 16 მარტს მოაწერა.

2016 წლის 23 ივნისს დიდი ბრიტანეთის ევროკავშირიდან გასვლას მხარი დაუჭირა რეფერენდუმში მონაწილეთა ნახევარზე მეტმა. ევროკავშირიდან გასვლის მოწინააღმდეგე პრემიერი დევიდ კამერონი გადადგა.

კომენტარები ()