ამერიკის ლიდერის აზრით საფრანგეთს ტრამპი სჭირდება

პარიზის შეთანხმებას კლიმატის შესახებ აშშ-ის პრეზიდენტმა მორიგი ტვიტი მიუძღვნა. აშშ-ის პრეზიდენტმა დონალდ ტრამპმა დაწერა, რომ შეთანხმება საფრანგეთისთვის მაინცდამაინც კარგი გადაწყვეტილება არ არის. 

„კლიმატის შესახებ პარიზის შეთანხმება საფრანგეთისთვის კარგად არ მუშაობს. მთელი საფრანგეთის მასშტაბით ადგილი აქვს პროტესტს და შეტაკებას. ხალხს არ უნდა დიდი ფულის გადახდა ძირითადად მესამე მსოფლიოს ქვეყნებისთვის. ხალხი გაიძახის „ჩვენ გვინდა ტრამპი!”. მიყვარს საფრანგეთი”, - დაწერა დონალდ ტრამპმა Twitter-ის საკუთარ გვერდზე.

ტრამპი რამდენიმე დღის წინაც გამოეხმაურა საფრანგეთში მიმდინარე საპროტესტო აქციებს. დონალდ ტრამპის აზრით, ამ პროტესტმა აჩვენა, რომ პარიზის კლიმატის შეთანხმებიდან გასვლა სწორი გადაწყვეტილება იყო.

თეთრი სახლის ლიდერი მიიჩნევს, რომ ეს შეთანხმება საწვავის ფასის ზრდას იწვევს.

The Paris Agreement isn’t working out so well for Paris. Protests and riots all over France. People do not want to pay large sums of money, much to third world countries (that are questionably run), in order to maybe protect the environment. Chanting “We Want Trump!” Love France.

— Donald J. Trump (@realDonaldTrump) December 8, 2018

მიმდინარე წლის ივნისში აშშ-ის პრეზიდენტმა დონალდ ტრამპმა პარიზის კლიმატის შეთანხმებიდან ქვეყნის გასვლის შესახებ განაცხადა. კლიმატის შესახებ პარიზის შეთანხმება ატმოსფეროში ნახშიროჟანგის გავრცელებას ზღუდავს, ასევე 2020 წლამდე განვითარებადი ქვეყნების ეკოლოგიური პრობლემების მოგვარებისთვის 100 მილიარდი დოლარის გამოყოფას ავალდებულებს წევრ ქვეყნებს.