მოსახლეობის რამდენი პროცენტია კმაყოფილი ჯანდაცვის სისტემით

ქვეყნის ჯანდაცვის სისტემით ძალიან კმაყოფილი გამოკითხული მოსახლეობის მხოლოდ 9%-ია, ხოლო - 40,6% უფრო კმაყოფილია, ვიდრე უკმაყოფილო. ასეთია კავკასიის კვლევითი რესურსების ცენტრის (CRRC) გამოკითხვის შედეგები. 

გამოკითხულთა 72% საყოველთაო სახელმწიფო დაზღვევით სარგებლობს, ხოლო 11% კერძო დაზღვევა აქვს. გეოგრაფიულ ჭრილში, თბილისის მოსახლეობის 18,7%, ხოლო რეგიონების მცხოვრებთა 7,2% კერძო დაზღვევით სარგებლობს.

საქართველოს მოსახლეობის 48% კონსულტაციის მიღების მიზნით ოჯახის ექიმს მიმართავს, 26,3% - ვიწრო სპეციალიზაციის ექიმს, ხოლო 18,3% - აფთიაქს.

კითხვაზე - საშუალოდ თვეში რამდენს ხარჯავს თქვენი ოჯახი მედიკამენტებზე - პასუხები ასე გამოიყურება: 

კვლევის ფარგლებში 1786 რესპონდენტი (599 თბილისში, 1187 რეგიონებში) გამოიკითხა; რესპონდენტები შემთხვევითი შერჩევის შერჩევის პრინციპით, კიშის ცხრილის გამოყენებით შეირჩნენ.

გამოკითხვის საშუალო ცდომილების ზღვარი 2,9%-ია, თუმცა თითოეულ კითხვას ინდივიდუალური ცდომილების ზღვარი აქვს და, შესაძლოა, ის არ ემთხვეოდეს საშუალო ცდომილების ზღვარს. საველე სამუშაოები 2018 წლის 16-27 ნოემბრის პერიოდში მიმდინარეობდა.

კვლევა ღია საზოგადოების ფონდისა და საერთაშორისო ორგანიზაცია International IDEA ერთობლივი პროექტის ფარგლებში ჩატარდა.