მსოფლიო ლიდერები საქართველოს დამოუკიდებლობის დღეს ულოცავენ

საქართველოს დამოუკიდებლობის დღეს ულოცავს ავსტრიის პრეზიდენტი. ალექსანდერ ვან დერ ბელენის მოსალოცი წერილის ადრესატი საქართველოს პრეზიდენტი სალომე ზურაბიშვილია.

„მიიღეთ ჩემი გულწრფელი მოლოცვა საქართველოს დამოუკიდებლობის დღესთან დაკავშირებით“, - ნათქვამია მოსალოც წერილში, რომელიც ავსტრიის საელჩოში საქართველოში Facebook-ის გვერდზე გამოაქვეყნდა.

საქართველოს დამოუკიდებლობის დღეს ულოცავს რუმინეთი.

„დღეს აღინიშნება საქართველოს დამოუკიდებლობა და დღე, როდესაც შეიქმნა საქართველოს დამოუკიდებელი რესპუბლიკა. გილოცავთ დამოუკიდებლობის დღეს!“, – ნათქვამია რუმინეთის საგარეო უწყების მოლოცვაში რომელიც Twitter-ზე გამოქვეყნდა.

Today marks #Georgia's independence and the creation of Democratic Republic of Georgia. Happy #IndependenceDay Georgia! @MFAgovge

— MFA Romania (@MAERomania) May 26, 2019

„ძვირფასო მეგობრებო საქართველოში, გილოცავთ დამოუკიდებლობის დღეს! ესტონეთი ყოველთვის იქნება თქვენი ახლო მეგობარი და ძლიერი მოკავშირე“ - ამ სიტყვებით ულოცავს საქართველოს დამოუკიდებლობის დღეს ესტონეთის საგარეო საქმეთა სამინისტრო. მოსალოცი განცხადება უწყებამ Twitter-ზე გაავრცელა.

Our dear friends in #Georgia, happy Independence Day! Estonia is and will always be your close friend and strong ally. pic.twitter.com/F3ELsjuCeG

— Estonian MFA (@MFAestonia) May 26, 2019

მოსალოცი წერილი საქართველოს დამოუკიდებლობის დღესთან დაკავშირებით საქართველოს პრეზიდენტ, სალომე ზურაბიშვილს  აზერბაიჯანელმა კოლეგამ ილჰამ ალიევმა გამოუგზავნა.

„აზერბაიჯანელი ხალხის სახელით გილოცავთ ქვეყნის დამოუკიდებლობის დღეს. 

აზერბაიჯანსა და საქართველოს შორის ურთიერთობა ჩვენი ხალხის ნებაა, რომელიც ისტორიულად ცხოვრობენ მეგობრულად და კეთილმეზობლურად.

კმაყოფილები ვართ მაღალი დონის სახელმწიფოთაშორისი ურთიერთობებით, რომელსაც ასეთი მყარი საფუძველი აქვს. 

მჯერა, რომ ჩვენი თანამშრომლობა რომელიც ორმხრივ ნდობაზეა დამყარებული ორმხრივ და მრავალმხრივ ფორმატებში ჩვენი ერების სასარგებლოდ გაგრძელდება“, - ვკითხულობთ აზრბაიჯანის პრეზიდენტის მისალოც წერილში.

„ლიეტუველი ხალხის სახელით გულწრფელად გილოცავთ დამოუკიდებლობის დღეს. გისურვებთ წარმატებას, განვითარებას, ერთიანობას და მშვიდობას“, - ამ შინაარსის მოსალოცი წერილი საქართველოს პრეზიდენტის, სალომე ზურაბიშვილის სახელზე ლიეტუვის პრეზიდენტმა დაწერა და თავის ოფიციალური ვებგვერდზე განათავსა. ვრცელ ტექსტში დალია გრიბაუსკაიტე საქართველოსა და ლიეტუვას შორის 25 წლიან დიპლომატიურ ურთიერთობებს და დამოუკიდებლობისთვის გზაზე საქართველოსა და ლიეტუვის მიერ გადალახულ ერთნაირ გამოწვევებს იხსენებს. ლიეტუვა განაგრძობს თანმიმდევრული და აქტიურ მხარდაჭერას საქარათველოსთვის ნატოსა და ევროკავშირში გაწევრიენების გზაზე.

„ვუგზავნით გულითად მოლოცვას ჩვენს მეგობრებს საქართველოში, რომლიც დამოუკიდებლობის დღეს აღნიშნავს“, - ამ სიტყვებით Twitter-ის საშუალებით ულოცავს უკრაინის საგარეო საქმეთა სამინისტროს საქართველოს დამოუკიდებლობის დღეს.

We send the warmest congratulations 🎉 to our friends in #Georgia celebrating the #IndependenceDay!

🇺🇦🤝🇬🇪 pic.twitter.com/ieRU8Hp4xT

— MFA of Ukraine 🇺🇦 (@MFA_Ukraine) May 26, 2019

საქართველოს დამოუკიდებლობის დღესთან დაკავშირებით მისალოცი წერილი საქართველოს პრეზიდენტ სალომე ზურაბიშვილს სომხეთის პრეზიდენტმა არმენ სარქსიანმა გაუგზავნა. 

„საუკუნეების განმავლობაში, სომხეთისა და საქართველოს ურთიერთობები ვითარდებოდა ძმური კავშირებისა და ჩვენი ერების ისტორიული და კულტურული მსგავსების საფუძველზე. დიდი სიამოვნებით აღვნიშნავ, რომ დღეს სახელმწიფოებს შორის არსებული ურთიერთობები სწორედ ამის გამოხატულებაა“, - ნათქვამია სომხეთის პრეზიდენტის მისალოც წერილში, რომლშიც იქვე ამბობს, რომ ორ ქვეყანას შორის მეგობრული ურთიერთობები რეგიონში სტაბილურობისა და უსაფრთხოების გარანტია.

საქართველოს დამოუკიდებლობის დღეს ულოცავს ბაჰრეინიც.

„გილოცავთ საქართველოს დამოუკიდებლობის დღეს“, - ვკითხულობთ ბაჰრეინის სამეფოს საგარეო საქმეთა სამინისტროს Twitter-ზე. 

Congratulations on the Independence Day of #Georgia 🇬🇪 @MFAgovge pic.twitter.com/N5uMA7FjHD

— وزارة الخارجية 🇧🇭 (@bahdiplomatic) May 26, 2019

26 მაისი საქართველოს დამოუკიდებლობის დღეა. დამოუკიდებლობის დღე მთელი ქვეყნის მასშტაბით აღინიშნება. 

დამოუკიდებლობის დღეს დაგეგმილი ღონისძიებების სრული სია შეგიძლიათ ამ ბმულზე იხილოთ.