მართლმსაჯულების რეფორმის მეოთხე ტალღის შესახებ შემაჯამებელი შეხვედრა მიმდინარეობს

პარლამენტის თავმჯდომარე, ირაკლი კობახიძე მართლმსაჯულების რეფორმის მეოთხე ტალღის შესახებ დიპლომატიური კორპუსის, არასამთავრობო ორგანიზაციებისა და ხელისუფლების სამივე შტოს წარმომადგენლებთან შემაჯამებელ შეხვედრას მართავს.

მსგავსი ფორმატის შეხვედრები უკვე რამდენიმე თვეა, მიმდინარეობს, დღეს კი მხარეები პოზიციებს შეაჯერებენ. მეოთხე ტალღის რეფორმის მთავარი მიმართულებებია მოსამართლეთა დისციპლინური დევნის საკითხი და ასევე იუსტიციის უმაღლესი საბჭოს და სკოლის რეფორმირება.

არის საკითხები, რაზეც ჩვენ აბსოლუტურად მთლიანად შევჯერდით-ეს ეხება მოსამართლეთა დისციპლინურ პასუხისმგებლობას. ამაზე ჩვენ დიდი ხნის განმავლობაში ვმუშაობდით და კონსენსუსამდე ვართ მისული.

დანარჩენ საკითხებს რაც შეეხება, ვიხილავთ იუსტიციის უმაღლეს საბჭოსთან მიმართებით  განსახორციელებელ ცვლილებებს და იუსტიციის უმაღლეს სკოლასთან მიმართებითგანსახორციელებელ ცვლილებებს. არის საკითხები, რაზეც შეჯერებულები ვართ, ასევე არის საკითხები, რაზეც შეიძლება, გვქონდეს განსხვავებული აზრი.

წინა სამი ტალღის შედეგად ისეთი ცვლილებები განხორციელდა, რომელიც დაეტყო სასამართლოს მუშაობას და პოზიტიურად აისახა. რეფორმიდან რეფორმამდე უნდა მიეცეს საშუალება სასამართლოს, გატარებული რეფორმით იმუშაოს, მერე გადავხედოთ სწორი იყო თუ არა ეს რეფორმა, რა არის გამოსასწორებელი და ა.შ. დავაკვირდეთ ერთი-ორი წელი.

მინდა მქონდეს იმედი, რომ როგორც პირველი სამი ტალღა, ასევე მეოთხე ტალღაც დადებითად წაადგება სასამართლოს. წინასწარ ვერაფერს გეტყვით, საბოლოო ჯამში ეს მაინც პარლამენტის გადასაწყვეტია, მაგრამ სასამართლო ხელისუფლება გამოვხატავთ ჩვენს პოზიციებს. რა კანონსაც მიიღებს პარლამენტი, იმ კანონით ვიმუშავებთ“, - განაცხადა მურუსიძემ. 

მისივე თქმით, ერთ სულ მოსახლეზე მოსამართლეების რაოდენობით საქართველო ევროპის ქვეყნებს შორის ბოლო ადგილზეა. 

„იყო კვლევა, რომლის მიხედვითაც, 100 მოსამართლის დამატება მაინც არის საჭირო. 100 მოსამართლეს ასეთი პატარა ქვეყნისთვის, წარმოიდგინეთ რამხელა მნიშვნელობა აქვს. გადატვირთულობის პრობლემაზე ვმუშაობთ, მაგრამ უნდა იყოს შტატები და მოსამართლეების რაოდენობა, რომ ეს პრობლემა დაიძლიოს“, - განაცხადა მურუსიძემ.

საკანონმდებლო ორგანომ „საერთო სასამართლოების შესახებ“ კანონპროექტი მესამე მოსმენით 1 მაისს დაამტკიცა.11 მაისს უზენაესი სასამართლოს მოსამართლეების შერჩევის პროცესი დაიწყო.