უზენაესი სასამართლოს მოსამართლეობა გენერალურ პროკურორსაც სურს

უზენაესი სასამართლოს მოსამართლეობა სურს გენერალურ პროკურორს შალვა თადუმაძეს და მის მოადგილეს მამუკა ვასაძეს. სიაში არიან იურისტებიც: გიორგი კონდახაშვილი, გელა ნიკოლაიშვილი, პაატა შავაძე, არჩილ ჩოფიკაშვილი, დიმიტრი ხაჩიძე. განცხადება შეიტანა ზურა აზნაურაშვილმაც, რომელიც აუდიტის სამსახურში პოლიტიკური ფინანსების მონიტორინგის დეპარტამენტის უფროსია.

სიაშია ლეიბორისტული პარტიის ყოფილი წევრი კახა ძაგანია. მოლოდინი იყო, რომ სიაში იქნებოდნენ მიხეილ ჩინჩალაძე და დიმიტრი გვრიტიშვილი, თუმცა მათ განცხადება საბჭოში არ შეუტანიათ.

სიაში ასევე არიან იუსტიციის უმაღლესი საბჭოს მდივანი გიორგი მიქაუტაძე, მოსამართლე თამარ ალანია, ზურაბ გეწაძე სააპელაციო სასამართლოს მოსამართლე, ასევე მერაბ გაბინაშვილი, სიაშია საკონსტიტუციო სასამართლოს თავმჯდომარე ზაზა თავაძე, მოსამართლეები ალექსანდრე იაშვილი, ნიკოლოზ მარგველაშვილი, ლავრენტი მაღლაკელიძე, პაატა სილაგაძე, ქეთევან მესხიშვილი, გიორგი ტყავაძე, ბათუმის საქალაქო სასამართლოს თავმჯდომარე დავით მამისეიშვილი, საკონსტიტუციო სასამართლოს ყოფილი მოსამართლე ლალი ფაფიაშვილი.

რაც შეეხება პროცედურებს, ხუთი სამუშაო დღის განმალვლოაში განცხადებებისა და დოკუმენტების შესწავლა მოხდება, რის შემდეგაც რამდენიმე ეტაპიანი პროცედურა დაიწყება. ჯერ 144 დან მსურველების გადარჩევა მოხდება, დაიწყება ღია გასაუბრების ეტაპი და საბოლოდ საბჭო პარლამენტს 18 კანდიდატს წარუდგენს.

უზენაესი სასამართლოს მოსამართლის ვაკანსიაზე განცხადებების მიღება დასრულებულია. განცხადებების მიღება ელექტრონულად 11 მაისიდან 31 მაისის ჩათვლით მიმდინარეობდა.

საქართველოს უზენაესი სასამართლოს მოსამართლის თანამდებობაზე ასარჩევად საქართველოს პარლამენტისათვის წარსადგენ კანდიდატთა შერჩევის პროცედურაში
მონაწილეობის მიზნით დარეგისტრირებულ განმცხადებელთა სიაში 144 ადამიანია.

როგორ აირჩევენ საქართველოს უზენაესი სასამართლოს მოსამართლეებს შეგიძლით იხილოთ ბმულზე.