Imedi /  03 ივლისი 2019, 22:47 / სანდო წყარო

საგარეო უწყება ჟენევის მოლაპარაკებების შესახებ განცხადებას ავრცელებს

ჟენევის მოლაპარაკებების 48-ე რაუნდთან დაკავშირებით საგარეო უწყება განცხადებას ავრცელებს. 

უწყების განცხადებით, ქართველმა მონაწილეებმა აღნიშნეს, რომ უკიდურესად მნიშვნელოვანია, არსებულ მწვავე სიტუაციაში მოხდეს ვითარების დეესკალაცია. განსაკუთრებული აქცენტი გაკეთდა აფხაზეთის რეგიონში ე.წ. გადასასვლელი პუნქტების დახურვის მძიმე ჰუმანიტარულ შედეგებზე.

განხილვის მნიშვნელოვანი თემა იყო დავით ბაშარულის, გიგა ოთხოზორიასა და არჩილ ტატუნაშვილის მკვლელობის საქმეებზე მართლმსაჯულების აღსრულების აუცილებლობა.

„2-3 ივლისს გაიმართა ჟენევის საერთაშორისო მოლაპარაკებების 48-ე რაუნდი, რომლის ფარგლებშიც განსაკუთრებული აქცენტი გაკეთდა რუსეთის მიერ საქართველოს მიმართ შემზღუდავი ზომების დაწესებასა და აფხაზეთის რეგიონში საოკუპაციო ხაზის ჩაკეტვის მძიმე შედეგებზე.

ქართველმა მონაწილეებმა აღნიშნეს, რომ უკიდურესად მნიშვნელოვანია, არსებულ მწვავე სიტუაციაში მოხდეს ვითარების დეესკალაცია.  
 
მოლაპარაკებების ფარგლებში საქართველოს წარმომადგენლებმა ვრცლად ისაუბრეს აფხაზეთისა და ცხინვალის რეგიონებში ისევე, როგორც საოკუპაციო ხაზის მიმდებარე ტერიტორიებზე უსაფრთხოებისა და ჰუმანიტარული კუთხით არსებულ გამოწვევებზე, რაც წარმოადგენს რუსეთის უკანონო ოკუპაციისა და ფაქტობრივი ანექსიისაკენ გადადგმული ნაბიჯების შედეგს.
 
ქართველმა მონაწილეებმა დასვეს რუსეთის მიერ საქართველოს ოკუპირებული ტერიტორიების უკანონო მილიტარიზაციისა და სამხედრო წვრთნების გააქტიურების საკითხი. მათ მოუწოდეს რუსეთის ფედერაციას, შეასრულოს ევროკავშირის შუამავლობით 2008 წლის 12 აგვისტოს დადებული ცეცხლის შეწყვეტის შეთანხმების ვალდებულებები და გაიყვანოს საოკუპაციო ჯარები საქართველოს ტერიტორიიდან.
 
განსაკუთრებული აქცენტი გაკეთდა აფხაზეთის რეგიონში ე.წ. გადასასვლელი პუნქტების დახურვის მძიმე ჰუმანიტარულ შედეგებზე. თანათავმჯდომარეებმა, თანამოდერატორებმა და მონაწილეებმა აშშ-დან და საქართველოდან მოუწოდეს რუსეთის ფედერაციას, დაუყოვნებლივ გადადგან ნაბიჯები აფხაზეთის მიმართულებით საოკუპაციო ხაზის გახსნის მიზნით.
 
მოლაპარაკებებზე განიხილეს საოკუპაციო ხაზზე მავთულხლართებისა და სხვადასხვა ხელოვნური ბარიერების აღმართვის, ადგილობრივი მოსახლეობის გატაცებისა და უკანონო დაკავების, თავისუფალი გადაადგილებისა და სასოფლო-სამეურნეო მიწის ნაკვეთებზე წვდომის შეზღუდვის საკითხები, რაც ხელს უწყობს ადგილზე ვითარების შემდგომ დესტაბილიზაციას.
 
განსაკუთრებული ყურადღების საგანს წარმოადგენდა გალისა და ახალგორის რაიონების, აგრეთვე კოდორის ხეობის მოსახლეობის ეთნიკური დისკრიმინაცია, მათი მძიმე ჰუმანიტარული და სოციო-ეკონომიკური საცხოვრებელი პირობები. მონაწილეებმა საქართველოდან კიდევ ერთხელ დასვეს ოკუპირებულ ტერიტორიებზე მცხოვრები ქართველებისთვის მშობლიურ ენაზე განათლების მიღების საჭიროება.
 
განხილვის მნიშვნელოვანი თემა იყო დავით ბაშარულის, გიგა ოთხოზორიასა და არჩილ ტატუნაშვილის მკვლელობის საქმეებზე მართლმსაჯულების აღსრულების აუცილებლობა. ქართველმა მონაწილეებმა განსაკუთრებული ყურადღება გაამახვილეს საქართველოს კიდევ ერთი მოქალაქის, ირაკლი კვარაცხელიას, რუსეთის უკანონო სამხედრო ბაზაზე ტყვეობაში გარდაცვალებაზე და რუსეთის ფედერაციისგან მოითხოვეს  საქმის მასალების დაუყვნებლივ გაზიარება.
 
მოლაპარაკებებზე არაერთხელ გაესვა ხაზი გალის ინციდენტების პრევენციისა და მათზე რეაგირების მექანიზმის (იპრმ), ყოველგვარი წინაპირობების გარეშე, აღდგენის აუცილებლობას, რაც განსაკუთღებით მნიშვნელოვანია არსებული გამოწვევების ფონზე.  
 
მოლაპარაკებებზე საქართველოს წარმომადგენლებმა დასვეს რუსეთის მიერ ძალის არგამოყენების ვალდებულების დადასტურებისა და შესრულების აუცილებლობის საკითხი, იმ ფონზე როცა, საქართველოს ოკუპირებულ ტერიტორიებზე უკანონო სამხედრო ყოფნით რუსეთი აგრძელებს საქართველოს წინააღმდეგ ძალის გამოყენებას. აქცენტი გაკეთდა აფხაზეთისა და ცხინვალის რეგიონებში უსაფრთხოების საერთაშორისო მექანიზმების შექმნის საჭიროებაზე ადგილზე მდგრადი მშვიდობისა და უსაფრთხოების მიღწევის მიზნით.
 
მონაწილეებმა საქართველოდან ყურადღება გაამახვილეს ეთნიკური წმენდის შედეგად აფხაზეთისა და ცხინვალის რეგიონებიდან იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების თემის საგნობრივი განხილვის მნიშვნელობაზე. თუმცა აღნიშნული საკითხზე დისკუსიისას მონაწილეებმა მოსკოვიდან, სოხუმიდან და ცხინვალიდან დატოვეს მოლაპარაკებები, რაც კიდევ ერთხელ მიუთითებს მათ დესტრუქციულ და უპასუხისმგებლო დამოკიდებულებას დღის წესრიგის ერთ-ერთი მთავარი ჰუმანიტარული თემის მიმართ. 
 
მოლაპარაკებების მორიგი რაუნდი გაიმართება 2019 წლის 8-9 ოქტომბერს.
 
ჟენევის საერთაშორისო მოლაპარაკებები შექმნილია 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე. დისკუსიები მიმდინარეობს ორი სამუშაო ჯგუფის ფარგლებში, სადაც მოლაპარაკებების მონაწილეები ინდივიდუალური სტატუსით არიან წარმოდგენილი.

პირველი სამუშაო ჯგუფის ფარგლებში განიხილება საქართველოს ოკუპირებულ ტერიტორიებზე უსაფრთხოებისა და სტაბილურობის საკითხები, ხოლო მეორე სამუშაო ჯგუფში - აფხაზეთისა და ცხინვალის რეგიონებში ადამიანის უფლებებისა და ჰუმანიტარული კუთხით არსებული მდგომარება, ასევე იძულებით გადაადგილებულ პირთა და ლტოლვილთა საკუთარ საცხოვრებელ სახლებში უსაფრთხო და ღირსეულ დაბრუნებასთან დაკავშირებული საკითხები.

მოლაპარაკებები იმართება ევროკავშირის, გაერო-სა და ეუთო-ს თანათავმჯდომარეობით და საქართველოს, რუსეთის ფედერაციისა და ამერიკის შეერთებული შტატების მონაწილეობით. სამუშაო ჯგუფის შეხვედრებს ესწრებიან აგრეთვე ყოფილი სამხრეთ ოსეთის ავტონომიური ოლქის დროებითი ადმინისტრაციის ხელმძღვანელი და აფხაზეთის ავტონომიური რესპუბლიკის მთავრობის თავმჯდომარე ისევე, როგორც ცხინვალისა და სოხუმის საოკუპაციო რეჟიმების წარმომადგენლები“. 

ჟენევაში საერთაშორისო მოლაპარაკებების 48-ე რაუნდი დასრულდა.  ჟენევაში მოლაპარაკებების 48-ე რაუნდი 2 ივლისს დაიწყო.

ყველა სიახლე

ანგელა მერკელი

20 იანვარი 2021, 01:32

COVID19

გერმანიის მთავრობამ ქვეყანაში ლოკდაუნის რეჟიმი 14 თებერვლამდე გაახანგრძლივა

გერმანიის მთავრობამ ქვეყანაში ლოკდაუნის რეჟიმი 14 თებერვლამდე გაახანგრძლივა. ამის შესახებ გერმანიის კანცლერმა, ანგელა მერკელმა განაცხადა.

თეა წულუკიანი

20 იანვარი 2021, 01:12

პოლიტიკა

თეა წულუკიანი: როგორც კი დავინახავ, რომ „ნაციონალური მოძრაობისა“ და მისი გადმონაშთების უკან დაბრუნების რისკი არის ნულთან ახლოს, ჩავთვლი, რომ პოლიტიკაში საქმე აღარ მაქვს

„ძალიან მინდა, რომ არამხოლოდ დადგეს ის დრო, რომ ოპოზიციაში გაგვიხდეს საქმე წასასვლელი, არამედ საერთოდ თუ სახლში წასასვლელი გავხდებით, ეს იქნება გადასარევი. „ქართულ ოცნებაში“ არ ვართ სკამებზე ჩაბღაუჭებულები, ეს შემიძლია, გითხრათ სრული პასუხისმგებლობით“, - აღნიშნა წულუკიანმა.

მტრედი ჯო

20 იანვარი 2021, 00:55

ტაბლოიდი

მტრედი ჯო, რომელიც ავსტრალიაში აშშ-დან ჩაფრენილი ეგონათ, ადგილობრივი ბინადარი აღმოჩნდა🕊️

ჩიტი „უცხოელი“ თათზე სამაჯურის გამო ეგონათ, რომლის მიხედვით ფრინველი 26 დეკემბერს აშშ-ის, ორეგონის შტატიდან გამოფრინდა, 13 ათასი კილომეტრი გაიარა და ავსტრალიაში მოხვდა. თუმცა აშშ-ის მტრედების რბოლის კავშირმა (American Racing Pigeon Union) განაცხადა, რომ ბარათი ყალბია.

20 იანვარი 2021, 00:53

ტაბლოიდი

ეგვიპტელი ქალი „უხამსი დიზაინის“ ნამცხვრების გამო დააპატიმრეს

ეგვიპტეში დააპატიმრეს ქალი, რომელმაც, გამოძიების მტკიცებით, „უხამსი“ დიზაინის ნამცხვრები გამოაცხო. ნამცხვრების ფოტოები სოციალურ ქსელში ცოტა ხნის წინ გავრცელდა. ფოტოები კაიროს ერთ-ერთ სპორტულ კლუბში, დაბადების დღეზე იყო გადაღებული. არსებული ინფორმაციით, საკონდიტრო ნაწარმი გენიტალიებისა და საცვლების გამოსახულებით იყო მორთული.

გოგა ხაინდრავა

20 იანვარი 2021, 00:51

პოლიტიკა

გოგა ხაინდრავა: ბიძინა ივანიშვილმა საქართველოში კერპთაყვანისმცემლობა სამუდამოდ დაამსხვრია

ბიძინა ივანიშვილის პოლიტიკიდან წასვლა, პირველ რიგში, ეს დარტყმა კი არა ბიძგია იმ ორგანიზაციისთვის, რომელიც წლების მანძილზე პოლიტიკურ პარტიად ჩამოყალიბდა და ამაში ბიძინას როლი ყველასთვის ნათელია, - ეს განცხადება გადაცემაში „იმედის ფაქტორი“ რეჟისორმა გოგა ხაინდრავამ გააკეთა.

დონალდ ტრამპი

20 იანვარი 2021, 00:47

მსოფლიო

გამოსამშვიდობებელ მიმართვაში დონალდ ტრამპი ჯო ბაიდენის ადმინისტრაციას წარმატებებს უსურვებს

გამოსამშვიდობებელ მიმართვაში აშშ-ის პრეზიდენტი, დონალდ ტრამპი ჯო ბაიდენის ადმინისტრაციას წარმატებებს უსურვებს.

გოგა ხაინდრავა

20 იანვარი 2021, 00:39

პოლიტიკა

გოგა ხაინდრავა: არ ვიცი, ვინ და რის ფასად შეძლებდა ცილისწამების იმ ნიაღვრის გაძლებას, რომელსაც ბიძინა ივანიშვილმა და მისმა ოჯახმა გაუძლეს

საკადრო პრობლემა, რომელიც ყოველთვის იყო საქართველოში, ბიძინა ივანიშვილმა, ამ ეტაპზე, იმ დონემდე აიყვანა, რომ ადამიანები, ვინც დღეს ხელისუფლებაში არიან, აბსოლუტურად ჩამოყალიბებული პიროვნებები, თავიანთ ბეგრაუნდით, ბიოგრაფიითა და კონკრეტული საქმეებით, - ამის შესახებ რეჟისორმა გოგა ხაინდრავამ გადაცემაში „იმედის ფაქტორი“ განაცხადა.

სოზარ სუბარი

20 იანვარი 2021, 00:29

პოლიტიკა

სოზარ სუბარის ინფორმაციით, „ნაციონალური მოძრაობის“ კოალიციაში შემავალ არაერთ პარტიას პარლამენტში შესვლა სურს

„ქართულ პარლამენტში არის ორი პარტია. დარწმუნებული ვარ, რომ კიდევ შემოვა რამდენიმე პარტია. ორი პარტია თქვენთან იყო რომლებიც ამბობენ, რომ გარკვეულ პირობას აყენებენ, მაგრამ მზად არიან შემოსასვლელად. დარწმუნებული ვარ, კიდევ გამოჩნდება 1-2 პარტია, რომლებიც შემოვლენ. შეიძლება არ შემოვიდნენ „ევრონაცები“ და „ნაცები“, მაგრამ „ნაცების“ კოალიციაში არის არაერთი პარტია, რომელთაც, ვიცი, ინფორმაცია მაქვს, რომ სურვილი აქვთ შემოსვლის. რამდენად დაუძვრებიან სააკაშვილის ბულინგს, ეს ცალკე საკითხია“, -განაცხადა სოზარ სუბარმა.

20 იანვარი 2021, 00:22

COVID19

ისრაელის მთავრობამ კარანტინის რეჟიმის 31 იანვრამდე გახანგრძლივებას მხარი დაუჭირა

ისრაელის მთავრობამ კარანტინის რეჟიმის 31 იანვრამდე გახანგრძლივებას მხარი დაუჭირა.

გია ცაგარეიშვილი

20 იანვარი 2021, 00:21

პოლიტიკა

გია ცაგარეიშვილი ბიძინა ივანიშვილზე: ვფიქრობ, ყველაზე მნიშვნელოვანი იყო არჩევნების ჩატარების მისეული ხედვა, რომელიც წინა პერიოდისგან აბსოლუტურად განსხვავებული იყო

„მათი ფილოსოფია, მათი ბუნება პოლიტიკაში ცხოვრების თანაცხოვრებას არ ითვალისწინებს. ეს გამორიცხულია. ამის ილუზია არავის ჰქონდეს. არავითარი პოლიტიკური თანაცხოვრება არცერთ ჩვენგანთან არ იქნება. ეს იქნება ძალადობა საზოგადოებაზე. არავის ვძაფრავ. უბრალოდ მე გამომივლია ეს ყველაფერი და კარგად ვიცი. არავის ვაშინებ, მაგრამ ყველამ უნდა იცოდეს რა დონის ავაზაკებთან გვაქვს საქმე“, - განაცხადა ცაგარეიშვილმა.

მიხეილ სარჯველაძე

20 იანვარი 2021, 00:10

პოლიტიკა

მიხეილ სარჯველაძე: ბიძინა ივანიშვილის ჩართულობისა და ინიციატივის გარეშე, 2012 წლის გამარჯვება შეუძლებელი იქნებოდა

2012 წლის შემდეგ, უფლებების გაუმჯობესების თვალსაზრისით, პრაქტიკულად, სფერო არ დარჩა, რომელიც რადიკალურად არ გაუმჯობესდა, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ გადაცემაში „იმედის ფაქტორი“ განაცხადა.

ეკატერინე ტიკარაძე

20 იანვარი 2021, 00:06

პოლიტიკა

ეკატერინე ტიკარაძე: უნდა გვქონდეს გონიერება, რომ პანდემია არაა პოლიტიკური თამაშის კომპონენტი, ძალიან ვწუხვარ, რომ ეს შეგნება საქართველოში არ ჩამოყალიბდა

დეზინფორმაცია რამდენად გვიშლის ხელს ეს რთული შესაფასებელია, ვინაიდან ესაა ყოველდღიური წნეხი და მოცდენილი დრო, როცა გამომდინარე ჩვენი მაღალი პასუხისმგებლობიდან, ჩვენს მოქალაქეებს უნდა ავუხსნათ და განვუმარტოთ ამ დეზინფორმაციის შესახებ, - ეს განცხადება ჯანდაცვის მინისტრმა ეკატერინე ტიკარაძემ გადაცემაში „იმედის ფაქტორი“გააკეთა .

19 იანვარი 2021, 23:56

COVID19

აშშ-ში კორონავირუსით გარდაცვლილთა რიცხვმა 400 ათასს გადააჭარბა

ჯონს ჰოპკინსის უნივერსიტეტის მონაცემებით, აშშ-ში კორონავირუსით გარდაცვლილთა რიცხვმა 400 ათასს გადააჭარბა.

ნათია თურნავა

19 იანვარი 2021, 23:46

ეკონომიკა

ნათია თურნავა: შეზღუდვებმა მოგვცა საშუალება, რომ დღეს ვსაუბრობთ ეპიდვითარების სტაბილიზაციასა და ბიზნესის ეტაპობრივ, ძალიან ფრთხილ გახსნაზე

ჩვენ არ ვართ ყველაზე მდიდარი ქვეყანა, მაგრამ იმ შეზღუდული რესურსებითაც, რაც ჩვენ გვაქვს და რაც ძალიან სწრაფად მოვიზიდეთ, საკმაოდ კომპლექსურ ანტიკრიზისულ გეგმას ვახორციელებთ. ეს კრიზისი, სირთულე, რომელიც გარდაუვლად მოჰყვებოდა პანდემიას, ჩვენთვის არის ყოველდღიური გამოწვევა, რომელსაც ჩვენ ვუპირისპირდებით და აუცილებლად დავძლევთ, - ამის შესახებ ეკონომიკის მინისტრმა, ნათია თურნავამ გადაცემაში „იმედის ფაქტორი“ განაცხადა.

ნათია თურნავა

19 იანვარი 2021, 23:43

ეკონომიკა

ნათია თურნავას თქმით, რეგულარულ ფრენებზე შეზღუდვა სავარაუდოდ თებერვალში მოიხსნება

„იხსნება ასევე ფრენები. ამაზე გვქონდა ჩვენ საუბარი. კონკრეტულ თარიღს ვერ დავასახელებ, მაგრამ თებერვალი სავარაუდოდ იქნება ის თვე, როდესაც ჩვენ რეგულარულ ფრენებზე შეზღუდვებს მოვხსნის. ეს ისევ და ისევ არ ნიშნავს ქაოტურ და უკონტროლო შემოსვლას ქვეყანაში. პირიქით, ეს იქნება კონტროლირებადი. ტესტებით, ვაქცინაციის საბუთით და სხვა ადეკვატური საბუთით კონტროლირებადი შემოსვლა, მაგრამ ეს არის ტურისტული სეზონის დაწყების პირველი იმედი“, - აღნიშნა მინისტრმა.

მაიკ პენსი

19 იანვარი 2021, 23:41

მსოფლიო

მედია: მაიკ პენსი დონალდ ტრამპის გამოსამშვიდობებელ ცერემონიას არ დაესწრება

აშშ-ის ვიცე-პრეზიდენტი, მაიკ პენსი დონალდ ტრამპის გამოსამშვიდობებელ ცერემონიას არ დაესწრება. ინფორმაციას ამის შესახებ ამერიკული მედია მაიკ პენსთან დაახლოვებულ წყაროებზე დაყრდნობით ავრცელებს.

ვიქტორ ყიფიანი

19 იანვარი 2021, 23:38

პოლიტიკა

ვიქტორ ყიფიანი: ვფიქრობ ივანიშვილის პოლიტიკაში ყოფნა ოპონენტებისთვის უფრო კომფორტული იყო, რადგან ყოველთვის შეეძლოთ გაემართლებინათ საკუთარი წარუმატებლობა

ჩვენი პოლიტიკური კლასის გარკვეული ნაწილი იმყოფება დღესაც პოლიტიკური ყმაწვილობის ასაკში და არ უნდა ეს ყმაწვილობის ასაკი დასრულდეს, - ამის შესახებ ანალიტიკური ორგანიზაცია „ჯეოქეისის“ თავმჯდომარემ ვიქტორ ყიფიანმა გადაცემაში „იმედის ფაქტორი“ განაცხადა.

ეკატერინე ტიკარაძე

19 იანვარი 2021, 23:35

COVID19

ჯანდაცვის მინისტრი: გვაქვს მოლოდინი, რომ შესაძლებელია COVAX-პლატფორმამ საქართველოსთვის ბევრად უფრო მეტი ვაქცინის გამოყოფა გადაწყვიტოს

„საბოლოო გადაწყვეტილა იანვრის ბოლოს მიიღება, როდესაც ჩვენ მივიღებთ წერილს, რომელსაც ველოდებით ჩვენს მიერ წარდგენილი დოკუმენტის შემდეგ, ვინაიდან ამ დოკუმენტში დეტალურად არის გაწერილი ის პირობები, რომელსაც საქართველო აკმაყოფილებს და აქედან გამომდინარე, გვაქვს მოლოდინი, რომ შესაძლებელია COVAX-პლატფორმამ გადაწყვეტილება მიიღოს ბევრად უფრო მეტი ვაქცინის გამოყოფის საქართველოსთვის, ვინაიდან გვაქვს ინფორმაცია იმ 53 ქვეყნიდან, რომელიც დღეს პლატფორმაზე არის გაწევრიანებული, რომ ყველა ვერ აკმაყოფილებს იმ მოთხოვნებს, რომელიც კონკრეტულად Pfizer-ის ვაქცინის ტრანსპორტირებისთვის და ქვეყნის შიგნით ლოჯისტიკისთვის არის საჭირო“, - აღნიშნა მინისტრმა.

გია ცაგარეიშვილი

19 იანვარი 2021, 23:33

პოლიტიკა

გია ცაგარეიშვილი: 2012 წლიდან „ნაციონალური მოძრაობა“ ძაძებით შეიმოსა, დაიწყეს ყოველდღიური გლოვა და ეგონათ, ეს გადამდები იქნებოდა საზოგადოებისთვის - ეს ასე არ მოხდა

2011-2012 წლებში, ბიძინა ივანიშვილის გამოჩენამ იმჟამინდელი ხელისუფლება, „ნაციონალური მოძრაობის“ სახით, სასოწარკვეთაში ჩააგდო, მისმა წასვლამ კი თავბრუ დაახვია ამ ადამიანებს, ეს თვალშისაცემია. ვერ გამოდიან სტრესული სიტუაციიდან და შეცდომას შეცდომაზე უშვებენ, - ამის შესახებ პარლამენტის ყოფილმა წევრმა, გია ცაგარეიშვილმა გადაცემაში „იმედის ფაქტორი“ განაცხადა.

გივი მიქანაძე

19 იანვარი 2021, 23:19

პოლიტიკა

გივი მიქანაძის თქმით, ბიძინა ივანიშვილის გადაწყვეტილებამ პოლიტიკიდან წასვლის შესახებ ოპოზიცია დააბნია

„ისინი არიან დაბნეული და ხედავენ, რომ ადამიანმა, რომელიც ქართულ პოლიტიკაში ურთულეს პერიოდში, გამარჯვებით მოვიდა და გარდამტეხი ცვლილებები შემოიტანა ჩვენი ქვეყნის შემდგომი დემოკრატიულობის განვითარების კუთხით, ამ ადამიანმა საკუთარი ნებით, მას შემდეგ რაც მის მიერ შექმნილ და ჩამოყალიბებულ გუნდს მესამედ ქართულმა მოსახლეობამ გამოუცხადა ნდობა და ქვეყნის სათავეები ანდო, გადადგა ნაბიჯი და თქვა, რომ გუნდი უკვე შეკრულია, გუნდი არის პროფესიონალები დაკომპლექტებული, გუნდი არის გამოცდილი და ამ გუნდს შეუძლია ქვეყანა იმ სწორ მიმართულებაზე წარადგინოს და გაუძღვეს, რასაც ქვეყნის შემდგომი განვითარება მოჰყვება“, - განაცხადა მიქანაძემ.