imedi /  15 ივლისი 2019, 17:23 / დაუდასტურებელი

მოსამართლე ილონა თოდუამ განმარტა რატომ იღებდა ბინის ქირას იუსტიციის საბჭოსგან

ილონა თოდუა

ილონა თოდუა

მოსამართლე ილონა თოდუა იუსტიციის საბჭოს არამოსამართლე წევრს ნაზი ჯანეზაშვილს პასუხობს და მას დისკრედიტაციაში ადანაშაულებს.

ილონა თოდუამ განცხადება გაავრცელა, რომელშიც განმარტავს, რატომ გადააფორმა წლების წინ მის კუთვნილებაში არსებული ბინა დედაზე და რატომ უხდიდა 3 წლის განმავლობაში ბინის ქირას იუსტიციის უმაღლესი საბჭო.

„მოგახსენებთ,  რომ  წარმოვადგენ აფხაზეთიდან იძულებით გადაადგილებულ პირს.   1999 წელს  დევნილობის საწყის და უმძიმეს პერიოდში, ჩემი მშობლების უმძიმესი შრომისა  და გარჯის შედეგად, შეძენილ იქნა ქ. თბილისში, მე-8 ლეგიონის დასახლებაში ოროთახიანი (ხრუშოვკის) ტიპის 49 კვ.მ. ბინა, რომელიც ჩემს საკუთრებად დარეგისტრირდა, ვინაიდან სხვა შვილი ჩემს მშობლებს არ ჰყავთ. საგულისხმოა, რომ 1999 წელს ვიყავი სტუდენტი და არათუ უძრავი ქონების შეძენის, არამედ, რაიმე ტიპის საყოფაცხოვრებო ნივთის შეძენის  შესაძლებლობაც არ გამაჩნდა, რადგან სრულად ვიყავი დამოკიდებული ჩემს მშობლებზე, ვიმყოფებოდი მათ კმაყოფაზე და აღნიშნული უძრავი ქონების შეძენისას არცერთი თეთრით ჩემი მშობლებისათვის დახმარების გაწევა არ შემეძლო.
აქვე აღვნიშნავ, რომ ამ ბინის შეძენის დღიდან იგი წარმოადგენდა ჩემი და ჩემი ოჯახის ერთადერთ საცხოვრებელ ადგილს და მასში  ჩემს ოჯახთან  ერთად ცხოვრობდნენ ჩემი დევნილი ნათესავები - ბიძაშვილები.  ოჯახის შექმნის შემდგომ, რადგან ჩემს მშობლებს სხვა საცხოვრებელი  არ გააჩნდათ,  თავი ვალდებულად ჩავთვალე, მათი გარჯით შეძენილი, თუმცა საკუთრებად რეგისტრირებული უძრავი ქონება დამებრუნებინა ჩემი მშობლებისათვის და მე ჩემს მეუღლესთან ერთად (რომელსაც ასევე საკუთრებაში არ გააჩნია არანაირი უძრავი ქონება) გადავსულიყავი  ქირით საცხოვრებლად. მე და ჩემს მეუღლეს ჩემს ე.წ. „საკუთრებაში არსებულ ბინაში“ ერთი დღეც არ გვიცხოვრია. (აღნიშნულს ადასტურებს ჩემსა და ბინის მესაკუთრეთა შორის გაფორმებული საცხოვრებელი ბინის ქირავნობის შესახებ ხელშეკრულებები და საბანკო ანგარიშები იუსტიციის საბჭოს მიერ ბინის მესაკუთრეზე თანხის ანგარიშსწორების თაობაზე). აქვე მოგახსენებთ, რომ  მე  და ჩემი მეუღლე ქირით ვცხოვრობდით ჯერ გლდანის  მე-6 მკ.რნ-ში, შემდეგ მე-3 მკ.რნ-ში. ამ პერიოდში, ვინაიდან უკვე ვიყავი მოსამართლე  და არ გამაჩნდა საკუთარი  საცხოვრებელი, მივმართე სსიპ საერთო სასამართლოების დეპარტამენტს,  რომელმაც „საერთო სასამართლოების შესახებ“ საქართველოს ორგანული კანონის შესაბამისად, უზრუნველყო  ჩემთვის საცხოვრებელი ფართის ქირავნობის საფასურის  ნაწილის გადახდა( თანხის ნაწილს ვიხდიდი თავად).
აღსანიშნავია, რომ  სამოსამართლეო უფლებამოსილების ამოწურვისთანავე, დაუყოვნებლივ   ვაცნობე იუსტიციის უმაღლესი საბჭოს მატერიალური უზრუნველყოფის დეპარტამენტს, რათა  შეწყვეტილიყო ჩემთვის საცხოვრებელი ბინის  დაქირავების თანხის გადახდა და ასევე, დაუყოვნებლივ დავაბრუნე ჩემთვის სამსახურეობრივად გამოყოფილი სატრანსპორტო საშუალება. აქვე მოგახსენებთ, რომ  სამოსამართლეო უფლებამოსილების ამოწურვის შემდგომ,  მოსამართლედ  ხელახლა გამწესებამდე   და გამწესების შემდგომ,  ჩემივე ხარჯით (ქირით) გავაგრძელე ცხოვრება  ჩემს მეუღლესთან და შვილთან ერთად დაქირავებულ ბინაში, საკუთარი საცხოვრებელი ბინის შეძენა კი  მოვახერხე  მხოლოდ  2018 წლის ნოემბერში,  საბანკო კრედიტის დახმარებით.
სამწუხაროა, რომ  იუსტიციის უმაღლესი საბჭოს წევრი კანონით მისთვის გათვალისწინებული ვალდებულებების შესრულების ნაცვლად მოსამართლის დისკრედიტაციას ეწევა მიუღებელი ფორმით.  
ზემოაღნიშნული ცილისმწამებლური კამპანია, ჩემი მოსაზრებით, მიზნად მხოლოდ ერთ რამეს, ჩემი როგორც დამოუკიდებელი და მიუკერძოებელი მოსამართლის   დისკრედიტაციას ისახავს. 
ნებისმიერ  დაინტერესებულ პირს მივაწვდი  ჩემს მიერ მითითებული გარემოებების დამადასტურებელ დოკუმენტებს“- წერია განცხადებაში.

ნაზი ჯანეზაშვილმა დღეს დეპუტატებს უზენაესი სასამართლოს უვადოდ დასანიშნი მოსამართლეობის კანდიდატების შესახებ ინფორმაცია მიაწოდა, რომელთა შორის ერთ-ერთი მოსამართლე ილონა თოდუაა.

ჯანეზაშვილის ინფორმაციით, თოდუამ 2014 წლის 12 თებერვალს კუთვნილი ბინა გადააფორმა დედაზე, 5 დღეში კი ლევან მურუსიძის ხელმოწერით მიმართა, დაენიშნა მისთვის ბინის ქირა, რომელსაც წლების განმავლობაში იღებდა და ჯამში 20 ათასი ლარი შეადგინა.

ყველა სიახლე

გიორგი გახარია

08 აგვისტო 2020, 13:18

პოლიტიკა

გიორგი გახარია: აგვისტოში, რუსეთის შეიარაღებულმა ძალებმა გადმოლახეს საქართველოს საზღვარი და სრულმასშტაბიანი აგრესია განახორციელეს, ასე დაიწყო ომი საქართველოში

„აგვისტოში, რუსეთის შეიარაღებულმა ძალებმა გადმოლახეს საქართველოს საზღვარი და სრულმასშტაბიანი აგრესია განახორციელეს. ასე დაიწყო ომი საქართველოში. ამ ომის შედეგად დღეს ჩვენ დაკარგული გვაქვს, უკვე სრულად ოკუპირებული გვაქვს ტერიტორიების 20 პროცენტი, ასობით ჩვენი მოქალაქე დავკარგეთ“.

არჩილ თალაკვაძე

08 აგვისტო 2020, 13:10

პოლიტიკა

არჩილ თალაკვაძე: საქართველოს ხელისუფლება დღეს დგას გმირების ოჯახების, ქვეყნის უსაფრთხოების, მშვიდობისა და სტაბილურობის სადარაჯოზე

„საქართველოს ხელისუფლება დღეს დგას გმირების ოჯახების გვერდით, ქვეყნის უსაფრთხოების, მშვიდობისა და სტაბილურობის სადარაჯოზე, ეს არის უპირველესი. მე პირადად, ისევე როგორც ჩემი მეგობრები და კოლეგები, მოვედით აქ, რადგან სწორედ დღეს აქ არიან დაღუპული გმირი ჯარისკაცების მშობლები, მეუღლეები, შვილები“.

სომხეთი კორონავირუსი

08 აგვისტო 2020, 13:07

COVID19

სომხეთში კორონავირუსის შემთხვევების რაოდენობამ 40 ათასს გადააჭარბა

სულ ქვეყანაში კორონავირუსის 40 185 შემთხვევა დადასტურდა, გარდაიცვალა 785 ადამიანი. კიდევ 228 კოვიდინფიცირებული პაციენტის გარდაცვალების მიზეზად სხვა ავადმყოფობა სახელდება.

08 აგვისტო 2020, 13:07

COVID19

გასული დღე-ღამის განმავლობაში გერმანიაში კორონავირუსით 1 122 ადამიანი დაინფიცირდა, ხოლო 12 ადამიანი კი გარდაიცვალა

გასული დღე-ღამის განმავლობაში გერმანიაში კორონავირუსით 1 122 ადამიანი დაინფიცირდა, ხოლო 12 ადამიანი კი გარდაიცვალა, - ამის შესახებ ინფორმაციას CNN-ი რობერტ კოჰის ინსტიტუტის მონაცემებზე დაყრდნობით ავრცელებს. გამოცემის ინფორმაციით, ქვეყანაში COVID 19-ს 9 195 დამიანი ემსხვერპლა.

ტომას ტუხელი

08 აგვისტო 2020, 13:01

სპორტი

„პარი სენ-ჟერმენის“ უკანასკნელ ვარჯიშზე გუნდის მთავარი მწვრთნელი ტომას ტუხელი დაშავდა

„პარი სენ-ჟერმენის“ უკანასკნელ ვარჯიშზე გუნდის მთავარი მწვრთნელი ტომას ტუხელი დაშავდა, - ამის შესახებ ინფორმაციას GOAL-ი ავრცელებს. გერმანელი სპეციალისტი ფეხბურთელებთან ერთად ორმხრივ თამაშში მონაწილეობდა, რა დროსაც ერთ-ერთი შეჯახებისას, ტერფის ძვლის მოტეხილობა მიიღო და თუ რამდენად მძიმეა მისი დაზიანება, დეტალური სამედიცინო გამოკვლევის შედეგად გახდება ცნობილი. პსჟ უახლოეს შეხვედრას 12 აგვისტოს ჩემპიონთა ლიგის მეოთხედფინალში ბერგამოს „ატალანტასთან“ გამართავს.

არჩილ თალაკვაძე

08 აგვისტო 2020, 12:57

პოლიტიკა

არჩილ თალაკვაძე: მიხეილ სააკაშვილს პოლიტიკაში ორი სახე აქვს, პირველი - როდესაც, სამხედრო თვითმფრინავის დანახვისას, ბრძოლის ველიდან გარბის და მეორე - ყალბი განცხადებები

„მიხეილ სააკაშვილს პოლიტიკაში აქვს ორი სახე: ერთია, როდესაც ის, სამხედრო თვითმფრინავის დანახვისას, ბრძოლოს ველიდან გარბის და ტოვებს სტუმრებს, დაცვის წევრებსა და მშვიდობიან მოქალაქეებს, რომლებიც მის გარშემო არიან და მეორე სახეა, როცა ის გუშინ ჰააგაში იდგა და ყალბი განცხადებებით ეხმაურებოდა საქართველოს ინტერესებს“.

გიორგი გახარია

08 აგვისტო 2020, 12:55

პოლიტიკა

გიორგი გახარია: საქართველოს ევროატლანტიკური ინტეგრაცია და საქართველოს მშვიდობიანი განვითარება არის აუცილებელი პირობა ქვეყნის ტერიტორიული მთლიანობის აღდგენისთვის

„ამ მიმართულებით ვინც რანაირი სპეკულირება არ უნდა გააგრძელოს საქართველოს და ჩვენს სტრატეგიულ პარტნიორებს შორის ურთიერთობას არაფერი ემუქრება, პირიქით, ეს ურთიერთობა ბოლო წლებში გახდა ისეთი, როგორიც არ ყოფილა არასოდეს, სწორედ, ამის შედეგია მსგავსი განცხადებები. დღეს საქართველო სრულად არის მზად წევრობისთვის და ამას ჩვენი პარტნიორები ხედავენ, აფასებენ, რა თქმა უნდა, ეს არის პროცესი და, რა თქმა უნდა, ჩვენ ამ მიზანს მივაღწევთ და ყველას კარგად უნდა გვესმოდეს, რომ საქართველოს ევროატლანტიკური ინტეგრაცია და საქართველოს მშვიდობიანი განვითარება არის აუცილებელი პირობა ქვეყნის ტერიტორიული მთლიანობის აღდგენისთვის“, - აღნიშნა პრემიერმა.

არჩილ თალაკვაძე

08 აგვისტო 2020, 12:43

პოლიტიკა

არჩილ თალაკვაძე: მავთულხლართების კედელი აუცილებლად დაიშლება ისე, როგორც თავის დროზე ბერლინის კედელი დაიშალა

„რუსეთის მხრიდან ჩვენი ტერიტორიების ოკუპაცია არის საერთაშორისო სამართლის უხეში დარღვევა და მავთულხლართების კედელი აუცილებლად დაიშლება, როგორც თავის დროზე ბერლინის კედელი დაიშალა“.

08 აგვისტო 2020, 12:42

სამართალი

სენაკში გუშინ ღამით, სასულიერო პირის ოჯახი დააყაჩაღეს

სენაკში გუშინ ღამით, სასულიერო პირის ოჯახი დააყაჩაღეს. ყაჩაღობის დროს ოჯახის წევრები სახლში იმყოფებოდნენ, თუმცა ადგილზე არ იყო თავად სასულიერო პირი. გავრცელებული ინფორმაციით, წაღებულია თანხა და სხვა ნივთები. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 179-ე მუხლის მე-2 ნაწილის „ბ“ და მე-3 ნაწილის „ბ“ ქვეპუნქტებით მიმდინარეობს, რაც ბინაში უკანონო შეღწევით ჯგუფურად ჩადენილ ყაჩაღობას გულისხმობს.

ფოთი მემორიალი

08 აგვისტო 2020, 12:40

რეგიონი

აგვისტოს ომში დაღუპულთა ხსოვნას პატივი ფოთშიც მიაგეს

მემორიალის ყვავილებით შემკობის შემდეგ ფოთის საკათედრო ტაძარში რუსეთ-საქართველოს ომში დაღუპულთა სულის მოსახსენიებელი პანაშვიდი გადაიხადეს.

08 აგვისტო 2020, 12:31

COVID19

გასული დღე-ღამის განმავლობაში რუსეთში კორონავირუსის 5 212 ახალი შემთხვევა დაფიქსირდა

გასული დღე-ღამის განმავლობაში რუსეთში კორონავირუსის 5 212 ახალი შემთხვევა დაფიქსირდა, საერთო რაოდენობამ კი 882 347-ს მიაღწია. ინფორმაციას ამის შესახებ კორონავირუსთან ბრძოლის ოპერატიულ შტაბზე დაყრდნობით ადგილობრივი მედია ავრცელებს. ბოლო 24 საათის განმავლობაში ქვეყანაში ვირუსით კიდევ 129 ადამიანი გარდაიცვალა და დაღუპულთა რიცხვი 14 854-მდე გაიზარდა. ჯამში 690 207 ადამიანი გამოჯანმრთელდა.

მამუკა მდინარაძე

08 აგვისტო 2020, 12:25

პოლიტიკა

მამუკა მდინარაძე: ევროსაბჭოს საპარლამენტო ასამბლეის რეზოლუციას მხარი ნაციონალური მოძრაობის წარმომადგენლებმა ომიდან 2 თვეში დაუჭირეს, დღეს ისინი რუსულ ნარატივზე ლაპარაკობენ

„ამ რეზოლუციას მხარი ნაციონალური მოძრაობის წარმომადგენლებმა დაუჭირეს. დღეს ისინი რუსულ ნარატივზე ლაპარაკობენ! რუსეთი ოკუპანტია და ეს ომი საქართველოს არ დაუწყია! ყველაფერი შეიძლება გაატარო ადამიანმა, მაგრამ ამ თემაზე - გამორიცხულია!“ - წერს მდინარაძე.

08 აგვისტო 2020, 12:16

პოლიტიკა

მიხეილ ჩხენკელი: ქედს ვიხრი საქართველოს ერთიანობისა და მისი ბედნიერი მომავლისთვის მებრძოლი გმირების წინაშე, მათი თავდადების მაგალითზე მომავალი თაობები გაიზრდებიან

ქედს ვიხრი საქართველოს ერთიანობისა და მისი ბედნიერი მომავლისთვის მებრძოლი გმირების წინაშე, მათი თავდადების მაგალითზე მომავალი თაობები გაიზრდებიან, - ამის შესახებ განცხადება საქართველოს განათლების მინისტრმა, მიხეილ ჩხენკელმა მუხათგვერდის ძმათა სასაფლაოზე ყოფნისას გააკეთა. მისი თქმით, ქართული საზოგადოება არასდროს შეეგუება ოკუპაციას. „ჩვენ ვრჩებით კონფლიქტების მოგვარების მშვიდობიანი, დიპლომატიური გზის ერთგულნი და გვჯერა, რომ ქვეყნის ერთიანობის აღსადგენად ჩვენი ხელისუფლების პოლიტიკას ალტერნატივა არ გააჩნია“, - აღნიშნა ჩხენკელმა.

სალომე ზურაბიშილი

08 აგვისტო 2020, 12:14

პოლიტიკა

სალომე ზურაბიშვილი: თუ გვინდა ტერიტორიები და ხალხები გავაერთიანოთ, ამის საწინდარი ჩვენი ერთობაა

„ჩვენ დღეს პატივს ვცემთ ჩვენს გმირებს. დღეს დუმილისა და დაფიქრების დღეა. ამ ადამიანებმა სამშობლოსა და ღირსეულ საქართველოს შესწირეს თავი და თუ დავფიქრდებით, დღეს რაც ხდება საქართველოში- ეს შიდა დაპირისპირება ბოღმა და სიძულვილი, რომელიც ყოველდღიურად იძლევა შედეგს ჩვენს ახალგაზრდებში, ეს არის არა ღირსეული საქართველო - ეს ჩვენი გმირების უპატივისმცემლობა და მათი დავიწყებაა. ისინი სამშობლოს ერთიანობისათვის მოკვდნენ და დღეს ჩვენ სიძულვილში ვართ ჩავარდნილნი, რაც ხელს მხოლოდ მტერს აძლევს. ჩვენ თუ გვინდა ტერიტორიები და ხალხები გავაერთიანოთ ამის საწინდარი ჩვენი ერთობაა. ამას თუ ვერ მივხვდებით მაშინ ეს ყველაფერი მხოლოდ სიტყვებია“, - განაცხადა პრეზიდენტმა.

08 აგვისტო 2020, 12:08

საზოგადოება

სოფიო ქაცარავას წერილი Emerging Europe-ში: რუსეთის სამხედრო აგრესიიდან 12 წლის შემდეგ, მიუხედავად ინტენსიური ჰიბრიდული საომარი მდგომარეობისა, საქართველო მშვიდობისკენ და სტაბილურებისკენ მიისწრაფვის

2008 წლის აგვისტოს, რუსეთის სამხედრო აგრესიიდან 12 წლის შემდეგ, მიუხედავად ინტენსიური ჰიბრიდული საომარი მდგომარეობისა, საქართველო მშვიდობისკენ და სტაბილურებისკენ მიისწრაფის, - ამის შესახებ Emerging Europe-ი წერს.

მარინა ეზუგბაია

08 აგვისტო 2020, 12:06

COVID19

მარინა ეზუგბაიას ვარაუდით, კორონავირუსის მე-2 ტალღა გვიან შემოდგომისთვისაა მოსალოდნელი

ინფექციური საავადმყოფოს სამედიცინო დირექტორის, მარინა ეზუგბაიას თქმით, ამ დროის მონაცემებით კლინიკაში 31 პაციენტი მკურნალობს კოვიდ ინფექციის დიაგნოზით, - მათგან არც ერთი არ არის მძიმე პაციენტი. გასული დღე ღამის განმავლობაში კი მათ არც გამოჯანმრთელებულები შემატებიათ და მათთან არც ახალი ინფიცირებული მოუთავსებიათ. მარინა ეზუგბაიას თქმით, ჯერჯერობით პირველი ტალღაც ბოლომდე დამარცხებული არ არის და რთულია პროგნოზის გაკეთება იმასთან დაკავშირებით, თუ როდის უნდა იქნება ე.წ მეორე ტალღა. მისი თქმით სავარაუდოდ ეს გვიან შემოდგომასაა მოსალოდნელი.

თეა ახვლედიანი

08 აგვისტო 2020, 12:04

პოლიტიკა

თეა ახვლედიანი: რუსეთ-საქართველოს ომი არის ყველაზე ტრაგიკული და უმძიმესი თარიღი ჩვენი ქვეყნის უახლეს ისტორიაში

„ჩვენი მოსახლეობა, როგორც გამყოფი ხაზის გასწვრივ, ასევე ოკუპირებულ რეგიონებში, არის უმძიმეს, ხშირ შემთხვევაში გაუსაძლის ეკონომიკურ-სოციალურ პირობებში. უხეშად ირღვევა მათი ფუნდამენტური უფლებები. ჩვენ ვართ მოწოდებული, რომ დავასრულოთ ეს რეჟიმი იმ თვალსაზრისით, რომ ჰუმანიტარული და ადამიანის უფლებების ჭრილში შევამსუბუქოთ ადამიანების მდგომარეობა კონფლიქტის სრულფასოვან პოლიტიკურ გადაწყვეტამდე“, - აღნიშნა ახვლედიანმა.

არჩილ თალაკვაძე

08 აგვისტო 2020, 11:56

პოლიტიკა

არჩილ თალაკვაძე: ევროკავშირსა და ნატო-ში გაწევრიანება ჩვენი ხალხის მტკიცე არჩევანი და ჩვენი ხელისუფლების მნიშვნელოვანი პრიორიტეტია

ევროკავშირსა და ნატო-ში გაწევრიანება ჩვენი ხალხის მტკიცე არჩევანია და, რა თქმა უნდა - ჩვენი ხელისუფლების მნიშვნელოვანი პრიორიტეტი, - ამის შესახებ, მუხათგვერდის ძმათა სასაფლაოზე, საქართველოს პარლამენტის თავმჯდომარემ, არჩილ თალაკვაძემ განაცხადა.

ირაკლი ღარიბაშვილი

08 აგვისტო 2020, 11:53

პოლიტიკა

ირაკლი ღარიბაშვილი 2008 წლის ომზე: ჩვენ ვნახეთ მთავარსარდალი, რომელიც მიწაზე გართხმული იხილა მთელმა ჯარმა და ქვეყანამ

ჩვენ აქ ვნახეთ ჩვენი გმირი სამხედროების ოჯახები, რომლებიც არიან გადნადგურებულები და ეს არის იმ უმძიმესი მემკვიდრეობის შედეგი, რომელიც სააკაშვილის ხელისუფლებამ ჩვენს მთავრობას დაუტოვა, - ამის შესახებ მუხათგვერდის ძმათა სასაფლაოზე საქართველოს თავდაცვის მინისტრმა, ირაკლი ღარიბაშვილმა განაცხადა. მისი თქმით, ჩვენ ვნახეთ მთავარსარდალი, რომელიც მიწაზე გართხმული იხილა მთელმა ჯარმა და მთელმა ქვეყანამ. ეს იყო სირცხვილი, რომელიც ყველამ ერთად ვიხილეთ და ამ სირცხვილს დაემატა ის ტრაგედია, რომელიც ჩვენმა ქვეყანამ განიცადა.

ირაკლი ღარიბაშვილი

08 აგვისტო 2020, 11:42

პოლიტიკა

ირაკლი ღარიბაშვილი: მთავრობა ყველაფერს გავაკეთებთ იმისთვის, რომ ასეთი მძიმე განსაცდელი როგორიცაა ომი, ნგრევა და ოკუპაცია მომავალში არასდროს განმეორდეს

მთავრობა ჩვენი პრაგმატული და გონივრული პოლიტიკით ყველაფერს გავაკეთებთ იმისთვის, რომ ასეთი მძიმე განსაცდელი როგორიცაა ომი, ნგრევა და ოკუპაცია მომავალში არასდროს არ განმეორდეს, - ამის შესახებ მუხათგვერდის ძმათა სასაფლაოზე საქართველოს თავდაცვის მინისტრმა, ირაკლი ღარიბაშვილმა განაცხადა. მან დაღუპული გმირი სამხედროების ოჯახის წევრებს მიუსამძიმრა. „რუსეთი ოკუპანტია და ჩვენ გავაკეთებთ ყველაფერს იმისთვის, რომ ჩვენს მოქალაქეებს თავიდან ავაცილოთ პრობლემები, რომლებიც ყველა ოჯახს შეეხო“, - აღნიშნა ღარიბაშვილმა.