imedi /  18 ივლისი 2019, 15:46 / სანდო წყარო

„რუსთავი 2“-ის თანამშრომლები ნიკა გვარამიას დირექტორად დატოვებას ითხოვენ

„რუსთავი2“-ს საინფორმაციო სამსახურის უფროსი ნოდარ მელაძე ტელეკომპანიის საინფორმაციო გადაცემის გუნდის სახელით განცხადებას აკეთებს. თანამშრომელთა ერთობლივი განცხადება პირდაპირ ეთერში ტელეწამყვანმა პაატა იაკობაშვილმა წაიკითხა.

თანამშრომლები მიიჩნევენ, რომ ხალვაში წარმოადგენს ივანიშვილს, ხოლო ნიკა გვარამია „რუსთავი 2“-ს სარედაქციო პოლიტიკის გარანტია. 

განცხადების ავტორები მიიჩნევენ, რომ მენეჯმენტის შეცვლა გამოიწვევს სარედაქციო პოლიტიკის შეცვლას, სწორედ ამიტომ, იუსტიციის სამინისტროს მოუწოდებენ, არ დაარეგისტრიროს ადვოკატ პაატა სალიას მოთხოვნა არხის მესაკუთრედ ხალვაშის დარეგისტრირების შესახებ. 

არხის თანამშრომლები მხარდაჭერას უცხადებენ ნიკა გვარამიას და ამბობენ, რომ "რუსთავი 2"-ს გენერალური დირექტორი არხის სარედაქციო პოლიტიკის მთავარი გარანტია. 

„სტრასბურგის ადამიანის უფლებათა სასამართლოს გადაწყვეტილება, რომელიც საქართველოში დასავლური ღირებულებების მთავარ ბასტიონს, სამაუწყებლო კომპანია „რუსთავი 2“-ს, ამ ღირებულებებისთვის ბრძოლაში მარტოს ტოვებს, ჩვენს იმედგაცრუებას იწვევს.

ასეთ ვითარებაში ჩვენი ღრმა რწმენით, მთავარ პრობლემას და საფრთხეს არხისთვის, მედიასივრცისთვის და საბოლოო ჯამში მთლიანად ქვეყნისთვის, საინფორმაციო პოლიტიკური გადაცემების და მთლიანად „რუსთავი 2“-ს კრიტიკული სარედაქციო პოლიტიკის შეცვლა წარმოადგენს.

მიგვაჩნია, რომ ნიკა გვარამიას ყოფნა გენერალური დირექტორის პოსტზე და მისი შრომითი კონტრაქტი იყო „რუსთავი 2“-ს სარედაქციო დამოუკიდებლობის მთავარი გარანტი, რადგანაც ნიკა გვარამია გამოხატავს, იცავს და იბრძვის იმ ღირებულებებისთვის, რომლებისთვისაც იბრძვის „რუსთავი 2“-ს ყველა თანამშრომელი. მისი კონტრაქტი კი „რუსთავი 2“-თან, რომელიც ძალაშია 2020 წლის 31 დეკემბრამდე, არის დამატებითი გარანტია თითოეული თანამშრომლისთვის, რომ არხზე არ შეიცვლება მენეჯმენტი და შესაბამისად ჩვენი სარედაქციო დამოუკიდებლობა იქნება გარანტირებული.

ქიბარ ხალვაშის განცხადება, რომ ის არ აპირებს არც სარედაქციო პოლიტიკის და არც კომპანიის თანამშრომლების შეცვლას გარდა გვარამიასი, არ იწვევს ჩვენში ნდობას და ეს გამოჩნდა პირველივე წუთებში, როდესაც საჯარო რეესტრში, ტელევიზიის წილების რეგისტრაციისთვის მისი ადვოკატი და როგორც თავად ამბობს, არხის მომავალი დირექტორი, პაატა სალია მივიდა სამთავრობო მედიის წარმომადგენლებთან ერთად ისე, რომ „რუსთავი 2“-ს საინფორმაციო სამსახურისთვის არც კი უცნობებია და ჩვენი პროდიუსერების სატელეფონო ზარებისთვისაც არ უპასუხია. მიგვაჩნია, რომ ხალვაში, წარმოადგენს ბიძინა ივანიშვილის ხელისუფლებას, რომელიც მთელი თავის ძალებით, ყველა შესაძლებლობით და ძალაუფლების ყველა შტოს გამოყენებით იბრძოდა "რუსთავი 2"-ს წინააღმდეგ, „ქართული ოცნების“ მხარეს. იმ პოლიტიკური ჯგუფის მხარეს, რომელიც ხელისუფლებაში ყოფნის პირველივე დღიდან ცდილობს შეცვალოს "რუსთავი 2"-ს კრიტიკული სარედაქციო პოლიტიკა.

„კურიერის“ ყველა თანამშრომელი საკუთარ პიროვნულ და პროფესიულ მიზნად ისახავს საქართველოს დასავლურ ცივილიზაციაში ინტეგრაციისთვის, ქვეყანაში დემოკრატიული ღირებულებების დამკვიდრებისთვის და ოკუპანტის, რუსეთის წინააღმდეგ ბრძოლას.

ჩვენ არ მივიჩნევთ, რომ ბიძინა ივანიშვილი, „ქართული ოცნება“ და მის მიერ მხარდაჭერილი ქიბარ ხალვაში, იზიარებენ ამ მიზნებს და ეთანხმებიან მიზნებისკენ სწრაფვის ჩვენს სულისკვეთებას.

სწორედ ამიტომ, ჩვენი პოზიცია არის შემდეგი: ქიბარ ხალვაშის მიერ მაუწყებელში მენეჯმენტის შეცვლა იქნება „კურიერის“ და მთლიანად არხის სარედაქციო პოლიტიკის შეცვლისკენ მიმართული პირველი ნაბიჯი, რაც ჩვენთვის მიუღებელია.

მოვუწოდებთ იუსტიციის სამინსიტროს საჯარო რეესტრს, არ დაარეგისტრიროს მესაკუთრეების ცვლილება, ვიდრე „რუსთავი 2“, არ გამოიყენებს უფლებას გაასაჩივროს გადაწყვეტილება სტრასბურგის სასამართლოს დიდ პალატაში.

მოვუწოდებთ იუსტიციის სამინსიტროს საჯარო რეესტრს არ დაარეგისტრიროს, გენერალური დირექტორის ცვლილება, რადგან ნიკა გვარამიას არსებული კონტრაქტი მენეჯმენტის ცვლილებას 2020 წლის ბოლომდე არ ითვალისწინებს და ეს იქნება კანონდარღვევა.

ამ ბრძოლაში ჩვენ ერთსულოვნები ვართ და ვაგრძელებთ ბრძოლას არხის მოქმედ მენეჯმენტთან ერთად საბოლოო გამარჯვებამდე“, - წერია განცხადებაში. 

სტრასბურგში ადამიანის უფლებათა ევროპულმა სასამართლომ „რუსთავის 2“-ს საქმეზე გადაწყვეტილება გამოაცხადა. სტრასბურგის სასამართლოს განცხადებით, „რუსთავი 2“-თან მიმართებით ადამიანის უფლებათა ევროპული კონვენციის არც ერთი მუხლი არ დარღვეულა, მათ შორის არც სამართლიანი სასამართლოს უფლება. 

წულუკიანის თქმით, სახელმწიფოს გადასაწყვეტი არ არის, როდის უნდა აღსრულდეს გადაწყვეტილება და ახალ მესაკუთრეს აქვს გადაწყვეტილების მიღების თავისუფლება.

ამასთან, სტრასბურგის სასამართლომ გააუქმა საქართველოს უზენაესი სასამართლოს გადაწყვეტილების აღსრულების შემაჩერებელი მექანიზმი. კერძოდ, 2017 წლის 2 მარტს საქართველოს უზენაესი სასამართლოს დიდმა პალატამ ტელეკომპანია „რუსთავი 2“ ქიბარ ხალვაშს მიაკუთვნა. იმავე წლის 3 მარტს კი, „რუსთავი 2“-ს მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა. სწორედ ამ აღსრულების შეჩერება გააუქმა დღეს სტრასბურგის სასამართლომ.

მხარეებს სტრასბურგის სასამართლოს გადაწყვეტილების დიდ პალატაში გასაჩივრებისთვის სამთვიანი ვადა აქვთ. თუ გადაწყვეტილება აღნიშნულ ვადაში არ გასაჩივრდა, სამი თვის შემდეგ ის ძალაში შევა.

სტრასბურგის სასამართლოს გადაწყვეტილებასთან დაკავშირებით, ბიზნესმენმა ქიბარ ხალვაშმა განცხადება გაავრცელა. მისი თქმით, ხელისუფლება ვალდებულია, დაუყოვნებლივ აღასრულოს სასამართლოს გადაწყვეტილება. 

„რუსთავი 2“-ს გენერალური დირექტორი ნიკა გვარამია კი აცხადებს, რომ ის სტრასბურგის გადაწყვეტილებას არ ეთანხმება. „სტრასბურგის გადაწყვეტილება შოკისმომგვრელი და აბსოლუტურად წარმოუდგენელია“, - თქვა ნიკა გვარამიამ.

„რუსთავი 2“ ადამიანის უფლებათა ევროპულ სასამართლოში 4 მუხლით დავობდა, მათ შორის სამართლიანი სასამართლოს უფლების დარღვევის გამო. 

2017 წლის 2 მარტს საქართველოს უზენაესი სასამართლოს დიდმა პალატამ ტელეკომპანია „რუსთავი 2“ ქიბარ ხალვაშს მიაკუთვნა. იმავე წლის 3 მარტს, „რუსთავი 2“-ის მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა.

ტელეკომპანია „რუსთავი 2“-ს წილებზე სამართლებრივი დავა რამდენიმე წელი მიმდინარეობდა. წილის სამართლებრივი გზით დაბრუნებას ბიზნესმენი ქიბარ ხალვაში ცდილობდა. ამავდროულად, „რუსთავი 2“-თან დაკავშირებით პრეტენზიას თავდაპირველი დამფუძნებლები - ჯარჯი აქიმიძე და დავით დვალიც აცხადებენ. მათი თქმით, ვარდების რევოლუციის შემდეგ „ნაციონალური მოძრაობის“ ლიდერებმა წილები ძალით დაათმობინეს.

სამართლებრივი დავა აქტიურ ფაზაში „ქართული ოცნების“ ხელისუფლებაში მოსვლის შემდეგ შევიდა. „რუსთავი 2“-ს გენერალური დირექტორი და არხის წარმომადგენლები, რომლებიც არ მალავენ, რომ არხის სარედაქციო პოლიტიკა თანხვედრაშია „ნაციონალური მოძრაობის“ ღირებულებებთან და ეფუძნება მმართველი გუნდის მკაცრ კრიტიკას, აცხადებენ, რომ ხელისუფლება ცდილობს „რუსთავი 2“-ს გაჩუმებას და აპირებს ტელეკომპანიის ხელში ჩაგდებას, ხალვაშის გამოყენებით. მთავრობა ბრალდებებს უარყოფს და აცხადებს, რომ „რუსთავი 2“-ს მენეჯმენტი სამართლებრივი დავის პოლიტიკურ ჭრილში წარმოჩენას ცდილობს.

ყველა სიახლე

20 სექტემბერი 2021, 20:41

პოლიტიკა

ლევან იოსელიანი და ალექსანდრე ელისაშვილი მარკ კლეიტონს შეხვდნენ

„ელჩი დაინტერესდა როგორ მიდის წინასაარჩევნო კამპანია, არის თუ არა ზეწოლა და ხელის შეშლა სახელმწიფოს მხრიდან, კონკრეტულად ჩვენ პარტიასთან დაკავშირებით. ასევე, დაინტერესდა რამდენად კმაყოფილი ვართ საარჩევნო რეფორმების მიმდინარეობით და როგორ შეიძლება რეალურად აისახოს საარჩევნო ცვლილებები საარჩევნო დღეზე, რამდენად ოპტიმისტურად ან პესიმისტურად ვუყურებთ ამ არჩევნებს და იქნება თუ არა ბოლოს და ბოლოს ნორმალურად ჩატარებული არჩევნები“, - განაცხადა ალექსანდრე ელისაშვილმა შეხვედრის დასრულების შემდეგ.

ირაკლი კობახიძე

20 სექტემბერი 2021, 20:36

პოლიტიკა

ირაკლი კობახიძე: ძალიან შეშინებულია მიხეილ სააკაშვილი და სხვა ლიდერებიც, რადგან მეგის ქარდავას აქვს ბევრი ინფორმაცია

მეგის ქარდავა არის „ნაცმოძრაობის“ სახე. „ნაცმოძრაობა“ კოლექტიურად არის მეგის ქარდავა, - ამის შესახებ „ქრონიკას“ „ქართული ოცნების“თავმჯდომარე ირაკლი კობახიძემ განუცხადა. „ამ პასუხისმგებლობას ბუნებრივია ისინი ვერ გაექცევიან. ძალიან შეშინებულია კონკრეტულად მიხეილ სააკაშვილი და სხვა ლიდერებიც, იმის გამო რომ მეგის ქარდავას აქვს ძალიან ბევრი ინფორმაცია. ვნახოთ რა იქნება. ჩვენ ვიცით, რომ დამკვეთები იყვნენ სააკაშვილი და მისი რეჟიმი“, - აღნიშნა კობახიძემ.

20 სექტემბერი 2021, 20:27

მსოფლიო

სახელმწიფო დეპარტამენტი: რუსეთში საპარლამენტო არჩევნები ისეთ პირობებში ჩატარდა, რომელიც თავისუფალ და სამართლიან პროცესებს ხელს არ უწყობდა

17-19 სექტემბერს რუსეთში საპარლამენტო არჩევნები ისეთ პირობებში ჩატარდა, რომელიც თავისუფალ და სამართლიან პროცესებს ხელს არ უწყობდა, - ნათქვამია აშშ-ის სახელმწიფო დეპარტამენტის განცხადებაში.

მეგის ქარდავა

20 სექტემბერი 2021, 20:18

პოლიტიკა

მეგის ქარდავამ ციხიდან განცხადება გაავრცელა

პატიმრობაში მყოფი მეგის ქარდავა განცხადებას ავრცელებს, რომელიც მის Facebook-ზე გამოქვეყნდა. განცხადებაში ქარდავა წერს, თუ რატომ გადმოსცა უკრაინულმა მხარემ საქართველოს. ასევე გაკეთებული შეფასებების გამო ყოფილ თანაგუნდელებსაც აკრიტიკებს.

მამუკა მდინარაძე

20 სექტემბერი 2021, 20:16

პოლიტიკა

მამუკა მდინარაძე: ვიღაცა გაბრაზდა მდინარაძეზე და თქვა, რომ მდინარაძის იდეაა სისხლიანი ბანერების გაკვრა და ისევ ერთი ტყუილი შეასაღა საზოგადოებას

„როგორ შეიძლება ეს იყოს სიმართლესთან ახლოს?! შინაარსს მართლა ვეთანხმები, შეიძლება ფორმა მომწონდეს ან არ მომწონდეს, მაგრამ ვიღაცები რომ აღშფოთდებიან, მათ შორის თქვენ, რამდენიმე ტელევიზიის წარმომადგენლები, აღშფოთდებით ხოლმე და საერთოდ არ გახსენდებათ, ის რომ დღესაც გადის თქვენი ერთ-ერთი პარტიის რეკლამა, სადაც ამბობენ, რომ „ქართულმა ოცნებამ“ სიკვდილისთვის გაგწირათ“, აღარ ვსაუბრობ სხვა დანარჩენ უამრავ ისეთ გამოხატვაზე (თუ იმას გამოხატვა ჰქვია), სადაც ზიზღის ენაც არის, სიძულვილისა და შეიძლება ძალადობისკენ მოწოდებადაც მივიჩნიოთ, მათ შორის ქვეყნის გარედან, ქვეყნის შიგნით, ამაზე საერთოდ არ გაქვთ რეაქცია“, - განაცხადა მამუკა მდინარაძემ.

გოგა ხაინდრავა

20 სექტემბერი 2021, 20:00

პოლიტიკა

გოგა ხაინდრავა: „ვიკილიქსის“ ეპოქაში არაფერი უნდა გვიკვირდეს, ამ ქვეყანაში მინიმუმ 3 დიდ სახელმწიფოს საკუთარი ინტერესები აქვს და ამ ინტერესებისთვის მათი შესაძლებლობები შეუდარებლად დიდია

„არაფერი არ უნდა გვიკვირდეს „ვიკილიქსის“ ეპოქაში და ის, რომ ამ ქვეყანაში მინიმუმ 3 დიდ სახელმწიფოს საკუთარი ინტერესები აქვს და ამ ინტერესებისთვის მათი შესაძლებლობები არის შეუდარებლად დიდი, ვიდრე ჩვენი „სუსის“, მაფიქრებინებს, რომ არ არის გამორიცხული აქ რუსეთის ხელი ურევია“, - ამის შესახებ კინორეჟისორმა გოგა ხაინდრავამ განაცხადა.

მამუკა მდინარაძე

20 სექტემბერი 2021, 20:00

პოლიტიკა

მამუკა მდინარაძე: ჩვენ ვართ ორიენტირებული ქვეყნის განვითარებაზე, პროგრამაზე, გულწრფელობაზე - მეორე მხარე არეულობაზე

ჩვენ ვართ ორიენტირებული ქვეყნის განვითარებაზე, პროგრამაზე, გულწრფელობაზე, რეალობაზე. მეორე მხარე სამწუხაროდ, ორიენტირებულია არეულობაზე, რაც დარწმუნებული ვარ, არ გამოუვათ ერთადერთი მიზეზის გამო – მართლები ვართ ჩვენი პლუს-მინუსებით, შეცდომებით, თუ გაკეთებული საქმეებით. მეორე მხარე ცდილობს, ეს ქვეყანა არიოს. ჯერ ერთი, სიმართლეს ვერ მოერევიან და „ქართულ ოცნებას“, სახელმწიფოს ვერ მოერევიან, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ჟურნალისტებს განუცხადა.

20 სექტემბერი 2021, 19:58

მსოფლიო

ჯო ბაიდენის ადმინისტრაციამ აშშ-ში უცხოელი ვიზიტორების შეშვების ახალი რეგულაცია გამოაცხადა

ჯო ბაიდენის ადმინისტრაციაში განაცხადეს, რომ ნოემბრის დასაწყისიდან სამოგზაურო შეზღუდვებს შეამსუბუქებენ სრულად ვაქცინირებული საერთაშორისო ვიზიტორებისთვის.

მამუკა მდინარაძე

20 სექტემბერი 2021, 19:55

პოლიტიკა

მამუკა მდინარაძე: დარწმუნებული ვარ ჩანაწერების საქმეს გამოიძიებენ დეტალურად, ამაში ჩაერთო აშშ შესაბამისი სამსახურებით

უსაფრთხოების სამსახურის სპეციფიკა დარწმუნებული ვარ 10%-ით მაინც იცით. კანონიერი გზით ნებისმიერი ადამიანის მოსმენაა შესაძლებელი. ინდულგენცია მსოფლიოში არც ერთ ადამიანზე არ არსებობს, უკანონო მოსმენა არც ერთი ადამიანის არ შეიძლება, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ფარულ ჩანაწერებთან დაკავშირებით ქუთაისში ჟურნალისტებს განუცხადა.

მამუკა მდინარაძე

20 სექტემბერი 2021, 19:50

პოლიტიკა

მამუკა მდინარაძე გახარიაზე: რა უნდოდა ამ კაცს, რა ჩაატარა, მართლა ვერ გავიგე, მაინცდამაინც „კოკაინი“ რატომ ახსენა - თვითონ გააჩინა ეჭვი

„რა უნდოდა ამ კაცს, რა ჩაატარა, მართლა ვერ გავიგე. შეიძლება გასაღიმებელიც იყოს. ან უნდა ეთქვა: „ახლავე წავალ, ჩავიტარებ ექსპერტიზას" ან ეთქვა, რომ „ჩემთვის არის შეურაცხმყოფელი”. მაინცდამაინც „კოკაინი“ რატომ ახსენა, ვერავინ გაიგო. შემდეგ წავიდა და სერთიფიცირება საერთოდ არ აქვს ამ სფეროში, ისეთ კლინიკაში ჩააბარა ანალიზი. შემდეგ აღმოჩნდა, რომ ნევროპათოლოგთან გაუკეთებია ნარკოლოგიური ანალიზი. საოცრებები ატარა. ჩვენ ვერც ვკადრებდით ვერავის, ვერც გახარიას, ვერც მტერს და ვერც მოყვარეს. ისეთი რაღაცები აკეთა, თვითონ გააჩინა ეჭვი", - განაცხადა მამუკა მდინარაძემ.

გოგა ხაინდრავა

20 სექტემბერი 2021, 19:28

პოლიტიკა

გოგა ხაინდრავა ბანერებზე: ჩემთვის მძიმე წარმოსადგენია გახარია სააკაშვილის გვერდით

„დიდ ქალაქებში გაკრული ოპოზიციის საწინააღმდეგო ბანერები მის გემოვნებაში არ ჯდება და არც ის მაინტერესებს, ვისი გაკეთებულია“, - ამის შესახებ კინორეჟისორმა გოგა ხაინდრავამ განაცხადა.

ირაკლი კობახიძე

20 სექტემბერი 2021, 19:07

პოლიტიკა

ირაკლი კობახიძე: ფიცი გვწამს და ბოლო გვაკვირვებს - ძალიან ნათლად იკითხება პოლიტიკური ინტერესი საიას სარჩელის უკან

„ფიცი გვწამს და ბოლო გვაკვირვებს. როდესაც არჩევნებამდე ორი კვირით ადრე შეგაქვს სარჩელი საკონსტიტუციო სასამართლოში, ეს ფაქტი ყველაფერზე მეტყველებს. მათ ასეთი სარჩელის შეტანა შეეძლოთ სამი თვის წინ ან სამი თვის შემდეგ. ზუსტად იმ მომენტში შეიტანეს სარჩელი, როდესაც ყველაზე ცხელი დრო იყო საარჩევნო აგიტაციის კუთხით. არავითარი დაბრკოლება მათ არ ჰქონდათ, შეეძლოთ სამი თვის დაგვიანებით შეეტანათ, თუ ისინი ზრუნავდნენ მომდევნო 2025 წლის თვითმმართველობის არჩევნებზე. ღიმილისმომგვრელია ეს ყველაფერი. აქედან გამომდინარე ძალიან ნათლად იკითხება პოლიტიკური ინტერესი ამ სარჩელის უკან, რაზეც ჩვენ გავამახვილეთ ყურადღება“ , - განაცხადა ირაკლი კობახიძემ.

ირაკლი კობახიძე

20 სექტემბერი 2021, 19:06

პოლიტიკა

ირაკლი კობახიძე სავარაუდო ფარულ მოსმენებზე: ყველამ იცის, რომ არჩევნებამდე საპარლამენტო სხდომა ვერ შედგება

„ყველამ იცის, რომ არჩევნებამდე საპარლამენტო სხდომა ვერ შედგება, შესაბამისად, ეს არის ერთგვარი სპეკულაცია. რაც შეეხება არჩევნების შემდგომ პერიოდს, რა თქმა უნდა, შედგება საპარლამენტო სხდომები, საპარლამენტო განხილვები, ყველაფერთან დაკავშირებით ჩვენ ვართ აბსოლუტურად ღია და გახსნილი, მაგრამ ყველამ იცის, რომ არჩევნებამდე შეუძლებელია, რაიმე საპარლამენტო შეკრება შედგეს მათ შორის იმის გამოც, რომ თითოეული დეპუტატი, როგორც მაჟორიტარი, ისე არა მაჟორიტარი, ჩართულია საარჩევნო აგიტაციაში“, – აღნიშნა ირაკლი კობახიძემ.

20 სექტემბერი 2021, 18:59

პოლიტიკა

თეა ახვლედიანი შვეიცარიის საგარეო საქმეთა ფედერალური დეპარტამენტის მშვიდობისა და ადამიანის უფლებათა განყოფილების ხელმძღვანელსა და საქართველოში შვეიცარიის საქმეთა დროებით რწმუნებულს შეხვდა

შერიგებისა და სამოქალაქო თანასწორობის საკითხებში სახელმწიფო მინისტრმა შეხვედრა გამართა შვეიცარიის საგარეო საქმეთა ფედერალური დეპარტამენტის მშვიდობისა და ადამიანის უფლებათა განყოფილების ხელმძღვანელ, სიმონ გაისბიულერსა და საქართველოში შვეიცარიის საქმეთა დროებით რწმუნებულ კრისტიან შონენბერგერთან, - ამის შესახებ ინფორმაციას შერიგებისა და სამოქალაქო თანასწორობის საკითხებში სახელმწიფო მინისტრის აპარატი ავრცელებს.

20 სექტემბერი 2021, 18:55

მსოფლიო

ორი ქვეყნის საზღვარზე 4 ცხედრის პოვნის შემდეგ, პოლონეთი ბელარუსს აკრიტიკებს

პოლონეთისა და ბელარუსის საზღვარზე ოთხი ადამიანი ცხედარი იპოვეს. ბელარუსიდან არალეგალი მიგრანტების ტალღის გაზრდაში ოფიციალური ვარშავა მინსკს კიდევ ერთხელ ადანაშაულებს. ბელარუსის ხელისუფლებასთან ერთად, ვარშავა ბრალს მოსკოვსაც სდებს.

20 სექტემბერი 2021, 18:54

მსოფლიო

1-ლი ოქტომბრიდან ვატიკანში შესასვლელად ე.წ. „მწვანე საშვის“ წარდგენა გახდება საჭირო

1-ლი ოქტომბრიდან ვატიკანში შესასვლელად ჯანმრთელობის მოწმობის წარდგენა გახდება საჭირო, რომელიც კორონავირუსისგან იმუნიტეტის მტკიცებულებას შეიცავს. ინფორმაციას ამის შესახებ სააგენტო Reuters-ი ავრცელებს.

ირაკლი კობახიძე

20 სექტემბერი 2021, 18:49

პოლიტიკა

ირაკლი კობახიძე: „ხარი ხართან დააბი“ არის ის, რაც დაემართა გიორგი გახარიას - თავისი საქმიანობით დაუკავშირდა პოლიტიკურ ძალას, რომელსაც მჭიდრო შეხება აქვს კოკაინთან

„მას ეს პრობლემა იმ პერიოდში არ ჰქონია. ეს პრობლემა მას გაუჩნდა ბოლო პერიოდის განმავლობაში. აქ შეგვიძლია გავიხსენოთ მარტივი გამონათქვამი, ხარი ხართან დააბი. როდესაც ის თავისი საქმიანობით და თავისი ქმედებებით დაუკავშირდა კონკრეტულ პოლიტიკურ ძალას, რომელსაც ძალიან მჭიდრო შეხება აქვს არამარტო ნარკოტიკებთან, კონკრეტულად კოკაინთან, ამის შემდეგ მას გაუჩნდა ეს პრობლემა. კონკრეტულმა ადამიანებმა მიუტანეს მას ეს ნარკოტიკული საშუალება და ეს ადამიანებიც საეჭვო კავშირებში არიან მხილებული. ხარი ხართან დააბი არის ის, რაც დაემართა გიორგი გახარიას. როდესაც ნიკა მელიასთვის გადადგები, ამის მერე სხვა რამ არ უნდა გაგიკვირდეს", - განაცხადა კობახიძემ.

ირაკლი კობახიძე

20 სექტემბერი 2021, 18:48

პოლიტიკა

ირაკლი კობახიძე: საქართველოში დიპლომატების არანაირი მოსმენა არ ხორციელდება

„საქართველოში დიპლომატების არანაირი მოსმენა არ ხორციელდება. მომავალში რას გამოაგდებს მელაძე, გვარამია, გახარია და ხოჯევანიშვილი, ვნახოთ, დავაკვირდეთ მოვლენების განვითარებას“, - განაცხადა ირაკლი კობახიძემ.

არჩილ ჩიქოვანი

20 სექტემბერი 2021, 18:35

პოლიტიკა

არჩილ ჩიქოვანი: 40 ახალი, უსაფრთხო და კომფორტული ავტობუსი იმოძრავებს ბათუმში ამ თვის ბოლოდან

ბოლო ერთი წლის განმავლობაში, მერის მოვალეობას ვასრულებდი და უნდა ვთქვა, რომ ჩვენ განვაახლეთ ტრანსპორტი, 40 ახალი სატრანსპორტო საშუალება, უსაფრთხო და კომფორტული ავტობუსი იმოძრავებს ჩვენს ქუჩებში მიმდინარე თვის ბოლოდან, - ამის შესახებ „ქართული ოცნების“ ბათუმის მერობის კანდიდატმა არჩილ ჩიქოვანმა „ქრონიკაში“ განაცხადა.

არჩილ ჩიქოვანი

20 სექტემბერი 2021, 18:35

რეგიონი

არჩილ ჩიქოვანი: ხელისუფლებაა გარანტი იმისა, რომ 2 ოქტომბრის არჩევნებამდე მშვიდ ვითარებაში მივალთ

ხელისუფლება არის გარანტი იმისა, რომ 2 ოქტომბრის არჩევნებამდე მშვიდად მივიდეთ. მივცეთ ჩვენს მოქალაქეებს შესაძლებლობა, აირჩიონ თვითმმართველობის ყველა შესაბამისი რგოლი, - განაცხადა „ქართული ოცნების“ ბათუმის მერობის კანდიდატმა არჩილ ჩიქოვანმა „ქრონიკაში“ წინასაარჩევნო გარემოზე საუბრისას. მისი თქმით, წინასაარჩევნო პერიოდში ოპოზიცია სიძულვილის ენას იყენებს სახელისუფლებო კანდიდატების მიმართ, რათა ქვეყანასა და რეგიონში ვითარება დაძაბოს. ჩიქოვანმა აღნიშნა, რომ ამის საპასუხოდ მათი მიზანია, მშვიდ ვითარებაში წარიმართოს წინასაარჩევნო პროცესები და არჩევნები. იგი ასევე ახლახან ხელვაჩაურში მომხდარსაც გამოეხმაურა.