imedi /  19 ივლისი 2019, 22:59 / სანდო წყარო

„რუსთავი 2“-ის თანამშრომლები საზოგადოებრივი საბჭოს შექმნას მოითხოვენ

„რუსთავის 2“-ის საინფორმაციო-პოლიტიკური დეპარტამენტის თანამშრომლებმა ახალ მენეჯმენტს წინადადებით მიმართეს. ისინი არასამთავრობო ორგანიზაციების ხელმძღვანელებისა და მედია ექსპერტებისგან დაკომპლექტებული საზოგადოებრივი საბჭოს შექმნას მოითხოვენ, რომელთა გარეშეც არხზე საკადრო გადაწყვეტილებები არ მიიღება.

ამასთან, მათი სურვილია დაწესდეს მორატორიუმი ნებისმიერ საკადრო გადაწყვეტილებაზე ამ საზოგადოებრივი საბჭოს შექმნამდე.

„უკვე 24 საათი გავიდა, რაც ჩვენი არხის ახალი გენერალური დირექტორისგან მოთხოვნის მიუხედავად რუსთავი ორის სარედაქციო პოლიტიკის დამოუკიდებლობასთან დაკავშირებით არანაირი მყარი გარანტიები არ მიგვიღია. „რუსთავის 2“-ის საინფორმაციო-პოლიტიკური დეპარტამენტი - „კურიერი“, „პოსტ სკრიპტუმი“, საზოგადოებრივ-პოლიტიკური თოქ-შოუები კიდევ ერთხელ მივმართავთ არხის ახალ მფლობელს და ხელმძღვანელს: „რუსთავი 2“-ის მფლობელის ცვლილებასთან დაკავშირებით საქართველოსა და საერთშორისო საზოგადოებაში წარმოიშვა სერიოზული შეშფოთება არხის სარედაქციო პოლიტიკისა და ქვეყანაში მედია-გარემოს ცვლილების საფრთხის გამო.

ჩვენ საინფორმაციო-პოლიტიკური დეპარტამენტის თანამშრომლებს, ვინც წლების განმავლობაში ქმნიდა და ქმნის „რუსთავი-2“-ის დამოუკიდებელ, ობიექტურ და კრიტიკულ საინფორმაციო-ანალიტიკურ პროდუქტს, მიგვაჩნია, რომ შექმნილ ვითარებაში არხის თანამშრომლებსა და მაყურებლებს სჭირდებათ რეალური გარანტიები, რომ „რუსთავი 2“-მა გააგრძელებს მუშაობას იმ გუნდით და იმ სარედაქციო პოლიტიკით, რომლის წყალობითაც არხი ინარჩუნებს დამოუკიდებლობას, ნდობის მაღალ სტატუსს და ნომერ პირველი ტელევიზიის სახელს ამ ქვეყანაში.

ბოლო წლების განმავლობაში „რუსთავი 2“-ის სარედაქციო დამოუკიდებლობის გარანტი იყო სტრასბურგის სასამართლოს დროებითი ღონისძიება და არხის გენერალური დირექტორი, ნიკა გვარამია, რომელიც ახალმა მფლობელმა დაუყონებლივ გაათავისუფლა არხის თანამშრომლებთან კონსულტაციების გარეშე. ამ ვითარებაში გუნდს სჭირდება ახალი გარანტიები, თუმცა ამ დრომდე ჩვენ და ჩვენმა მაყურებელმა მოისმინა ახალი მფლობელისა და მის მიერ დანიშნული დირექტორის მხოლოდ სიტყვიერი დაპირება, რომ არხის სარედაქციო პოლიტიკა დარჩება უცვლელი. ვინაიდან ახალი მფლობელის მხრიდან, მოთხოვნის მიუხედავად, ჩვენ არ მიგვიღია ამის დამადასტურებელი არცერთი მექანიზმი, ჩვენ ვთავაზობთ დამოუკიდებელი სარედაქციო პოლიტიკის შენარჩუნების კონკრეტულ გეგმას:

1. მედიისა და ადამიანის უფლებების დაცვის სფეროში მომუშავე ავტორიტეტული არასამთავრობო ორგანიზაციების წარმომადგენლებისგან შეიქმნას „რუსთავი 2“ -ს საზოგადოებრივი საბჭო. საერთაშორისო გამჭირვალობა საქართველო - ეკა გიგაური, საია - სულხან სალაძე,ს აქართველოს დემოკრატიული ინიციატივა- გიორგი მშვენიერაძე, სამართლიანი არცევნები- მიხელ ბენიძე, ჟურნალისტური ეთიკის ქარტია - ნატა ძველიშვილი, მედიამკვლევარი - ნინო დანელია, ჟურნალისტი ზვიად ქორიძე, მედიაექსპერტი ლაშა ტუღუში და კიდევ თქვენს მიერ შერჩეული ორი წარმომადგენელი, რომელიც მაღალი ნდობით და რეპუტაციით სარგებლობს საზოგადოებაში ამ საბჭოს განხილვისა და დადასტურების გარეშე „რუსთავი 2“-ს ახალმა მენეჯმენტმა ვერ შეძლოს, იმ თანამშრომლების მიღება და გათავისუფლება, რომლებიც ქმნიან და აგებენ პასუხს საზოგადოებრივ პოლიტიკურ კონტენტზე. (მათ შორის წამყვანები, საინფორმაციო სამსახურის უფროსი, ჟურნალისტები, პროდიუსერები).

2. დაწესდეს მორატორიუმი ნებისმიერ საკადრო გადაწყვეტილებაზე ამ საზოგადოებრივი საბჭოს შექმნამდე.

3. არხის ახალმა მენეჯმენტმა აიღოს ვალდებულება და არ განახორციელოს, რაიმე ქმედება, რომელიც ხელს შეუშლის არხის მაღალრეიტინგული გადაცემების მომზადებას და ეთერში გაშვებას. არ შეცვალოს იმ გასართობი გადაცემების წამყვანები და სარედაქციო გუნდი, რომელიც ფორმატით გასართობი ხასიასთისაა, თუმცა საყოველთაოდ აღიარებულია, რომ ხელისუფლებას დისკომფორტს უქმნის",- აღნიშნულია მიმართვაში.

მანამდე არხის ახალი დირექტორი პაატა სალია თანამშრომლების ნაწილს შეხვდა. მას იმედი აქვს, რომ ყველა თანამშრომელი უფლებამოსილებას კეთილსინდისიერად შეასრულებს. დღეს საღამოს კი ახალი დირექტორი საინფორმაციო სამსახურის თანამშრომლებს შეხვდება. სალია აცხადებს, რომ ელის, რომ დღევანდელი შეხვედრისას ბევრი პროვოკაციული შეკითხვა იქნება, თუმცა მათზე პასუხის გასაცემად სალია მზად არის.

18 ივლისს სტრასბურგის სასამართლომ გააუქმა საქართველოს უზენაესი სასამართლოს გადაწყვეტილების აღსრულების შემაჩერებელი მექანიზმი. კერძოდ, 2017 წლის 2 მარტს საქართველოს უზენაესი სასამართლოს დიდმა პალატამ ტელეკომპანია „რუსთავი 2“ ქიბარ ხალვაშს მიაკუთვნა. იმავე წლის 3 მარტს კი, „რუსთავი 2“-ს მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა. სწორედ ამ აღსრულების შეჩერება გააუქმა სტრასბურგის სასამართლომ.

„რუსთავი 2“ ადამიანის უფლებათა ევროპულ სასამართლოში 4 მუხლით დავობდა, მათ შორის სამართლიანი სასამართლოს უფლების დარღვევის გამო.

18 ივლისს ქიბარ ხალვაშმა „რუსთავი 2“-ს გენერალურ დირექტორად პაატა სალია დანიშნა, რომელმაც ამ პოზიციაზე ნიკა გვარამია შეცვალა.

ყველა სიახლე

28 მარტი 2020, 18:50

COVID19

ამირან გამყრელიძე: ძალიან მაღალი ალბათობით გვაქვს შიდა გავრცელების პრეცედენტი

გიორგი გახარია

28 მარტი 2020, 18:36

ეკონომიკა

გიორგი გახარია: დღეს ისეთი გამოწვევების წინაშე ვდგავართ, რომ ფოთიც უნდა აშენდეს და ანაკლიაც

დღეს ქვეყანაში არის ეპიდემია, მსოფლიოში გლობალური გამოწვევა. თითოეული ლარი, დამატებითი ინვესტიციებისა, ნიშნავს დამატებით სამუშაო ადგილებს ჩვენი მოქალაქეებისთვის, - ამის შესახებ საქართველოს პრემიერ-მინისტრმა ჟურნალისტებს განუცხადა. კომენტარს მთავრობის ადმინისტრაცია ავრცელებს. პრემიერის თქმით, დღეს ისეთი გამოწვევების წინაშე ვდგავართ, რომ ფოთიც უნდა აშენდეს და ანაკლიაც.

28 მარტი 2020, 18:22

რეგიონი

ბათუმში, ბარათაშვილის ქუჩაზე სახლს ხანძარი გაუჩნდა. ვიდეო

ხანძარია ბათუმში. ბარათაშვილის ქუჩაზე ცეცხლი საცხოვრებელ სახლს გაუჩნდა. ადგილზე სახანძრო-სამაშველო ბრიგადები მუშაობენ. შენობიდან მოსახლეობა გამოჰყავთ. შემთხვევის შედეგად არავინ დაშავებულა. ხანძრის მიზეზი ამ დროისთვის დადგენილი არ არის.

28 მარტი 2020, 18:17

COVID19

ესპანეთის საფეხბურთო კლუბ „ვალენსიას“ 25 წევრს კორონავირუსი დაუდგინდა

ოცდახუთი დაინფიცირებულიდან ათი ფეხბურთელია, თხუთმეტი კი ადმინისტრაციის თანამშრომელი. ფეხბურთელებიდან დაინფიცირებულია ესეკილ გარაი, ელიაკიმ მანგალა და ხოსე გაიაა, დანარჩენი შვიდი მოთამაშის ვინაობა ჯერჯერობით არ ხმაურდება.

28 მარტი 2020, 18:06

COVID19

საქართველოს მოქალაქეების ჩამოსაყვანად ბულგარეთიდან ჩარტერი განხორციელდება

საქართველოს მთავრობა უცხო ქვეყნებში დარჩენილი საქართველოს მოქალაქეების ორგანიზებულად ჩამოყვანას განაგრძობს. უკვე დაინიშნა ჩარტერული რეისი, რომელიც ბულგარეთის ქალაქ ბურგასიდან საქართველოს ათობით მოქალაქეს ჩამოიყვანს. რეისს ავიაკომპანია „Myway Airlines” შეასრულებს.

კორონავირუსი

28 მარტი 2020, 18:00

COVID19

ლევან რატიანი: კორონავირუსით ინფიცირებული ერთი პაციენტი დაგვემატა

„კორონავირუსით ინფიცირებული პაციენტი დაემატა სამწუხაროდ და ამჟამად 15-ია, მაგრამ მინდა გითხრათ, რომ ამ პაციენტის ზოგადი მდგომარეობა სტაბილურია, თუმცა ჩატარებული კომპიუტერული ტომოგრაფიით გამოვლინდა ე.წ. დაბურული მინის სინდრომი, რაც ამ დაავადებისთვის არის დამახასიათებელი”, - განაცხადა ლევან რატიანმა.

კორონავირუსი ტესტირება ლაბორატოირია

28 მარტი 2020, 17:54

COVID19

ამერიკულმა კომპანიამ კორონავირუსზე 5-წუთიანი ტესტის წარმოების ნაბართვა მიიღო

ახალი ტესტების შედეგები 5 წუთში იქნება ცნობილი. კომპანიაში აცხადებენ, რომ მასობრივი წარმოებისთვის საჭირო ნებართვა აშშ-ის ფედერალური რეგულატორებისგან უკვე მიიღეს.

28 მარტი 2020, 17:36

COVID19

თამარ გაბუნია: პირველადი ჯანდაცვის რგოლი სრულად მობილიზებულია, რომ ნებისმიერ ადამიანს გაუწიოს დახმარება

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილეებმა თამარ გაბუნიამ და გიორგი წოწკოლაურმა C ჰეპატიტის მართვის ცენტრი დაათვალიერეს და პირველადი ჯანდაცვის რგოლის ექიმებს შეხვდნენ.

პაულო დიბალა

28 მარტი 2020, 17:34

COVID19

კორონავირუსით ინფიცირებულმა პაულო დიბალამ ის სიმპტომი დაასახელა, რომლისგანაც ყველაზე მეტად იტანჯებოდა

ტურინის „იუვენტუსის“ არგენტინელი ფორვარდი პაულო დიბალა კორონავირუსისგან მიყენებულ ზიანზე საუბრობს. ფეხბურთელი ამბობს, რომ გამოჯანმრთელების ეტაპზეა. დიბალას გარდა კორონავირუსი იტალიური კლუბის სხვა ფეხბურთელებსაც აქვთ, მათ შორის დანიელე რუგანის და ბლეზ მატუიდის.

იორდანია

28 მარტი 2020, 17:30

COVID19

საქართველოს საელჩომ იორდანიაში საქართველოს 18 მოქალაქე საკვებით უზრუნველყო

„საქართველოს საელჩო ასევე კავშირზეა ამანში მეგობარი ქვეყნების საელჩოებთან და ყველა ზომას მიმართავს, რათა მოქალაქეებს დახმარება აღმოუჩინოს სამშობლოში დაბრუნებაში. საელჩო აგრძელებს მუშაობს ამ მიმართულებით, კავშირზე რჩება მოქალაქეებთან და მზად არის აღმოუჩინოს მათ მაქსიმალური დახმარება ამ ეტაპზე არსებული შესაძლებლობების ფარგლებში“, - ნათქვამია საგარეო საქმეთა სამინისტროს განცხადებაში.

28 მარტი 2020, 17:26

COVID19

ბოლნისიდან თბილისში კორონავირუსის სიმპტომებით, ერთი ადამიანი გადმოყავთ

​​​​​​​​ტელეკომპანია „იმედის“ გადაცემა „ქრონიკის“ ინფორმაციით, ამ ადამიანს კორონავირუსის სიმპტომები ექიმებმა კარდაკარ შემოწმებისას დაუდგინეს.

კორონავირუსი

28 მარტი 2020, 17:03

COVID19

უზბეკეთში კორონავირუსით გარდაიცვალა ექიმი, რომელმაც დაავადების შესახებ არავის უთხრა

ის კონტაქტში იყო პირველ პაციენტთან, რომელსაც ქვეყანაში ვირუსი დაუდასტურდა, რომელმაც მას ვირუსი გადასდო. მაგრამ 39 წლის კაცმა საკუთარი ავადმყოფობის შესახებ არავის უთხრა და ინფექციასთან გამკლავება დამოუკიდებლად სცადა.

28 მარტი 2020, 16:53

COVID19

ყვარლის მუნიციპალიტეტში მრავალსართულიანი სახლების სადარბაზოებს დეზინფექცია უტარდება

კორონავირუსის გავრცელების პრევენციის მიზნით, ყვარლის მუნიციპალიტეტში ყოველდღიურად მრავალსართულიანი საცხოვრებელი ბინების სადარბაზოები და მოსაცდელები სადეზინფექციო ხსნარით იწმინდება.

სტოკჰოლმი

28 მარტი 2020, 16:52

COVID19

ღია საზღვრები და ტესტირებაზე უარის თქმა - რატომ არ იყენებს შვედეთი კორონავირუსთან ბრძოლაში მკაცრ ზომებს?

მაღაზიები და რესტორნები ღიაა, ევროკავშირის წევრი ქვეყნების მოქალაქეები შვედეთში თავისუფლად შედიან. 29 მარტიდან ამოქმედდება 50-ზე მეტი ადამიანის შეკრების აკრძალვა. სკოლები და ბაგა-ბაღები ჩვეულ რეჟიმში მუშაობენ, დისტანციურ სწავლაზე მხოლოდ სტუდენტები და უფროსი კლასების მოსწავლეები გადავიდნენ. უცხოეთში მოგზაურობის შემდეგ შვედეთის მოქალაქეებს, მათ შორის არც ექიმებსა და მედდებს კარანტინში არავის უშვებს. იმ შემთხვევაშიც კი, თუ ადამიანს კორონავირუსის სიმპტომები აქვს, თვითიზოლაციაში მხოლოდ ის უნდა დარჩეს, მისი ოჯახის სხვა წევრებს კი თავისუფლად გადაადგილება შეუძლიათ.

28 მარტი 2020, 16:48

რეგიონი

გიორგი გახარიამ ენგურის ხიდთან შსს-ს განსაკუთრებულ დავალებათა დეპარტამენტის ბაზა მოინახულა

პრემიერი ბაზას შინაგან საქმეთა მინისტრ ვახტანგ გომელაურთან, შერიგებისა და სამოქალაქო თანასწორობის საკითხებში საქართველოს სახელმწიფო მინისტრ ქეთევან ციხელაშვილთან, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძესთან, სახელმწიფო უსაფრთხოების სამსახურის უფროსის მოადგილე ალექსანდრე ხოჯევანიშვილთან და სამეგრელო-ზემო სვანეთის გუბერნატორ, ალექსანდრე მოწერელიასთან ერთად იმყოფებოდა.

კახეთი კორონავირუსი

28 მარტი 2020, 16:36

რეგიონი

ყვარლის მუნიციპალიტეტში ინფრასტრუქტურული პროექტები აქტიურ ფაზაშია

ყვარლის მუნიციპალიტეტში ინფრასტრუქტურული პროექტები აქტიურ რეჟიმში მიმდინარეობს. საგანგებო სიტუაციების კოორდინაციისა და გადაუდებელი დახმარების ცენტრის სასწრაფო სამედიცინო დახმარების რაიონული სამსახურის შენობის მშენებლობა რამდენიმე დღეში დასრულდება, რისთვისაც 238 000 ლარი დაიხარჯება.

კორონავირუსი ტესტირება

28 მარტი 2020, 16:27

COVID19

ავსტრალიაში კორონავირუსთან ბრძოლას ტუბერკულოზის საწინააღმდეგო ვაქცინის დახმარებით გეგმავენ

„BCG ტებერკულოზის წინააღმდეგ შეიქმნა და ყოველ წელს 130 მილიონ ბავშვს უკეთდება, ამასთან, პრეპარატი ადამიანის „წინა ხაზის“ იმუნურ სისტემას აძლიერებს. ასწავლის, როგორ უპასუხოს ინფექციას უფრო ძლიერად“, - ნათქვამია მეცნიერების განცხადებაში.

პაატა იმნაძე

28 მარტი 2020, 16:27

COVID19

პაატა იმნაძე: ერთი ჩვენი სიტყვა საკმარისია უწყებებისთვის და ყველაფერი კეთდება, ასეთი კოორდინაცია არ მინახავს

საქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილემ, პაატა იმნაძემ უწყებებს შორის კოორდინირებულ მუშაობაზე ისაუბრა. როგორც მან „ტვპირველის“ ეთერში განაცხადა, ასეთო კოორდინაცია დიდი ხანია, არ უნახავს.

28 მარტი 2020, 16:18

COVID19

„ლოს-ანჯელეს კლიპერსის“ მილიარდერი მფლობელი კორონავირუსის წინააღმდეგ ბრძოლაში ჩაერთო

ეროვნული საკალათბურთო ასოციაციის კლუბ „ლოს-ანჯელეს კლიპერსის“ მილიარდერი მფლობელი კორონავირუსის წინააღმდეგ ბრძოლაში ჩაერთო. სტივ ბალმერი 25 მილიონ დოლარს იმ ორგანიზაციებს გადაუხდის, რომლებიც კორონავირუსის საწინააღმდეგო ვაქცინის შექმნაზე მუშაობენ.

28 მარტი 2020, 16:12

სამართალი

სოფელ ვეჯინში ქმრის მიერ დაჭრილი ქალის მდგომარეობა კრიტიკულია

სოფელ ვეჯინში ქმრის მიერ დაჭრილი ახალგაზრდა ქალის მდგომარეობა კრიტიკულია. ინფორმაციას მედიკოსები ადასტურებენ. ქალს ცივი იარაღით გულ-მკრედის არეში ღრმა ჭრილობა აქვს მიყენებული და მართვით სუნთქვაზე იმყოფება. პაციენტს ახლა ქირურგიული ოპერაცია უტარდება.