„თიბისი ბანკის ჯგუფი“ მამუკა ხაზარაძის და ბადრი ჯაფარიძის სიმართლეში დარწმუნებულია

„თიბისი ბანკის ჯგუფი“ (TBC PLC) მამუკა ხაზარაძისა და ბადრი ჯაფარიძისთვის ბრალის წარდგენასა და ბანკის დირექტორთა საბჭოს ხელმძღვანელობიდან მათი დროებით წასვლის შესახებ მიღებულ გადაწყვეტილებას განცხადებით ეხმიანება. 

როგორც განცხადებაში წერია, ხაზარაძემ და ჯაფარიძემ ეს გადაწყვეტილება გენერალური პროკურატურის მიერ მათთვის ბრალის წარდგენის შემდეგ მიიღეს, მიზეზი კი ის არის, რომ მათთვის წაყენებულმა ბრალდებებმა გავლენა არ იქონიოს „თიბისი ბანკის ჯგუფის“ საქმიანობაზე და დავა ადვილად გააგრძელონ.

ჯგუფის განცხადებით, ისინი ელოდებიან როდის გაქარწყლდება მამუკა ხაზარაძისა და ბადრი ჯაფარიძის წინააღმდეგ წარდგენილი ბრალდებები, რათა ჯგუფის მუშაობას ისევ შეუერთდნენ:

„აქვე აღვნიშნავთ, რომ სამეთვალყურეო საბჭომ დაუყოვნებლივ დანიშნა „თიბისი ბანკის ჯგუფის“ სამეთვალუყურეო საბჭოს თავმჯდომარედ უფროსი დამოუკიდებელი დირექტორი ნიკოლოზ ენუქიძე“, - წერია განცხადებაში და აქვე აღნიშნულია, რომ ენუქიძე საბანკო საქმეების კარგი ცოდნის და საერთაშორისო გამოცდილებიდან გამომდინარე შეარჩიეს. 

ამასთან, „თიბისი ბანკის“ ჯგუფის სამეთვალყურეო საბჭოს თავმჯდომარედ დამოუკიდებელი დირექტორი ნიკოლოზ ენუქიძე დაინიშნა. 

მამუკა ხაზარაძემ და ბადრი ჯაფარიძემ „თიბისი ბანკის“ დირექტორთა საბჭოს დატოვების შესახებ გადაწყვეტილება გენერალური პროკურატურის მიერ მათთვის წარდგენილი ბრალდების შემდეგ მიიღეს. 

საქართველოს გენერალური პროკურატურა „თიბისი ბანკის საქმეზე“ გამოძიებას უკანონო შემოსავლის ლეგალიზაციის ფაქტზე აწარმოებს. საუბარია 17 მილიონ დოლარზე. 

8 იანვარს ცნობილი გახდა, რომ გენერალურმა პროკურატურამ მიმდინარე გამოძიების ფარგლებში "თიბისი ბანკიდან" გარკვეული დოკუმენტაცია ამოიღო.

9 ივლისს კი გაირკვა, რომ მამუკა ხაზარაძე საზოგადოებრივ მოძრაობას აფუძნებს.