Imedi /  07 აგვისტო 2019, 10:25 / სანდო წყარო

აგვისტოს ომის მე-11 წლისთავთან დაკავშირებით საგარეო უწყება განცხადებას ავრცელებს

საგარეო საქმეთა სამინისტრო

საგარეო საქმეთა სამინისტრო

11 წლის წინ, საერთაშორისო სამართლის ფუნდამენტური ნორმების სრული უგულებელყოფით განხორციელებული სამხედრო აგრესია წარმოადგენდა სუვერენული სახელმწიფოს საზღვრების ძალისმიერი გზით შეცვლის მცდელობას, რამაც სერიოზული საფრთხე შეუქმნა რეგიონისა და მთლიანად ევროპული უსაფრთხოების სისტემას, აცხადებს საგარეო საქმეთა სამინისტრო.

უწყება აღნიშნავს, რომ 2019 წლის 7 აგვისტოს 11 წელი შესრულდა რუსეთის ფედერაციის მიერ საქართველოს წინააღმდეგ განხორციელებული ფართომასშტაბიანი სამხედრო ინტერვენციისა და საქართველოს განუყოფელი რეგიონების - აფხაზეთისა და ცხინვალის რეგიონის/სამხრეთ ოსეთის უკანონო ოკუპაციის შემდეგ.

„რუსეთის ფედერაციას ჯერ კიდევ არ აქვს შესრულებული ევროკავშირის შუამდგომლობით 2008 წლის 12 აგვისტოს დადებული ცეცხლის შეწყვეტის შეთანხმება და კვლავ განაგრძობს საერთაშორისო ვალდებულებების დარღვევას, მიუხედავად საერთაშორისო თანამეგობრობის მუდმივი მოწოდებებისა.

სრულად უგულებელყოფს რა ცეცხლის შეწყვეტის შეთანხმებით ნაკისრ ვალდებულებებს საქართველოს ტერიტორიიდან ჯარების გაყვანის თაობაზე, მოსკოვი კიდევ უფრო აძლიერებს თავის უკანონო სამხედრო ყოფნას ადგილზე და ხელს უშლის უსაფრთხოების საერთაშორისო მექანიზმების შექმნას საქართველოს აფხაზეთისა და ცხინვალის რეგიონებში.

ამასთან, დგამს ნაბიჯებს საქართველოს აფხაზეთისა და ცხინვალის რეგიონების დე ფაქტო ანექსიის მიმართულებით, პარალელურად, კი ცდილობს, ოკუპირებულ ტერიტორიებზე მცხოვრები მოსახლეობა იზოლაციაში მოაქციოს დანარჩენი საქართველოსგან.

ამ მიზნით რუსეთის ფედერაცია მიზანმიმართულად განაგრძობს საოკუპაციო ხაზზე მავთულხლართებისა და ხელოვნური ბარიერების აღმართვას, ე.წ გადასასვლელი პუნქტების დახურვას, თავისუფალი გადაადგილების შეზღუდვას, ადგილობრივი მოსახლეობის გატაცებისა და უკანონო დაკავების პრაქტიკას, რითაც უხეშად არღვევს ადამიანის ფუნდამენტურ უფლებებსა და თავისუფლებებს და გაუსაძლისს ხდის კონფლიქტით დაზარალებული მოსახლეობის ისედაც რთულ ჰუმანიტარულ და სოციალურ-ეკონომიკურ მდგომარეობას.

შეშფოთებას იწვევს აფხაზეთისა და ცხინვალის რეგიონებში დარჩენილი ქართველი მოსახლეობის ეთნიკური ნიშნით დისკრიმინაცია და შევიწროება, მათ შორის, მშობლიურ ენაზე განათლების აკრძალვა და ღირსების შელახვა, ეთნიკური იდენტობის შეცვლის იძულების გზით. კიდევ უფრო საგანგაშოა ეთნიკურ ნიადაგზე წამებისა და მკვლელობის შემთხვევები, რასაც ადასტურებს დავით ბაშარულის, გიგა ოთხოზორიასა და არჩილ ტატუნაშვილის სიცოცხლის ხელყოფის ფაქტები.

აღნიშნულ საქმეებზე დაუსჯელობის სინდრომის დამკვიდრებამ შესაძლებელი გახადა ირაკლი კვარაცხელიას გარდაცვალება უკანონო ტყვეობაში, ოკუპირებულ აფხაზეთში განთავსებულ რუსეთის სამხედრო ბაზაზე.

განსაკუთრებულ წუხილს იწვევს ის ფაქტი, რომ ეთნიკური წმენდის არაერთი ტალღის შედეგად, აფხაზეთისა და ცხინვალის რეგიონებიდან გამოდევნილი ასობით ათასი იძულებით გადაადგილებული პირი და ლტოლვილი კვლავაც მოკლებულია საკუთარ სახლში უსაფრთხოდ და ღირსეულად დაბრუნების შესაძლებლობას.

ამ ფონზე, კიდევ უფრო აშკარაა ოკუპირებულ რეგიონებში ევროკავშირის სადამკვირვებლო მისიის შესვლისა და მანდატის სრულად განხორციელების აუცილებლობა, აგრეთვე აფხაზეთისა და ცხინვალის რეგიონებში ადამიანის უფლებათა დაცვის საერთაშორისო მექანიზმების შეუზღუდავი წვდომის საჭიროება. არსებული გამოწვევების პასუხად, საქართველოს მთავრობა განუხრელად განაგრძობს რუსეთ-საქართველოს კონფლიქტის მშვიდობიანი მოგვარების პოლიტიკას, მოლაპარაკებებისა და დეესკალაციისკენ მიმართული ძალისხმევის გზით.

საქართველომ სრულად შეასრულა 2008 წლის 12 აგვისტოს ცეცხლის შეწყვეტის შეთანხმების პირობები და ცალმხრივად არაერთხელ დაადასტურა ძალის არ გამოყენების ვალდებულების მიმართ ერთგულება, რუსეთის მხრიდან ანალოგიური საპასუხო ნაბიჯის მოლოდინში.

იმ ფონზე, როცა რუსეთის ფედერაცია მიზანმიმართულად ცდილობს სამშვიდობო მოლაპარაკებების ფორმატების დაზიანებას, საქართველო განაგრძობს კონსტრუქციულ ჩართულობას ჟენევის საერთაშორისო მოლაპარაკებებში და ძალისხმევას არ იშურებს რუსეთის უკანონო ოკუპაციის შედეგად დაზარალებული მოსახლეობის უსაფრთხოებისა და ჰუმანიტარული პრობლემების გადასაჭრელად. პარალელურად, საქართველოს მთავრობა დგამს ნაბიჯებს ომითა და საოკუპაციო ხაზებით გაყოფილ მოსახლეობას შორის შერიგებისა და ნდობის აღდგენის უზრუნველსაყოფად, რისი დასტურიცაა სამშვიდობო ინიციატივა „ნაბიჯი უკეთესი მომავლისაკენ“.

დეესკალაციისკენ მიმართული ძალისხმევის ფარგლებში, 2012 წლიდან გადაიდგა ნაბიჯები რუსეთის ფედერაციასთან სავაჭრო-ეკონომიკური და ჰუმანიტარული ურთიერთობების აღსადგენად, ქართულმა მხარემ მიიღო რიგი კონსტრუქციული გადაწყვეტილებები, მაგრამ ამას აუცილებლად უნდა მოჰყვეს რუსეთის შესაბამისი ნაბიჯები კონფლიქტის დარეგულირების კუთხით.

ქართული მხარე დიდად აფასებს საერთაშორისო თანამეგობრობის ურყევ მხარდაჭერას საქართველოს სუვერენიტეტისა და ტერიტორიული მთლიანობის მიმართ და წვლილს რუსეთ-საქართველოს კონფლიქტის მშვიდობიანი დარეგულირების პროცესში.

საგარეო საქმეთა სამინისტრო მიმართავს საერთაშორისო თანამეგობრობას, კონსოლიდირებული ძალისხმევა წარმართოს რუსეთის ფედერაციის მიერ საქართველოს ტერიტორიების დეოკუპაციის, იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების უზრუნველსაყოფად.

საგარეო საქმეთა სამინისტრო მოუწოდებს რუსეთის ფედერაციას, შეასრულოს ცეცხლის შეწყვეტის შესახებ 2008 წლის 12 აგვისტოს შეთანხმებით ნაკისრი ვალდებულებები, პატივი სცეს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში, შეცვალოს ოკუპირებული ტერიტორიების ე.წ. დამოუკიდებლობის აღიარების შესახებ უკანონო გადაწყვეტილება, გადადგას შესაბამისი ნაბიჯები საქართველო-რუსეთის ურთიერთობების დასარეგულირებლად, კონფლიქტის დიალოგის გზით მოწესრიგებისა და რეგიონში მშვიდობის უზრუნველყოფის მიზნით.

საგარეო საქმეთა სამინისტრო სარგებლობს შემთხვევით და სამძიმარს უცხადებს 2008 წლის ომში გმირულად დაღუპული მებრძოლებისა და მშვიდობიანი მოსახლეობის ოჯახებსა და ახლობლებს.“, - აღნიშნულია განცხადებაში. 

2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. 

ჯანდაცვის სამინისტროს მონაცემებით, დაჭრილ-დაშავებულ სამოქალაქო და სამხედრო პირთა რაოდენობა სულ 2 232-ია. მათ შორის, 1045 სამხედრო მოსამსახურე იყო.

ყველა სიახლე

21 ივნისი 2021, 18:02

პოლიტიკა

საქართველოს პარლამენტის მუდმივმოქმედი დელეგაცია ევროპის საბჭოს საპარლამენტო ასამბლეის საზაფხულო სესიაში მონაწილეობს

სესიის მუშაობაში საქართველოს პარლამენტის მუდმივმოქმედი დელეგაციის წევრები - ირაკლი ჩიქოვანი და თამარ ტალიაშვილი მონაწილეობენ. ასამბლეას სიტყვით მიმართავს უნგრეთის საგარეო საქმეთა და ვაჭრობის მინისტრი. დღის წესრიგით ასევე გათვალისწინებულია ადამიანის უფლებათა ევროპული სასამართლოს მოსამართლეთა არჩევა და თავისუფალი დებატები სტამბოლის კონვენციის შესახებ.

ეკატერინე ტიკარაძე

21 ივნისი 2021, 17:55

საზოგადოება

ეკატერინე ტიკარაძე: რეფორმა ბიუჯეტისთვის მძიმე ტვირთი არ იქნება

რეფორმა ბიუჯეტისთვის მძიმე ტვირთი არ იქნება. გადასახადები, რაც დღეს მოქალაქეებს ბიუჯეტში შეაქვთ, მნიშვნელოვანია, რომ მათ ეფექტურად დაუბრუნდეთ, - ამის შესახებ ჯანდაცვის მინისტრმა ეკატერინე ტიკარაძემ „ქრონიკას“ განუცხადა.

21 ივნისი 2021, 17:50

COVID19

დაავადებათა კონტროლის ცენტრი კორონავირუსზე, ბ და ც ჰეპატიტებზე ლაბორატორიულ კვლევას იწყებს

შერჩეულებს ეპიდემიოლოგები ინტერვიუსა და სისხლის ლაბორატორიულ ტესტირებას ჩაუტარებენ. პროექტი აშშ-ის დაავადებათა კონტროლისა და პრევენციის ცენტრის მიერ ფინანსდება.

ალეკო ელისაშვილი

21 ივნისი 2021, 17:48

პოლიტიკა

ალეკო ელისაშვილი: გამორიცხულია ჩვენი და „ნაციონალური მოძრაობის“ რამე ფორმით თანამშრომლობა

პარტია „მოქალაქეების“ ლიდერი, ალეკო ელისაშვილი მათი და „ნაციონალური მოძრაობის“ რამე ფორმით თანამშრომლობას გამორიცხავს. მისი თქმით, თუ „ნაციონალურ მოძრაობას“ თანამშრომლობა სურდა, მაშინ ნახევარი წელი რატომ აბრალებდა მათ რაღაც საზიზღრობებს.

21 ივნისი 2021, 17:46

პოლიტიკა

სადეპუტატო იმუნიტეტის მოსახსნელად უბრალო უმრავლესობაზე მეტი ხმა იქნება საჭირო

რეგლამენტის პროექტის მიხედვით, პარლამენტის წევრის დაკავება ან დაპატიმრებაზე, მისი საცხოვრებელი ან სამუშაო ადგილის, მანქანის ან პირად გაჩხრეკაზე თანხმობის მიცემის შესახებ, ასევე დაკავებული ან დაპატიმრებული პარლამენტის წევრისთვის უფლებამოსილების შეჩერების შესახებ პარლამენტის დადგენილება მიღებულად ჩაითვლება, თუ მას მხარს დაუჭერს პარლამენტის სრული შემადგენლობის სამი მეხუთედი ანუ 90 დეპუტატი.

21 ივნისი 2021, 17:45

სპორტი

ევროპის მოედანზე 2021 წლის სეზონის Jr.NBA-ს კენჭისყრა გაიმართა

ამერიკის ნაციონალური საკალათბურთო ასოციაციის (NBA), საქართველოში ამერიკის საელჩოსა და კალათბურთის ეროვნული ფედერაციის ერთობლივი ორგანიზებით, საქართველოში უკვე მეხუთედ ტარდება ჯუნიორ NBA-ს ლიგა, რომელშიც მთელი ქვეყნის მასშტაბით, საკვალიფიკაციო ეტაპის ჩათვლით, 2021 წლის სეზონში მონაწილეობს 77 გუნდი და 1300-მდე 12 წლამდე ასაკის კალათბურთელი. პროექტის მხარდამჭერია საქართველოს კულტურის, სპორტისა და ახალგაზრდობის სამინისტრო.

ეკატერინე ტიკარაძე

21 ივნისი 2021, 17:43

საზოგადოება

რას მოიცავს „სოციალური კოდექსი“ - ეკატერინე ტიკარაძის განმარტება

„დღეს შეგვიძლია ვისაუბროთ იმაზე, რომ ნამდვილად, საქართველოში გვაქვს გარკვეული სოციალური უთანაბრობა, რომელსაც აუცილებლად სჭირდება კარგი ანალიზი იმისთვის, რომ ჩვენ შევძლოთ და მოწყვლად მოსახლეობას უფრო მეტად მიზნობრივი პაკეტი შევთავაზოთ, რომელიც უკეთესად ხედავს ჩვენი ქვეყნის ყველა მოქალაქის საჭიროებას, შეეხება ეს მათ სამუშაო ადგილზე დაცულობას, შეეხება დროებით შრომისუუნარობას, მათ ჯანმრთელობის საჭიროებებს და ა.შ“, - განაცხადა ეკატერინე ტიკარაძემ.

21 ივნისი 2021, 17:41

ეკონომიკა

საფინანსო-საბიუჯეტო კომიტეტმა გიორგი ვაშაძის ინიციატივას საპენსიო სესხის საპროცენტო განაკვეთის შემცირებაზე მხარი არ დაუჭირა

საფინანსო-საბიუჯეტო კომიტეტმა „სახელმწიფო პენსიის შესახებ“ საქართველოს კანონში ცვლილების შეტანის თაობაზე“ კანონპროექტს მხარი არ დაუჭირა. პარლამენტართა ჯგუფის საკანონმდებლო ინიციატივის წესით წარმოდგენილი კანონპროექტი, კომიტეტს ფრაქცია „შარლ მიშელის რეფორმების ჯგუფის“ წევრმა, გიორგი ვაშაძემ გააცნო.

ეკატერინე ტიკარაძე

21 ივნისი 2021, 17:41

COVID19

ეკატერინე ტიკარაძე: საკოორდინაციო საბჭოზე შეზღუდვების მოხსნასთან დაკავშირებით დამატებით ვიმსჯელებთ

ჯანდაცვის მინისტრმა ქვეყანაში არსებული ეპიდვითარება და კორონავირუსის გავრცელების პრევენციის მიზნით დაწესებული შეზღუდვების შემდგომი შემსუბუქების შესაძლებლობა შეაფასა. ამ თემაზე ეკატერინე ტიკარაძემ „ქრონიკაში“ ისაუბრა.

ეკატერინე ტიკარაძე

21 ივნისი 2021, 17:38

საზოგადოება

ეკატერინე ტიკარაძე: კვლევამ აჩვენა, რომ ადამიანების 47%, რომელიც სოციალურ დახმარებას იღებს, შრომისუნარიანია, ამიტომ ისინი შრომის ბაზრისთვის უნდა გადავამზადოთ

ჩატარდა საქართველოს მოქალაქეების იმ ნაწილის ნაწილის კვლევა, რომელიც იღებს სოციალური დახმარებას. კვლევით დადგინდა, რომ ამ მოქალაქეების 47% რომლებიც დახმარებას იღებენ შრომისუნარიანები არიან, - ამის შესახებ ჯანდაცვის მინისტრმა ტელეკომპანია „იმედის“ ეთერში „ქრონიკაში“ განაცხადა.

21 ივნისი 2021, 17:31

სამართალი

დამამძიმებელ გარემოებაში განზრახ მკვლელობის მცდელობის ბრალდებით, თბილისში ერთი პირი დააკავეს

დამამძიმებელ გარემოებაში ჩადენილი განზრახ მკვლელობის მცდელობის ბრალდებით, თბილისში, 2001 წელს დაბადებული თ.მ დააკავეს. შსს-სუწყების ცნობით, არაფხიზელ მდგომარეობაში მყოფმა ბრალდებულმა, დღეს, თბილისში, კოტე მესხის ქუჩაზე, ურთიერთშელაპარაკების ნიადაგზე, ასევე არაფხიზელ მდგომარეობაში მყოფი ნაცნობები - 2001 წელს დაბადებული მ.მ. და 2001 წელს დაბადებული გ.ო. ცივი იარაღით დაჭრა და შემთხვევის ადგილიდან მიიმალა.

გიორგი ვაშაძე

21 ივნისი 2021, 17:28

პოლიტიკა

გიორგი ვაშაძე: 9 წლის განმავლობაში ყველა არჩევნებში მთავარი ვინც დამარცხდა „ნაციონალური მოძრაობაა“, რადგან ერთი და იგივე სტრატეგიით ურტყამენ კედელს თავს

„სტრატეგია აღმაშენებლის“ ლიდერის, გიორგი ვაშაძის განცხადებით, 9 წლის განმავლობაში ყველა არჩევნებში „ნაციონალური მოძრაობა“ დამარცხდა. მისი თქმით, ამის მიზეზი ის არის, რომ ერთი და იგივე სტრატეგიით ურტყამს კედელს თავს.

სტეფან ლევენი

21 ივნისი 2021, 17:23

მსოფლიო

შვედეთის პარლამენტმა ქვეყნის პრემიერ-მინისტრს უნდობლობა გამოუცხადა

შვედეთის პარლამენტმა ქვეყნის პრემიერ-მინისტრს, სტეფან ლევენს უნდობლობა გამოუცხადა. აღნიშნულ გადაწყვეტილებას მხარი 181-მა დეპუტატმა დაუჭირა, ხოლო 168 - წინააღმდეგ წავიდა.

21 ივნისი 2021, 17:19

პოლიტიკა

იურიდიულ საკითხთა კომიტეტის სხდომაზე საარჩევნო კოდექსში შესატან ცვლილებებზე მსჯელობენ

„დღეს მოვისმინე კომენტარები ვენეციის კომისიის დასკვნასთან დაკავშირებით. ძალიან მიხარია, რომ დასკვნა პოზიტიურია. არის გარკვეული საკითხები, რომელიც, როგორც აღნიშნეს დეპუტატებმა, პრინციპულ თემებს არ ეხება. ამიტომ, მოდით დაველოდოთ საბოლოო მსჯელობას და ვნახოთ, რა აისახება და რა არა“, - განაცხადა პარლამენტის თავმჯდომარემ, კახა კუჭავამ.

იოსებ არჩვაძე

21 ივნისი 2021, 16:57

ეკონომიკა

იოსებ არჩვაძე: ექსპორტის ასეთი დინამიკა მიღწეულია ბოლო წლებში ხელისუფლების მიერ გატარებული რეფორმებით, მცირე და საშუალო ბიზნესის ხელშემწყობი პროგრამების რეალიზაციით

არჩვაძის განმარტებით, ეს მაჩვენებლები საქართველოს ეკონომიკის მდგრად და დინამიურ განვითარებაზე მიუთითებს და მაგალითად მოჰყავს 2021 წლის მაისის თვის ექსპორტის მაჩვენებელი, რომელიც ფაქტობრივად გაუტოლდა 2019 წლის დონეს.

დავით ზალკალიანი

21 ივნისი 2021, 16:51

პოლიტიკა

დავით ზალკალიანი სომხეთს წარმატებული არჩევნების ჩატარებას ულოცავს

„სომხეთსა და მის მოსახლეობას წარმატებული არჩევნების ჩატარებას ვულოცავ. დარწმუნებული ვარ, რომ კავშირები საქართველოსა და სომხეთს შორის უფრო გაძლიერდება. მოუთმენლად ველი ახლო თანამშრომლობას“, - წერს ზალკალიანი.

თამარ ჟვანია

21 ივნისი 2021, 16:44

პოლიტიკა

დროებითი საგამოძიებო კომისიის სხდომაზე თამარ ჟვანიამ არჩევნების პირველადი შედეგების გამოქვეყნების საკითხები განმარტა

დროებითი საგამოძიებო კომისიის თავმჯდომარე გივი მიქანაძე ცესკო-ს თავმჯდომარისგან 2020 წლის საპარლამენტო არჩევნების პირველადი შედეგების გამოცხადების საკითხით დაინტერესდა და აღნიშნა, რომ არჩევნების დასრულებიდან 7.5 საათის შემდეგ შედეგების გამოცხადება ოპონენტების მხრიდან კრიტიკის საგანს წარმოადგენდა.

ირაკლი ქადაგიშვილი

21 ივნისი 2021, 16:43

პოლიტიკა

ირაკლი ქადაგიშვილი: დღეს შესაძლოა ადამიანი დაბულინგდეს იმისთვის, რომ მისი გვარი თანამდებობის პირის გვარს ემთხვევა, ან ნათესავი ჰყავს, ან სკოლაში ერთად უვლიათ ... რა ვქნათ ამ 3,5 მილიონიან ქვეყანაში?

ჩვენ ბევრ ეთერში გვინახავს სენსაციური, „წყალი რომ არ გაუვა“ ინფორმაცია, რომელიც შემდგომში აღმოჩნდება ხოლმე სრული ფალსიფიკაცია, - ამის შესახებ საპარლამენტო უმრავლესობის წევრმა ირაკლი ქადაგიშვილმა მედიას მთავრობაში ნეპოტიზმის შესახებ დასმული კითხვის პასუხად განუცხადა.

დავით სონღულაშვილი

21 ივნისი 2021, 16:40

ეკონომიკა

დარგობრივი ეკონომიკისა და ეკონომიკური პოლიტიკის კომიტეტი ახალ თემატურ მოკვლევებს იწყებს

„საქართველოს ბევრ ქვეყანასთან აქვს გაფორმებული თავისუფალი ვაჭრობის ხელშეკრულება. მნიშვნელოვანია გარკვევა, როგორ შეიძლება ამის კაპიტალიზაცია მოახდინოს ქვეყანამ და შესაბამისად როგორ გამოიყენოს ეს შესაძლებლობა, რომ ამით შექმნას კონკურენტული უპირატესობა სხვა ქვეყნებთან მიმართებით“, - განცხადა დავით სონღულაშვილმა კომიტეტის სხდომაზე.

ქეთი კოვზიაშვილი

21 ივნისი 2021, 16:37

პოლიტიკა

ქეთი კოვზიაშვილი: ვახტანგ გომელაურის შესახებ გავრცელებული ინფორმაცია არის „ფეიკ ნიუსის“ კლასიკური მაგალითი და სრული სიცრუე

„სამწუხაროა, რომ არარსებულ ამბავზე, აბსოლუტურ დეზინფორმაციაზე, სრულ ტყუილზე გიწევს იმის თქმა რომ ტყუილია, რომ ფაქტი არ მომხდარა. როგორც ჩანს შაბათის ეთერში გასული ამბავი იმდენად არარეზონანსული და დაუჯერებელი აღმოჩნდა, რომ დღეს უკვე ხელოვნურად ცდილობენ ამ თემის ხელახალ წამოწევას“, - წერს კოვზიაშვილი.